Katak im Bujen Ko 129–132

• Elōn̄ men ko jejjab jeļā kōn mour āinwōt Anij ak mour ilo aelōn̄ selestial—eļap wōt iaer emaron̄ ilōn̄inļo̧k jān jon̄an ad maron̄ meļeļe. Bōtaab Anij ekar kwaļo̧k jidikin meļeļe ko raorōk, im elōn̄ iaer kar loi ilo Katak im Bujen Ko 130–32. Ro uwaan kūlaaj eo remaron̄ katak juon ak elōn̄ļo̧k eoon in jipan̄ ko kar kōllaajraki itulōn̄ im kwaļo̧k kōļmenļo̧kjeņ ko rej loi kōn mour āinwōt Anij ak aelōn̄ selestial. Ekōjkan ilo ad jeļā meļeļe in kōn mour indeeo kōjeraam̧m̧an mour ko ad kiiō?

• Katak Bujen Ko 130:20–21 im 132:5 rej katakin ejja pedped in katak eo wōt. Kōketak ro uwaan kūlaaj eo n̄an riiti jim̧or eoon ko im kwaļo̧ke, ilo naan ko aer make, ta pepdped in katak jab eo. Ekōjkan an kar pedped in katak in waļo̧k ilo mour ko ad? Ekōjkan ad maron̄ lo kōjatdikdik im kam̧ool ilo Kraist n̄e jej pokake bōtaab kōjeraam̧m̧an ko jej kōtmene rejjab itok ilo iien eo em̧ōkaj tata? Kōn eļapļo̧k ikkijeen unin kōnono in, kwomaron̄ etale jim̧or kōļmenļo̧kjeņ ko jān ennaan eo an Elder Dale G. Renlund “Elōn̄ Menin Jeraam̧m̧an ko” (Ensign ak Liaona, Māe 2019, 70–73).

• Ta eo jemaron̄ ba n̄an juon m̧ōttad eo ej kajjitōk, “Etke m̧are im baam̧le ko rekanooj aorōk ilo kabun̄ eo ami?” Ro uwaan kūlaaj eo remaron̄ ļōmņak kōn ekōjkan aer naaj kar uwaake kajjitōk jab eo ilo aer riiti Katak im Bujen Ko 131:1–4; 132:3–25; ak ennaan ko an Elder Dieter F. Uchtdorf ilo “Kein Jipan̄ ko Jet.” Ekōjkan an m̧ool kein jelōt wāween ad mour?

  

• Eļan̄n̄e ro uwaan kūlaaj eo ewōr aer kajjitōk ko kōn m̧are elōn̄ļo̧k jān juon, jipan̄ er lo bwe Josep Smith im Armej ro jet Rekwojarjar etto ekar wōr aer kajjitōk ko barāinwōt. Kōketak er n̄an lo kajjitōk eo Josep ekar kajjitōk ippān Irooj ilo Katak im Bujen Ko 132:1 im uwaak eo ekar bōke ilo eoon 29–40 (lale barāinwōt Jekab 2:27, 30). N̄an jipan̄ ro uwaan kūlaaj eo ekkatak kōn wāween ko remaron̄ lo uwaak ko n̄an kajjitōk ko an gospel eo, emaron̄ jipan̄ n̄an etale ippān doon “Answering Gospel Questions” at topics.ChurchofJesusChrist.org. Bōlen ro uwaan kūlaaj remaron̄ kwaļo̧k ekōjkan aer kar kappukot uwaak ko n̄an kajjitōk ko an gospel eo im ekōjkan aer tiljek wōt jekdo̧o̧n n̄e jet iaan kajjitōk ko aer rejjan̄in de uwaak.

Būreejtōn Dieter F. Uchtdorf ekar katakin:

“Ij kam̧m̧oolol bwe ij uwaan juon kabun̄ eo me ej kaorōk m̧are im baam̧le. Membōr ro an Kabun̄ eo an Jisōs Kraist im Armej ro Rekwojarjar ilo Raan-ko Āliktata rebun̄bun̄ ipeļaakin laļ in kōnke kwomaron̄ lo jet iaan m̧are im baam̧le rem̧m̧antata. Ij tōmak menin ewaļo̧k, ej m̧ōttan wōt, m̧ool eo eaiboojoj ekar jepļaaktok kōn Josep Smith bwe m̧are im baam̧le ko rej aikuj n̄an indeeo. Baam̧le ko rekar jab n̄an kōkm̧anm̧an men otemjej ilo laļ in im naaj joļo̧ke n̄e jetōbar lan̄. Ijello̧kin, rej kōllaajrak in lan̄. Rej juon kōkkaļļe in juon jon̄ak an celestial im juon eo kar ejaak jān baam̧le eo an Anij indeeo.

“Ak m̧are im kōtaan ko rekajoor an baam̧le rekar jab jide im waļo̧k, kōnke jej membōr ro an Kabun̄ in. Rej aikuj jerbal ko remakijkij, im aikuj ekkarōk. Katak ko an baam̧le n̄an indeeo rej aikuj im̧we kōj n̄an wujlepļo̧k kijejeto ko ad rem̧m̧antata n̄an lo̧mo̧o̧r im kōkajoorļo̧k m̧are ko ad im baam̧le ko” (“N̄an Nōbar Ro Rekar Kōjparok,” Ensign ak Liaona, Māe 2016, 77).