Սեմինարիա
Դաս 55. Վարդապետություն և Ուխտեր 41.1-12․ Տերը բերկրանքով օրհնում է մեզ

«Դաս 55. Վարդապետություն և Ուխտեր 41.1-12․ Տերը բերկրանքով օրհնում է մեզ», Վարդապետություն և Ուխտեր․ Սեմինարիայի ուսուցչի ձեռնարկ (2025 թ․)

«Վարդապետություն և Ուխտեր 41․1-12», Վարդապետություն և Ուխտեր․ Սեմինարիայի ուսուցչի ձեռնարկ

Դաս 55. Վարդապետություն և Ուխտեր 41–44

Վարդապետություն և Ուխտեր 41

Տերը բերկրանքով օրհնում է մեզ

Հիսուս Քրիստոսը ողջունում է կույր մարդուն

Երբ Մարգարեն Օհայոյում միացավ դժվարությունների դեմ պայքարող Սրբերին, Տերը վկայեց, որ Նա բերկրանքով օրհնում է նրանց, ովքեր լսում են Իրեն։ Այս դասը նախատեսված է օգնելու ուսանողներին վստահ լինել, որ Տերը կօրհնի իրենց, եթե իրենք լսեն և հնազանդվեն Նրան:

Հնարավոր ուսումնական վարժություններ

Որքանո՞վ եք վստահ, որ … ։

Գրատախտակին հետևյալի նման մի գծապատկեր նկարեք․

Վստահության սանդղակ

Մատնանշեք սանդղակի աջ կողմը: Առաջարկեք ուսանողներին կիսվել մի բանով, որում իրենք վստահ են, և բացատրել, թե ինչու են վստահ:

Գրատախտակին գրեք հետևյալ արտահայտությունը. Տերը կօրհնի մեզ, եթե մենք լսենք և հնազանդվենք Իրեն։ Խնդրեք ուսանողներին օգտագործել սանդղակը՝ այս արտահայտության նկատմամբ իրենց վստահությունը գնահատելու համար 1-ից 5 միավորով (1 = վստահ չեմ, 5 = շատ վստահ եմ): Առաջարկեք ուսանողներին մտածել այն մասին, թե ինչու են իրենց վստահությունը գնահատել այնպես, ինչպես նշել են սանդղակով:

  • Ի՞նչ փոփոխություն կարող է լինել կյանքում, երբ շատ վստահ լինեք, որ Տերը կօրհնի ձեզ:

Առաջարկեք ուսանողներին օգնություն խնդրել Տիրոջից՝ մեծացնելու իրենց վստահությունը, որ Նա կօրհնի իրենց, եթե իրենք ձգտեն լսել և հնազանդվել Նրան:

Տիրոջ վերաբերմունքը մեզ օրհնելու նկատմամբ

1830 թ. դեկտեմբերին Տերը պատվիրեց Սրբերին տեղափոխվել Օհայո (տես Վարդապետություն և Ուխտեր 37.3): Կարճ ժամանակ անց՝ 1831 թվականի հունվարին և փետրվարին Մարգարե Ջոզեֆ Սմիթը և նրա կինը՝ Էմման, հարյուրավոր մղոններ անցան՝ ուղևորվելով դեպի Կիրթլենդ, Օհայո: Այնուհետև, երբ այլ շրջաններից Սրբերը սկսեցին բնակություն հաստատել Կիրթլենդում, մարգարեն հայտնություն ստացավ, որը որոշ հրահանգներ էր պարունակում։

Կարդացեք Վարդապետություն և Ուխտեր 41․1 հատվածը՝ փնտրելով Տիրոջ վերաբերմունքը նրանց օրհնելու նկատմամբ, ովքեր լսում են Իրեն:

դասընթացի պատկերակՕգնեք սովորողներին ճանաչել Տիրոջ ազդեցությունը. որպեսզի լրացուցիչ ուսուցում ստանաք, թե ինչպես օգնել սովորողներին ճանաչել Տիրոջ ազդեցությունը սուրբ գրություններում և իրենց կյանքում, տես «Հարցեր տվեք, որոնք Տիրոջ սերը, զորությունը և ողորմածությունը կապում են ուսուցանված ճշմարտությունների հետ» հմտությունը «Օգնեք սովորողներին ճանաչել Տիրոջ սերը, զորությունը և ողորմությունը իրենց կյանքում» դասընթացում, որը զետեղված է Ուսուցիչների կատարելագործման հմտություններ․ Կենտրոնացեք Հիսուս Քրիստոսի վրա ուսուցողական նյութում։ Երբ ուսանողները կիսվեն իրենց գտածով, գրատախտակին գրեք հետևյալ ճշմարտությունը. Տերը բերկրանքով է օրհնում նրանց, ովքեր լսում են Իրեն։ Կարող եք խրախուսել ուսանողներին նշել այդ ճշմարտությունն իրենց սուրբ գրություններում:

  • Ձեր կարծիքով, ի՞նչ է նշանակում բերկրանքով անել որևէ բան։

  • Ձեր կարծիքով, որո՞նք են «մեծագույնները Աստծո բոլոր պարգևներից» (Վարդապետություն և Ուխտեր 14․7)։

  • Ի՞նչ եղանակներով մենք կարող ենք լսել Նրան:

Լսեք ուսանողների պատասխանները: Եթե օգտակար լինի, առաջարկեք ուսանողներին կարդալ հետևյալ խոսքերը, փնտրելով եղանակներ, որոնցով մենք կարող ենք լսել Տիրոջը:

Նախագահ Ռասսել Մ. Նելսոնն ուսուցանել է․

Նախագահ Ռասսել Մ․ Նելսոն

Պահանջվում է աչալուրջ և հետևողական աշխատանք, որպեսզի մեր առօրյա կյանքը լցվի Նրա խոսքով, Նրա ուսմունքներով և Նրա ճշմարտություններով: …

Կարող ենք դիմել սուրբ գրություններին։ Նրանք մեզ սովորեցնում են Հիսուս Քրիստոսի և Նրա ավետարանի մասին, Նրա Քավության մեծության և մեր Հոր՝ երջանկության ու փրկագնման մեծ ծրագրի մասին: … Եթե ամեն օր սնվենք Քրիստոսի խոսքերով, Քրիստոսի խոսքերը կասեն մեզ, թե ինչպես արձագանքենք այն դժվարություններին, որոնց երբևէ չենք մտածել, որ կբախվենք:

Մենք կարող ենք նաև լսել Նրան տաճարում։ Տիրոջ տունը ուսուցման տուն է։ Այնտեղ Տերն ուսուցանում է Իր ձևով: …

… Մենք լսում ենք Նրան, երբ ականջ ենք դնում մարգարեների, տեսանողների և հայտնողների խոսքերին: Հիսուս Քրիստոսի կարգված առաքյալները միշտ վկայում են Նրա մասին: Նրանք մատնանշում են ուղին, երբ մենք քայլում ենք մահկանացու փորձառությունների մեր մռայլ լաբիրինթոսի ուղիով: (Ռասսել Մ. Նելսոն. «Լսիր Նրան», Լիահոնա, մայիս 2020 թ․, 89–90)

Խնդրեք ուսանողներին վերանայել հատված 1-ը՝ տեսնելու, թե ինչ է տեղի ունենում նրանց հետ, ովքեր հրաժարվում են լսել Տիրոջը: Օգտակար կլինի նշել, որ այս հատվածում օգտագործվող «անեծքներ» բառը նշանակում է դատաստաններ կամ հետևանքներ:

  • Ինչո՞ւ է կարևոր իմանալ, որ Տիրոջը լսելուց հրաժարվելը կարող է հանգեցնել բացասական հետևանքների:

Օրինակներ, երբ Տերը օրհնում է Իրեն լսողներին

Մի քանի ուսանողի խրախուսեք կիսվել ստորև ներկայացվող հարցերի վերաբերյալ իրենց պատասխաններով։ Իրենց ոգևորությամբ և սիրով կիսվելը կօգնի ուսանողներին զգալ Տիրոջ բերկրանքը: Դա կարող է նաև լավ հնարավորություն լինել ձեր ուսանողներին ավելի լավ ճանաչելու համար:

  • Ի՞նչ եք դուք սիրում կամ ինչից եք բերկրանք զգում։

Բացատրեք, որ կան բազմաթիվ օրինակներ, երբ Տերն իսկապես բերկրանք է զգում՝ օրհնելով Իրեն լսողներին:

Կարդացեք հետևյալ հատվածները և փնտրեք, թե ինչպես է Տերն օրհնում Իր Սրբերին, եթե նրանք լսում են Իրեն:

Կարող եք դասարանը խմբերի բաժանել՝ հատվածները կարդալու և ուղեկցող հարցերին պատասխանելու համար: Ապա ուսանողները կարող են միմյանց հետ կիսվել իրենց սովորածով:

Վարդապետություն և Ուխտեր 41․2–5

  • Ինչպե՞ս կարող է օրհնություն լինել Տիրոջ օրենքը կամ առաջնորդությունը ստանալը (Տես հատված 3։)

  • Ինչպե՞ս կարող է մեզ օգնել Տիրոջ օրենքին հնազանդվելը և Քրիստոսի ավելի լավ աշակերտներ դառնալը (Տես հատված 5):

Ժամանակակից օրինակի համար տես նախագահ Գորդոն Բ. Հինքլիի (1910–2008) պատմությունն այն մասին, թե ինչպես Տերը օրհնեց մի մարդու, որը լսում և հնազանդվում էր Իրեն, «Մենք քայլում ենք հավատքով» տեսանյութի 7:30–12:39 հատվածում, որը գտնվում է ChurchofJesusChrist.org կայքում։

16:28

Լրացուցիչ օրինակներ

Առաջարկեք ուսանողներին փնտրել կամ հիշել առնվազն երկու լրացուցիչ օրինակ, որոնք կամրացնեն իրենց վստահությունն առ այն, որ Տերը կօրհնի նրանց, ովքեր լսում են Իրեն: Խրախուսեք ուսանողներին փնտրել Տիրոջ առաջնորդությունը՝ գտնելու օրինակներ, որոնք կօրհնեն իրենց և դասարանին:

  1. Գտեք մեկ օրինակ սուրբ գրություններից: Դա կարող է լինել․

    1. Պատմություն այն մասին, թե երբ Տերն օրհնեց նրանց, ովքեր լսեցին և հնազանդվեցին Իրեն: (Կարող են լինել նմանատիպ օրինակներ. Նոյը կառուցում է տապանը և փրկվում Ջրհեղեղից [տես Ծննդոց 6–8], Դեբորան հնազանդվում է Իսրայելը գերությունից ազատելու Տիրոջ հրահանգին [Դատավորներ 4․1–8, 13–15], Մարիամը ընդունում է Փրկչի մայրը լինելու իր դերը և զգում է Տիրոջ օրհնությունները [Ղուկաս 1․38, 46–49], Նեփին ստանում է արույրե թիթեղները [տես 1 Նեփի 3–5], Ջոզեֆ Սմիթը կարողանում է պաշտպանել թիթեղները [տես Ջոզեֆ Սմիթ—Պատմություն 1․46, 60], Ջոզեֆ Սմիթը և Օլիվեր Քաուդերին մկրտում են միմյանց Ահարոնյան Քահանայությունը ստանալուց հետո, այնուհետև Սուրբ Հոգին իջնում է նրանց վրա [տես Ջոզեֆ Սմիթ—Պատմություն 1․68–74])։

    2. Հատված կամ հատվածներ, որոնք վկայում են, որ Տերը կօրհնի մեզ, եթե մենք լսենք և հնազանդվենք Իրեն: (Այդ հատվածների որոշ օրինակներ են․ Մաղաքիա 3․10, 1 Հովհաննես 3․22, Հարոմ 1․9, Մոսիա 2․41, Վարդապետություն և Ուխտեր 19․38, 82․10, 89․1, 18–21, 130․21)։

  2. Մտածեք լրացուցիչ օրինակ: Դա կարող է լինել․

    1. Անձնական փորձառություն, երբ Տերը օրհնել է ձեզ:

    2. Ընկերոջ կամ մտերիմ մարդու փորձառություն:

    3. Ելույթ գերագույն համաժողովից:

    4. Տեսանյութ ChurchofJesusChrist.org կայքում։

Առաջարկեք ուսանողներին գրել իրենց օրինակները առանձին թերթի վրա: Ուսանողներին տեղեկացրեք, որ նրանց գրածը կարող է ներկայացվել դասարանի մյուս անդամներին: Հավաքեք թերթերը, խառնեք դրանք, ապա ընտրեք մի քանիսը կամ առաջարկեք որևէ ուսանողի դա անել: Կարող եք կարդալ մեկ օրինակ և հարցնել, թե արդյոք այն գրած ուսանողը պատրաստ է կիսվել, թե ինչու է ընտրել այդ օրինակը: Հարցրեք, թե ինչպես կարող է այդ օրինակը մեծացնել ուսանողների վստահությունը, որ Տերը կօրհնի իրենց, եթե իրենք լսեն Նրան: Երբ ուսանողները կիսվեն, շնորհակալություն հայտնեք նրանց ջանքերի համար և փորձեք օգնել, որ զգան դասարանում իրենց մտքերով ու փորձառություններով կիսվելու կարևորությունը:

Այս դասն ավարտելով՝ գրեք ձեր մտքերն ու զգացմունքներն այն մասին, որ Տերը օրհնում է մեզ, երբ մենք լսում ենք Նրան: Դուք վստահություն ունե՞ք, որ Նա կօրհնի ձեզ: Ի՞նչ կարող եք անել ձեր վստահությունը մեծացնելու համար:

Ուսանողներին առաջարկեք կիսվել այսօր դասարանում իրենց սովորածով և զգացածով: Կիսվեք ձեր սեփական վկայությամբ, որ Տերը կօրհնի մեզ, եթե մենք լսենք Իրեն։