1 Samyèl 17–18; 24–26; 2 Samyèl 5–7

Istwa David ak Golyat la se youn nan istwa ki pi byen koni nan ekriti yo. Natirèlman, an jeneral, nou konsantre nou sou David. Men fwa sa a, pandan w ap etidye 1 Samyèl 17 la, medite tou sou pawòl lòt moun yo nan chapit sa a (gade nan lis anba a). Kisa w aprann konsènan yo ak motif yo? Kisa w aprann konsènan David? Kijan li diferan?

• Golyat: vèsè 8–10, 43–44

• Elyab: vèsè 28

• Sayil: verse 33

• David: vèsè 26, 32, 34–37, 39, 45–47

Istwa ou, menm si li pa osi byen koni ke pa David la, sètènman gen ladan pwoblèm gwosè pa Golyat la pou w simonte ak opòtinite pou w egzèse lafwa nan Senyè a. Kisa egzanp David la anseye w konsènan fè fas ak advèsite ki nan istwa w la? Ou ka li tou mesaj Prezidan Camille N. Johnson nan ”Envite Kris la bay Otè Istwa ou” (Liahona, Nov. 2021, 80–82) avèk youn nan pwoblèm ou yo nan tèt ou. Chèche repons pou kesyon tankou sa yo: Kijan Senyè a vle m wè difikilte m yo? Kijan li te ede m nan lepase? Kòman m ka montre ke mwen kwen nan Li pou ekri istwa m nan?

Ou ka deja konnen ke gen kèk chapit trajik nan apre nan istwa David la (gade, pa egzanp, 2 Samyèl 11). Si w te gen posiblite bay David kèk konsèy apre l te fin batay avèk Golyat la, ki sa w t ap di? Kijan konsèy sa a ka aplike nan lavi w?

Gade tou ”Senyè a pral delivre m’” (videyo), Bibliyotèk Levanjil la.

3:24

Anplis de difikilte pèsonèl nou yo, nou menm tou nou fè fas ak gwo pwoblèm konplèks ki afekte le mond antye. Lè fòs mal yo ”rasanble ansanm … pou batay” kont fòs bon yo (1 Samyèl 17:1), nou ta ka mande kijan efò endividyèl nou yo ta kapab psobman fè yon diferans. Kisa w jwenn nan David la ki ba w espwa?

Gade tou “Mettons de l’ardeur,” Cantiques, no 159

Pandan w ap li 1 Samyèl 18, reflechi sou Sayil ak pitit gason l lan, Jonatan (ki, si se pa pou David, te kapab panse li ta pwochen wa a). Kijan Sayil ak Jonatan te reyaji devan siksè David? Kisa w ka aprann apati eksperyans sa a?

Ki sa w twouve nan atitid ak aksyon Jonatan yo ki fè w sonje Jezikri?

Nan 1 Samyèl 24–26, chèche leson sou ògèy, padon, ak kontwòl tèt. Ou ta ka konsidere li mesaj Èldè Mark A. Bragg la ”Konpòtman Kretyen” an kòm yon pati nan etid ou a (Liahona, Me 2023, 60–63). Kijan David, Abigayèl ak lòt moun te demontre—oswa pa t demontre—konpòtman kretyen nan chapit sa yo? Ki opòtinite ou genyen pou w montre konpòtman kretyen?

Mesaj Sè Kristen Yee a ”Bote pou Sann: Chemen Gerizon Padon an” (Liahona, Nov. 2022, 36–39) ka ede w etidye 1 Samyèl 25. Kijan Abigayèl sanble ak Jezikri?

Menm apre David te fin bat Golyat, pwoblèm li yo avèk Filisten yo pa t fini. Pandan w ap li 2 Samyèl 5:17 25, konsidere fason egzanp David la ka ede w nan eprèv w ap rankontre yo (gade tou 1 Samyèl 23:2, 10–11; 30:8; 2 Samyèl 2:1). Kijan w beni paske w aji sou revelasyon ou resevwa?

Lè David te ofri pou l te bati yon kay, ki vledi yon tanp, pou Senyè a (gade 2 Samuel 7:1–3), Senyè a te reponn ke anfèt sete pitit gason David la ki t ap gen pou bati li (gade vèsè 12–15; gade tou 1 Kwonik 17:1–15). Senyè a te di ke Limenm tou Li t ap bati yon “kay,” pou David, ki vle di yon posterite, e ke twòn ni an t ap dire pou tout tan (gade 2 Samyèl 7:11, 16, 25–29; Sòm 89:3–4, 35–37). Pwomès sa a te akonpli nan Jezikri, Wa Etènèl nou an, ki se yon desandan David (gade Matye 1:1; Lik 1:32–33; Jan 18:33–37).

• Ou ka vle itilize ”David ak Golyat” nan Istwa Ansyen Testaman yo, 112–16, pou ede pitit ou yo vin abitye avèk sa k te pase nan 1 Samyèl 17:20–54 la. Apresa, ou ta ka kite yo rakonte istwa a pandan y ap itilize foto yo oswa desen liy yo nan plan leson sa a. Mande yo kisa yo panse Senyè a vle yo aprann nan istwa sa a.

  

  2:36

• Oumenm ak pitit ou yo ka fè yon lis sou kèk difikilte yo ka rankontre pandan lavi yo. Apresa ede yo jwenn bagay David te di ki ka ede avèk difikilte sa yo (gade 1 Samyèl 17:26, 32, 34–37, 45–47). Rakonte yo kijan Jezikri konn ede ou pandan difikilte.

• Envite pitit ou yo pou yo mache tankou yo se David ki pral batay avèk Golyat pandan y ap chante yon chan sou pran kouraj, tankou “Je serai vaillant” (Chants pour les enfants,162).

• Kijan w ka ede pitit ou yo aprann nan amitye Jonatan avèk David la? Youn nan fason sa yo se ta bay chak timoun de kè an papye, youn pou reprezante David ak lòt la pou reprezante Jonatan. Apresa li kèk fraz ansanm nan 1 Samyèl 18:1–4 ki mete aksan sou amou de zanmi sa yo te santi youn pou lòt. Apresa, pitit ou yo ta ka ekri oswa desine sou kè an papye yo kijan yo ka demontre lanmou pou yon zanmi.

• Nan chapit sa yo, David te vin wa Izrayèl. Sa ta ka amizman pou pitit ou pretann ke yo vin yon wa oswa yon rèn. Ki lwa yo t apral fè? Kikote yo tale pou jwenn èd? Eksplike pitit ou yo dekouvri ke lè David te bezwen èd, li “te mande,” oubyen priye, pou repons. Paregzanp, pandan w ap li 2 Samyèl 5:19, 23a, envite pitit ou yo pou yo koute pou mo “mande” a epi pou yo kwaze bra yo lè yo tande li. Poukisa David t ap bezwen èd Senyè a nan nouvo wòl li a?

• Pale timoun yo de yon lè kote w te priye pou èd Papa nou ki nan Syèl la. Ki diferans sa te fè pou w te genyen L kòm èd?

• Wa nou li nan Ansyen Testaman yo tout te gen defo yo, epi wayòm yo tout te fini. Men, Jezikri se yon Wa pafè e L ap gouvène pou tout tan. Ou ka ede pitit ou yo dekouvri sa lè w li sa pwofèt Natan te di Wa David nan 2 Samyèl 7:16–17. Nan ki fason wayòm David la pa p gen fen? Ede timoun yo jwenn epi li pasaj ekriti ki ansenye ke Jezikri, yon desandan David, se Wa nou, tankou nan Lik 1:32–33; Jan 18:32–33; ak Revelasyon 19:16. Kijan Jezi diferan de wa terès yo? Kijan nou onore Jezikri kòm Wa etènèl nou?