Pasaka

Mifundu ya bungi mu Dipungila Dikulukulu idi ileja buludi ku busadidi bua Mupandishi ne mulambu wenda wa bupikudi. Tabulo udi ulonda ewu idi ufila mulongu wa mifundu eyi. Pawudi ubala tunungu etu, muenenu kayi idi ilua kuwudi pa Mupandishi?

Mambi adi alongesha pa Mupandishi adi a bungi mavula ne matoka mu Mukanda wa Molomo. Ela meji pa mushindu udi ditabuja dieba dikankamikibua kudi tunungu tua mifundu bu eyi : 1 Nefi 11:31–33; 2 Nefi 25:13; Mosiya 3:2–11; Alama 7:10–13.

Baprofete ba matuku a ndekelu badi batungunuka ne kufila majadiki a pabuawu a Yezu Kilisto ne bukenji Buenda bua bupikudi. Pawudi uteleja ku mpungilu munena mu lumingu lua Pasaka elu, funda majadiki a Kilisto awudi umvua. Tshinyi tshidiwu akulongesha pa yeya?

Pasaka udi tshikondu tshia disanka, bualu udi tshikondu tshia kusekelela Bupikudi bua Mupandishi ne Dibika ku Lufu Dienda. Ne kabidi, nansha munkatshi mua Pasaka, kudi bantu ba bungi badi kabayi bumvua disanka bua tubingila tushilangana. Tshinyi tshiwudi wenza bua kutantshisha ditalala ne disanka bia Mupandishi mu Pasaka ewu?

Lungenyi lumua ludi lua kupeta mikenji mu mifundu pa ditalala ne disanka bidi Yezu ufila, bu mudi mu: Misambu 16:8–11; 30:2–5; Yeshaya 12; 25:8–9; 40:28–31; Yone 14:27; 16:33; Alama 26:11–22. Ela meji pa mushindu uwudi mua kutangalaja mikenji eyi ne bakuabu. Tshilejilu, pamuapa udi mua kufuka tukanda tua Pasaka tua kuabanya, tushindamena pa mikenji eyi. Ikala musambidi pa udi ne dijinga bua kupeta moyo weba wa Pasaka. Udi kabidi mua kupangadika bua kutangalaja mikenji yeba mu media a pa nshinga, mudi bantu ba bungi mua kuâmona.

Musambu pa Kilisto ne Dibika ku Lufu, bu mudi “Chantons tous, pleins d allegresse!” (Cantiques, no. 121), udi kabidi mua kutuambuluisha bua kumvua ditalala ne disanka mu Pasaka. Keba biambilu mu musambu bidi, mu muenenu weba, bileja disanka dia Pasaka.

Tangila kabidi Jeffrey R. Holland, “Not as the World Giveth,” Liahona, Ngondu Muitanu 2021, 35–38; Mark S. Palmer, “Our Sorrow Shall Be Turned into Joy,” Liahona, Ngondu Muitanu 2021, 88–90.

Etshi tshidi tshibilu tshidi mua kukuambuluisha bua kumona mabenesha adi alua kupitshila ku Yezu Kilisto ne Bupikudi buenda. Bala mifundu idi kuinshi eyi pa tshidi Yezu Kilisto utuambuluisha bua kutshimuna. Teta bua kupatula mifundu mu nkongu eyi: bubi, lufu, matêtshibua, ne mateketa (mifundu kampanda idi mua kukumbana mu lukongu lupita lumua). Pawudi ubala, muenenu kayi iwudi nayi pa bukola bua Mupandishi?

• Yeshaya 61:1–3

• Ehezekele 36:26–28

• Matayo 11:28–30

• Luka 1:46–55

• Lomo 8:35–39

• Alama 7:10–13

• Alama 11:42–45

• Alama 58:11

• Moloni 10:32–33

• Dilongesha ne Bipungidi 19:15–19

• Mose 5:9–12

Mushindu kayi uwudi umvuija mulunda udi kayi Muena Kilisto buatshinyi Yezu Kilisto udi ne mushinga kuwudi? Mukenji wa Mukulu Ahmad S. Corbitt “Do You Know Why I as a Christian Believe in Christ?” (Liahona, Ngondu Muitanu 2023, 119–21) udi mua kuambuluisha.

Tangila kabidi Reyna I. Aburto, “The Grave Has No Victory,” Liahona, Ngondu Muitanu 2021, 85–87; Topics and Questions, “Atonement of Jesus Christ,” “Resurrection,” Tshisangi tshia Mikanda ya Lumu Luimpa.

Tshinyi tshiwudi ulonga ku tunungu tudi tulonda pa mushinga wakafuta Yezu Kilisto bua lupandu lueba: Yeshaya 53:3–5; Mosiya 3:7; Dilongesha ne Bipungidi 19:16–19? Mushinga kayi uvua Tatu wa mu Diûlu mufuta? (tangila Yone 3:16).

• Lumingu lua Pasaka ludi tshikondu tshimpa bua kulongesha bana pa tshivua Mupandishi muenza buetu mu Getesemane ne pa mutshi mutshiamakana. Udi mua kubangisha mu kubaleja bimfuanyi bidi kuinshi ne kubalekela bua bakula pa tshidi tshipitakana mu bimfuanyi. Mu tshikondu tshidi bana beba batangila bimfuanyi, udi mua kubala tunungu tudi tumvuija bikuma ebi (tangila Matayo 26:36–46; 27:35–50; Luka 22:39–46; Yone 19:16–30). Bana beba badi mua kujandula mumvuija mu bimfuanyi adibu bumvua mu tunungu.

• Mushindu kayi utudi babeneshibua bualu bua mulambu wa Yezu kutudi? Ambuluisha bana beba bakeba miaku ne biambilu bidi biandamuna lukonku elu mu Yeshaya 53:4–12; Alama 7:11–13; ne Dilongesha ne Bipungidi 19:16–19. Ambilanganayi mushindu unudi numvua pa Mupandishi panyima pa dibala mifundu eyi.

• Udi mua kuenzela dibeji dia tshibilu tshia lumingu elu anyi bimfuanyi bikuabu mu tshifundu etshi bua kuambila bana beba muyuki wa Dibika ku Lufu (tangila kabidi “Jesus Is Risen,” mu New Testament Stories, 139–44). Pashisha lekela bana beba bakulondela muyuki.

• Ela meji pa mushindu uwambuluisha bana beba bua bapeta disanka mu Kilisto mu Pasaka ewu. Tshilejilu, nudi mua kuimba pamua musambu munangibua pa Pasaka, bu mudi “Le Christ est ressuscité” (Cantiques, no. 122) anyi “Gethsemane” (Tshisangi tshia Mikanda ya Lumu Luimpa). Bua kupeta misambu mikuabu pa Dibika ku Lufu, udi mua kukeba mu tshikumbajilu tshia biena bualu bia Hymns ne Children’s Songbook. Wewa ne bana beba nudi mua kulejangana buatshinyi nudi basua misambu eyi ne mushindu unudi numvua panudi nuyimba. Tshinyi tshidi misambu eyi itulongesha pa Tatu wa mu Diûlu ne Yezu Kilisto?

• Tshisangi tshia Mikanda ya Lumu Luimpa tshidi ne nsangilu wa Easter Videos idi bana beba mua kusankidila. Pamuapa udi mua kubalekela basungula tshimfuanyi tshimua bua kutangila. Bebeja tshidibu balonga pa Yezu Kilisto ku video. Udi kabidi mua kubalomba bua bakepesha mukenji wa video mu tshiambilu tshimua.

• Pawudi wewa ne bana beba nutangila mpungilu munena pamua mu lumingu lua Pasaka elu, bambuluisha bua bajandula padi bajadiki ba Mupandishi ba pabuabu bafila bujadiki pa Dibika ku Lufu. Pamuapa udi mua kuenza dinaya diatshi—babikila bua kuimana misangu yonsu idibu bumvua miaku bu mudi Pasaka anyi Bupikudi anyi Dibika ku Lufu. Lejanganayi buatshinyi nudi ne disakidila bua majadiki a Baprofete badi ne moyo bua Mupandishi.