Eb’ li eetalil naru neke’oksiman

Arin wankeb’ li eetalil naru neke’oksiman sa’ jalaneb’ chik li archivo ut naru neke’teeman sa’ xtz’aqalileb’—sa’ li “kaax” re li Bilioteca del Evangelio.

Ch’uut chi eetalil 1

Seraq’ 1—Li xMaria

Li xMaria kixtzol chan ru xk’ulb’al xtenq’ li Dios re xtzolb’al li Ingles. Xniman lix paab’aal chirix li Dios, ut naxsik’ ru xtenq’ sa’ xkomoneb’ chik xcha’al lix yu’am. Anajwan naroksiheb’ li na’leb’ chirix li tzolok re xchaab’ilo’bresinkil lix tzolb’al chirix li evangelio.

Seraq’ 2—Laj Koffi

Laj Koffi ink’a’ nawulak sa’ li Iglees toj reetal naq jun li komon kixb’oq a’an chi tz’aqonk sa’ jun ch’uut re EnglishConnect. Li kixk’ul a’an rik’ineb’ li rech aj tzolonel kixloch li rajom chi nach’ok rik’in li Kristo. Anajwan nawulak rajlal sa’ li iglees, wan xb’oqb’al naxb’aanu chi tiik, ut narileb’ li ras riitz’in.

Ch’uut chi eetalil 2

Seraq’ 1—Laj Excellent

Laj Excellent li wan aran Republica Democratica del Congo kixtz’aqob’resi ru EnglishConnect 2 ut kixnimob’resi lix k’ayib’aal re xtenq’ankileb’ li ula’ aj jalan jalanq tenamit, ut a’an kixk’ihob’resi ka’ sut xb’een li tumin naxk’ul. Laj Excellent narileb’ ajwi’ li ras riitz’in jo’ aj k’utunel re EnglishConnect.

Seraq’ 2—Li xZheng Min

Li xZheng Min kixchaab’ilob’resi lix seeb’al re aatinak sa’ Ingles rik’in EnglishConnect ut kixtz’iib’a rib’ sa’ BYU–Pathway Worldwide. Xb’aan naq naxnaw li Ingles, kixtaw jun xtrab’aaj chaab’il xtojb’al naq toj yoo chi tzolok sa’ BYU–Pathway Worldwide.

Ch’uut chi eetalil 3

Seraq’ 1—Laj Lucas

Laj Lucas kixb’oqeb’ li ramiiw sa’ li redes sociales chi tz’aqonk rik’in a’an sa’ jun ch’uut re EnglishConnect. Li xMaria naril lix b’oqom ut naxsik’ ru tz’aqonk. Li xMaria kimusiq’aak xb’aan li paab’aal ut li k’ulub’aak kireek’a ut kixsik’ ru xtzolb’al xkomon chik li na’leb’ chirix li Iglees rik’ineb’ li misioneer. Kixsik’ ru kub’eek xha’ ut anajwan nak’anjelak jo’ aj k’utunel re EnglishConnect 1.