Lix chaq’rab’il li tenamit

Li Oficina del Asesor Legal General (OGC) kixk’ulub’aheb’ li chaq’rab’ink a’in choq’ re li k’anjeleb’aal EnglishConnect. Eb’ li chaq’rab’ink a’in wankeb’ xwankil chiru chixjunil li ruchich’och’ choq’ re EnglishConnect 1 ut 2, ut wan chik li chaq’rab’ink re jalan jalanq tenamit li tz’iib’anb’ileb’ sa’ lix ch’olob’ankil li chaq’rab’ink choq’ re EnglishConnnect sa’ li junjunq chi tenamit (chi’ilmanq li chaq’rab’ink choq’ re li junjunq chi tenamit sa’ englishconnect.org/leader/approved-locations).

• Tento taak’ul xliceenseb’ lix na’ xyuwa’ chixjunileb’ li wan 18 chihab’ re malaj li maji’ neke’xket a’an rik’in li hu k’eeb’il wi’ xliceens xna’ xyuwa’. Naru neke’tawman li hu sa’ naab’aleb’ li aatinob’aal sa’ englishconnect.org/resources/leader.

  • Us xk’ulb’al xjuch’eb’ li na’b’ej jo’ ajwi’ li yuwa’b’ej wi naru. Wi jun saaj wan 18 chihab’ re malaj maji’ naxket a’an a’ut ink’a’ chik wan sa’ rochoch xna’ xyuwa’, moko na’ajman ta xk’ulb’al xliceens rik’in xna’ xyuwa’.

  • Eb’ li hu tento te’k’uulaaq xb’aaneb’ laj jolominel b’ar wi’ naru te’tz’ile’q rix.

• K’e reetal naq eb’ laj k’utunel neke’xb’aanu li tzolok naxk’e li Iglees re xkolb’aleb’ rix li kok’al ut li saaj. Taaqe chixjunil lix chaq’rab’il li tenamit chirix xtz’ilb’aleb’ rix ut xb’oqb’aleb’ li te’tzoloq reheb’ li saaj choq’ reheb’ laj k’utunel re EnglishConnect li te’xtzol yalaq ani maji’ naxket 21 chihab’.

• Maapatz’ naq te’tojoq li ani te’tz’aqonq sa’ li k’anjeleb’aal.

  • Eb’ li te’tz’aqonq sa’ EnglishConnect naru neke’xkub’siheb’ li k’anjeleb’aal sa’ internet chi maajo’ nimal xtz’aq, malaj li teep malaj oqech naru neke’xloq’eb’ li k’anjeleb’aal choq’ re li ch’uut sa’ store.churchofjesuschrist.org. Eb’ li te’tz’aqonq naru ajwi’ te’xloq’eb’ li k’anjeleb’aal chi jo’kan wi neke’raj.

  • Eb’ laj k’utunel re EnglishConnect ink’a’ te’xk’e chi moko te’xk’ul tumin jo’ maatan naq neke’xtzoleb’ laj tzolonel sa’ EnglishConnect.

• Oksi li na’leb’ re paab’ank sa’ numenaq jun rox jachal li tzolok. (Li na’leb’ re paab’ank tento taab’ayq chiru numenaq 20 k’asal sa’ jun tzolok li nab’ay jun hoor, malaj 30 k’asal sa’ jun tzolok li nab’ay 90 k’asal.) K’e reetal: Wi k’utb’il li tzolok jo’ k’uub’anb’il ut wi jun aj k’utunel junelik naxb’aanu li k’anjel “Discuss the Principle of Learning” sa’ li ch’uut re aatinak, taak’ulmanq li ajom a’in.

• Taaqe chixjunil li chaq’rab’ink li wankeb’ sa’ li Hu chirix xtikib’ankil EnglishConnect ut li k’anjenel hu choq’ reheb’ laj k’utunel, ut oksi li k’anjeleb’aal QuickReg (quickreg.englishconnect.org) re xk’eeb’al reetal naq kolb’ilaq rix chixjunil li na’leb’ chirixeb’ laj tzolonel.

• Re naq ink’a’ te’wanq ch’a’ajkilal rik’ineb’ lix visa li misioneer malaj lix wanjik li Iglees sa’ jun tenamit, junaq mision li maajun wa roksihom li k’utuk Ingles jo’ jun k’anjel re xjultikankil li evangelio tento tixk’ul xk’ulub’il rik’in li OGC rub’elaj naq taaroksiheb’ li k’anjeleb’aal re EnglishConnect.

EnglishConnect 3 a’an b’eresinb’il ut k’anjelanb’il xb’aan BYU–Pathway Worldwide. Chi jo’kan, juntaq’eet li chaq’rab’ink chirix a’an rik’in li chaq’rab’ink chirix BYU–Pathway.

Sa’eb’ li tenamit b’ar wi’ ak k’ulub’anb’il xpuktesinkil resil EnglishConnect 1 ut 2, eb’ li oqech, teep, ut mision naru neke’xpuktesi resileb’ li ch’uut re EnglishConnect 1 ut 2 sa’ li tenamit, a’ yaal li chaq’rab’ink re tenamit chirix puktesink esil (chi’ilmanq li chaq’rab’ink choq’ re li junjunq chi tenamit sa’ englishconnect.org/leader/approved-locations). Tento naq wanq chixjunileb’ a’in sa’ chixjunil esil li puktesinb’ilaq:

1. K’utb’ilaq chi saqen ru lix k’ab’a’ li Iglees.

2. Jun ch’ol aatin li naxye naq maajo’ nimal xtz’aq li tz’aqonk sa’ EnglishConnect 1 ut 2.

3. Jun ch’ol aatin li naxye naq EnglishConnect 1 ut 2 ink’a’ naxk’e li acreditacion.

EnglishConnect a’an jun k’anjeleb’aal li k’eeb’il xb’aan Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. Chixjunileb’ li k’anjeleb’aal re EnglishConnect eechaninb’ileb’ malaj k’eeb’ileb’ xliceens xb’aan Intellectual Reserve, Inc. re te’oksimanq sa’eb’ li ch’uut re li Iglees, jo’eb’ li oqech, distrito, ut mision. Yalaq k’a’ chik paay ru li roksinkileb’ li k’anjeleb’aal re EnglishConnect tento naq k’eeb’ilaq xliceens chi tz’iib’anb’il. Re xpatz’b’al liceens re roksinkileb’ li k’anjeleb’aal re EnglishConnect, nujob’resi li hu li wan sa’ Permissions.ChurchofJesusChrist.org.

Eb’ li ch’uut re EnglishConnect tento te’xtaaqe junelik lix chaq’rab’il li Iglees re xkolb’aleb’ rix li saaj (a’aneb’ li ani wankeb’ 18 chihab’ re malaj li ani maji neke’xket a’an). Eb’ li saaj tento naq te’xk’am jun xjuch’b’il hu k’eeb’il wi’ xliceens xb’aan xna’ xyuwa’ rub’elaj naq te’tz’aqonq sa’ li ch’uut. Naru neke’tawman li hu sa’ naab’al li aatinob’aal sa’ englishconnect.org/resources/leader. Eb’ li hu tento te’k’uulaaq xb’aaneb’ laj jolominel b’ar wi’ naru te’tz’ile’q rix.

Xb’aan naq neke’ru chi tz’aqonk li saaj sa’ EnglishConnect, jun aj jolominel sa’ li tijonelil tento taaraatina li junjunq li taaraj k’anjelak jo’ aj k’utunel, ut tento tixk’e reetal naq moko wan ta li esil sa’ lix huhil lix komonil rub’elaj naq tixk’e xb’oqb’al. Jo’kan ajwi’, tento naq junelik wanqeb’ wiib’ li kristiaan ninq naq neke’ch’utla li ch’uut. Eb’ laj k’utunel ink’a’ naru neke’k’anjelak xjuneseb’ rik’in jun li saaj. Tento taataaqeheb’ li chaq’rab’ a’in ajwi’ naq nach’utla li ch’uut sa’ internet.

EnglishConnect a’an jun k’anjeleb’aal li k’eeb’il xb’aan Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. Re xtawb’al li na’leb’ chirix chan ru na’oksiman li esil chawix, ayu sa’ ChurchofJesusChrist.org ut pitz’ li aviso de privacidad sa’ xraqik li perel.

Chixjunileb’ li te’tz’aqonq tento te’xk’ulub’a li na’leb’ chirix li tz’aqonk, li naru natawman sa’ ChurchofJesusChrist.org/legal/englishconnect-terms-of-participation. Eb’ li te’tz’aqonq naru neke’xk’ulub’a li na’leb’ a’an sa’ internet naq jun aj k’anjel re EnglishConnect naxtz’iib’aheb’ resil sa’ QuickReg.

Eb’ laj k’utunel re EnglishConnect ink’a’ naru neke’xk’e sa’eb’ li redes sociales xjalam-uucheb’ laj tzolonel.

EnglishConnect ink’a’ naxk’e yalaq paay chi acreditacion, titulo, malaj credito choq’ re junaq tzoleb’aal malaj k’anjeleb’aal. Li tz’aqonk moko minb’il ta. Eb’ laj tzolonel naru neke’el yalaq jo’q’e neke’raj.