“Isihlomelo D: EyamaQumrhu oBubingeleli buka-Aaron neeKlasi zaMantombazana Amancinane —ucwaNgciso lweNtlanganiso,” Yizani, Nindilandele—EyeKhaya neBandla: ITestamente eNdala 2026 (2026)
“Isihlomelo D,” Yizani, Nindilandele: ITestamente eNdala 2026
Isihlomelo D
EyamaQumrhu oBubingeleli buka-Aron, neeKlasi zaMantombazana Amancinane—ucwaNgciso lweNtlanganiso
Umhla wentlanganiso:
Ukuqhuba (ilungu leklasi okanye lobongameli bequmrhu):
Ukuvula
Iculo (ungazikhethela):
Umthandazo:
Phinda uMxholo waMantombaza Amancinane okanye uMxholo weQumrhu loBubingeleli buka-Aaron.
Cebisanani kunye
Ikhokelwa ngumntu oqhuba intlanganiso, iklasi okanye iqumrhu lichitha imizuzu emi-5 ukuya kweyi-10 becebisana kunye malunga noxanduva lwabo kumsebenzi kaThixo wosindiso nophakanyiso. Eli lithuba lokuba umongameli weklasi okanye wequmrhu alandelele izinto ezixoxwe kwiintlanganiso zobongameli okanye kwiintlanganiso zebhunga lolutsha lewadi.
Umntu oqhubayo usenokusebenzisa umbuzo omnye okanye ngaphezulu kule mibuzo:
Ukuphila ivangeli
-
Ngawaphi amava akutsha nje omeleze ubungqina bethu ngoYesu Krestu nevangeli yaKhe?
-
Senza ntoni ukusondela kufuphi kuMsindisi? Sizama njani ukufana ngakumbi naYe?
-
Siyive kanjani inkokhelo yeNkosi ebomini bethu?
Ukukhathalela abantu abasweleyo
-
Ngubani esiye saziva sikhokelwa ukuba simncede okanye simkhonze? Zeziphi izabelo esiye sazifumana ukuze sincede umntu osweleyo?
-
Yeyiphi imiceli mngeni ajongene nayo amalungu eklasi yethu okanye iqumrhu? Singaxhasana omnye nomnye njani kwizinto esidlula kuzo?
-
Ngaba kukho umntu osandula kuza kwiwadi yethu okanye waba lilungu leBandla? Singabanceda njani bazive bamkelekile?
Simema bonke ukuba bamkele ivangeli
-
Yintoni esinokuyenza ukuze sincede abanye baluve uthando lukaThixo?
-
Yeyiphi imisebenzi ezayo esinokumema abahlobo bethu ukuba beze kuyo?
-
Zeziphi izicwangciso zokwabelana ngevangeli ezithe zaxoxwa kwiintlanganiso zebhunga lolutsha lwewadi? Iklasi yethu okanye iqumrhu lingabandakanyeka njani?
Ukumanyanisa iintsapho ngonaphakade
-
Zeziphi ezinye iindlela esinokunxulumana ngcono namalungu osapho, kuquka oomakhulu nootatomkhulu nabazala?
-
Senza ntoni ukufumana amagama ookhokho bethu abadinga imimiselo yetempile? Yintoni esinokuyenza ukuze sincede abanye bafumane amagama ookhokho babo?
-
Singathatha inxaxheba njani ngakumbi kumsebenzi wetempile—ngabanye kwaye njengeklasi okanye iqumrhu?
Fundani kunye.
Inkokeli endala okanye ilungu lequmrhu okanye leklasi likhokela umyalelo malunga nofundo lwale veki Yizani, Nindilandele . Basebenzisa izimvo zokufunda ku Yizani, Nindilandele—EyeKhaya neBandla. Uluvo lokufunda kunye nalo mfanekiso ulungelelaniswe nemfundiso yolutsha kwaye iphathelele kakhulu kulutsha. Nangona kunjalo, naziphi na izimvo zokufunda zinokusetyenziswa. Le nxalenye yentlanganiso idla ngokuthabatha imizuzu engama-35 ukuya kwengama-40.
Ukuvala
Umntu oqhuba intlanganiso:
-
Unika ubungqina bemigaqo efundisiweyo.
-
Uxoxa ngendlela iklasi okanye iqumrhu eliya kukwenza oko bakufundileyo—njengeqela okanye umntu ngamnye.
Umthandazo: