Katak im Bujen ko 29

Katak im Bujen ko 29 ej katakin elōn̄ m̧ool ko kōn karōk eo an Anij n̄an ajri ro Nejin. Ilo am̧ riit, kappukōt m̧ool ko kwoj ekkatak kaki kōn m̧ōttan ko kajjojo an karōk eo:

• Mour eo m̧okta lale (lale eoon 36–37)

• Kōm̧anm̧an eo (lale eoon 31–33)

• Wōtlo̧k eo an Adam im Iv (lale eoon ko 40–41)

• Mour in (lale eoon 39, 42–45)

• Pinmuur eo an Jisōs Kraist (lale eoon ko 1, 42–43, 46–50)

• Jerkakpeje eo (lale eoon ko 13, 26)

• Ekajet eo Āliktata (lale eoon ko 12–13, 27–30)

Ta kōļmenļo̧kjeņ ko rekāāl kwaar būki? Ekōjkan an naaj kar mour eo am̧ oktak eļan̄n̄e kwaar jab jeļā kōn m̧ool kein?

Komaron̄ ekkatak eļapļo̧k kōn karōk eo an Jemedwōj Ilan̄ ilo “The Plan of Salvation” (Preach My Gospel: A Guide to Missionary Service, rev. ed. [2018], ChurchofJesusChrist.org/manual/missionary).

Jisōs Kraist ej kōnono kōn kobatok eo an armej ro An “āinwōt juon lo̧lo̧ ej aini jojo ko nejin ium̧win pā ko pein” (Katak im Bujen ko 29:2). Ta eo pija in ej katakin eok kōn ikdeelel eo an Rilo̧mo̧o̧r eo n̄an ainitok eok? Ilo am̧ riiti Katak im Bujen ko 29:1–8, kappuko̧t kōļmenļo̧kjeņ ko kōn etke jej ain doon, won ro renaaj ain doon, im ekōjkan ad maron̄ jipan̄ aiintok “rikāālet” eo (eoon 7).

Ilo tōre in ad, ain doonļo̧k n̄an Zaion ej meļeļein koba ippān doon ilo stake ko an Zaion ipeļaakin laļ in. Ekōjkan an ain doon āinwōt Armej ro Rekwojarjar jipan̄ kōj “pojak ilo men otemjeļo̧k” n̄an en̄taan ko me renaaj itok m̧okta jān Itok Eo Kein Karuo an Rilo̧mo̧o̧r? (eoon 8; barāinwōt lale eoon 14–28).

Barāinwōt lale Laajrak in Tōmak ko 1:10; Russell M. Nelson im Wendy W. Nelson, “Hope of Israel” (nokon in jota eo n̄an jodikdik ro aolepān laļ in, Juun 3, 2018, ChurchofJesusChrist.org).

Ilo jekjek rōt aolep kien ko rej ilo jetōb? Ta meļeļe in jeļā bwe aolep kien ko rej ilo jetōb katakin eok kōn jibadbad eo an kien ko? Komaron̄ kōllaajrak jejjo kien ko im ļōmņak ilo jetōb pedped in katak ko reiookļo̧k doon.

Ta eo emaron̄ oktak eļan̄n̄e kwaar pukōt ilo jetōb meļeļe eo ak jibadbad eo ilo jerbal ko am̧ aolep raan, jekdo̧o̧n ta ko me rej āinwōt ilo kanniōk ak imminene kake?

Lale barāinwōt Rom 8:6; 1 Nipai 15:30–32.

Revelesōn in ej ijjino kōn an Irooj kwaļo̧k kadkad in Make āinwōt ad Ripinmuur, eo eaar “ar pinmuur kōn jero̧wiwi ko[ad]” (eoon 1). Revelesōn eo ej etal wōt in kōmeļeļeik jet iaan un ko jej aikuji juon Ripinmuur. Ļōmņak kōn ekōjkan am̧ naaj kar kōjerbal eoon 36–50 n̄an kōmeļeļeik etke jej aikuj lo̧mo̧o̧r kōn Rilo̧mo̧o̧r Jisōs Kraist. Ilo elōn̄ iminene ko an kabun̄ ko, Wōtlo̧k eo kar watōke āinwōt juon jorāān eļap; ta eo kwoj lo ilo eoon kein me rej katakin tōprak ko rem̧m̧an an Wōtlo̧k eo? (Lale bōrāinwōt 1 Korint 15:22; 2 Nipai 2:6–8, 15–29; Mosaia 3:1–19; Moses 5:9–12.)