Exodo 7–13

Sana, hindi salungat kailanman ang iyong kalooban sa kalooban ng Diyos na tulad ng Faraon noon. Gayunman, lahat tayo ay may mga pagkakataon na ang ating puso ay hindi kasing-lambot ng nararapat. Ano ang tumatak sa isipan mo tungkol sa mga tugon ng Faraon sa mga salot sa Exodo 7:14–25; 8:5–32; 9:1–26; 10:12–29; 12:29–33? Pansinin ang paglilinaw sa Joseph Smith Translation ng Exodo 7:3, 13; 9:12.

Bakit magandang paglalarawan sa puso ng Faraon ang “nagmatigas”? Isipin kung ano ang matututuhan mo mula sa mga talatang ito tungkol sa pagkakaroon ng malambot na puso: 1 Nephi 2:16; Mosias 3:19; Alma 24:7–8; 62:41; Eter 12:27. Habang binabasa mo ang mga bunga ng katigasan ng puso ng Faraon, pagnilayan ang kundisyon ng puso mo. Anong mga pagbabago sa palagay mo ang nahihikayat kang gawin?

Ang tanging paraan para maligtas ang mga Israelita mula sa ikasampung salot, na inilarawan sa Exodo 11:4–5, ay ang sundin nang eksakto ang mga tagubiling ibinigay ng Panginoon kay Moises sa Exodo 12, isang ritwal na kilala bilang ang Paskua. Itinuturo sa atin ng Paskua sa pamamagitan ng mga simbolo na tulad noong iligtas ng Panginoon ang mga Israelita mula sa pagkaalipin sa Ehipto, maaari din Niya tayong iligtas mula sa pagkaalipin sa kasalanan. Para masiyasat ang simbolismong ito sa Exodo 12:1–42, maaari kang gumamit ng isang chart na tulad nito:

Ano pa ang nakikita mo sa mga tagubilin at simbolo ng Paskua na nagpapaalala sa iyo tungkol kay Jesucristo at sa Kanyang Pagbabayad-sala? Ano ang ipinahihiwatig sa iyo ng mga simbolo at tagubiling ito kung paano matanggap ang mga pagpapala ng Kanyang Pagbabayad-sala?

Inutusan ng Tagapagligtas ang mga Israelita na ipagdiwang ang Paskua taun-taon para maipaalala sa kanila na iniligtas Niya sila, kahit malayo na sa alaala ang pagkabihag nila. Habang binabasa mo ang Kanyang mga tagubilin sa Exodo 12:14–17, 24–27; 13:1–16, pag-isipan kung ano ang ginagawa mo para maalala ang mga pagpapala ng Diyos sa iyo. Paano mo maiingatan ang alaalang iyon “sa buong panahon ng inyong lahi”? (tingnan sa Exodo 12:14, 26–27).

Anong mga pagkakatulad ang nakikita mo sa pagitan ng pista ng Paskua at ng sakramento? Ano ang magagawa mo para “laging … alalahanin” si Jesucristo? (Moroni 4:3; 5:2).

Maaari mo ring pagnilayan ang iba pang mga bagay na nais ng Panginoon na alalahanin mo; tingnan, halimbawa, sa Helaman 5:6–12; Moroni 10:3; Doktrina at mga Tipan 3:3–5, 10; 18:10; 52:40.

Tingnan din sa Kevin W. Pearson, “Payag Ka pa Ba?,” Liahona, Nob. 2022, 67–69; “Always Remember Him” (video), Gospel Library; “Bilang Paggunita Kay Cristo,” Mga Himno, blg. 112.

5:28

• Paano nagawang gayahin ng mga salamangkero ni Faraon ang ilan sa mga himalang ginawa nina Moises at Aaron?

• Paano patuloy na inaalala ng mga sumunod na henerasyon ang Paskua?

Iklik para makita ang iba pa.

• Ang mga salot na inilarawan sa Exodo 7–11 ay nagpakita sa mga Ehipcio at sa mga Israelita na ang Panginoon ay may dakilang kapangyarihan. Tutulungan ng Panginoon ang iyong mga anak sa buong buhay nila kapag nananampalataya sila sa Kanyang kapangyarihan. Para matulungan silang matuto mula sa kuwentong ito, maaari mong bigyan ang bawat bata ng isang papel na nahahati sa 10 bahagi, at anyayahan silang idrowing ang mga salot na nakalarawan sa mga talatang ito: Exodo 7:17–18; 8:1–4; 8:16–17; 8:20–22; 9:1–6; 9:8–9; 9:22–23; 10:4–5; 10:21–22; 11:4–7 (tingnan din sa “Ang mga Salot ng Egipto” sa Mga Kuwento sa Lumang Tipan, 67–69). Sama-samang basahin ang Exodo 7:5 at 9:14 para ipaliwanag kung bakit nagpadala ng mga salot ang Panginoon.

  

  2:3

• Ibahagi sa iyong mga anak kung paano ipinakita ng Panginoon sa iyo “na walang tulad [Niya] sa buong daigdig” (Exodo 9:14). Hayaang ibahagi nila kung paano nila nalaman na ang Panginoon ay makapangyarihan.

• Para matulungan ang iyong mga anak na maisalarawan ang ibig sabihin ng magkaroon ng malambot na puso, maaaring masayang ipakita sa kanila ang isang bagay na matigas, tulad ng bato, at isa pa na malambot at sumisipsip ng likido, tulad ng espongha. Maaari mo ring buhusan ng tubig ang mga bagay na ito para ipakita kung gaano kadaling tanggapin ng malambot na puso ang salita ng Panginoon. Pagkatapos ay maaari ninyong sabay-sabay na basahin ang ilang talata na naglalarawan kung paano tumugon ang Faraon sa mga salot na ipinadala ng Panginoon (tingnan sa Exodo 8:28–32; 9:7). Alin sa mga bagay na ito ang pinakamainam na kumakatawan sa puso o saloobin ng Faraon? Ano ang ibig sabihin ng magkaroon ng malambot na puso? (tingnan sa Mosias 3:19).

• Maaari ninyong ilista ng iyong mga anak ang ilang aksyon na maaaring magpakita kung kailan matigas ang ating puso (halimbawa, paggamit ng masasakit na salita o pagtangging magbahagi). Paano natin maipapakita sa Panginoon na nais nating magkaroon ng malambot na puso?

• Itinuro ng Paskua sa mga Israelita na asamin ang pagdating ng Tagapagligtas at ang Kanyang sakripisyo para sa atin. Habang sinisiyasat ninyo ang Exodo 12:1–13 nang sama-sama, tulungan ang iyong mga anak na makita ang mga kaugnayan sa pagitan ng mga detalye ng Paskua at ng Pagbabayad-sala ni Jesucristo (tingnan din sa “Ang Paskua” sa Mga Kuwento sa Lumang Tipan, 70–74). Halimbawa, paano naging katulad ni Jesus ang korderong nakalarawan sa talata 5?

  

  2:54

• Ngayon, tumatanggap tayo ng sakramento para alalahanin ang sakripisyo ni Jesus. Maaari mong ipakita sa iyong mga anak ang isang larawan ng sakramento at pag-usapan ninyo kung paano tayo tinutulungan ng ordenansang ito na alalahanin si Jesucristo. Maaari mong tulungan ang iyong mga anak na hanapin ang salitang “alalahanin” sa mga panalangin sa sakramento (tingnan sa Moroni 4–5). O sama-samang kantahin ang isang paboritong himno tungkol sa sakramento, at tulungan ang iyong mga anak na mapansin ang payapang damdamin nila kapag iniisip nila ang Tagapagligtas. Paano natin hahanapin ang damdaming iyan kapag tumatanggap tayo ng sakramento?