Diledibua dia Kilisto

Tshinyi tshiwudi mua kuamba mu kutua mpanda ku dijadika ne “kakuena mukuabu uvua ne buenzeji bua mu ndondu bu Yezu pamutu pa bonsu bavua ne moyo ne bîkala ne moyo pa buloba”? Keba tunungu mu “The Living Christ” tudi tujadika bua buenzeji bua mu ndondu bua Mupandishi. Mushindu kâyi udiye mukuenzeja?

Ela meji ne muntu kampanda udi kayi muibidilangana ne Buena Kilisto ukuebeja ne buatshinyi udi usekelelela Diledibua dia Kilisto. Mushindu kâyi uwudi mua kumuandamuna? Tangununa “The Living Christ” ne lukonku elu mu meji, ne ela meji bua kufunda ngenyi yonsu anyi muenenu yonsu idi ikuluila.

Tangila kabidi “Why We Need a Savior” (video), Tshisangi tshia Lumu Luimpa.

2:15

Mu “The Living Christ,” Bapostolo badi bajadika bua dibika ku Lufu dia Mupandishi, mu kuleja mamueneka asatu a Mukalenga mubika ku lufu (see paragraph 5). Ela meji bua kubala milubu kampanda ya makumbula â mu Yone 20; 3 Nefi 11; ne Joseph Smith—Mulubu 1:14–20. Tshinyi tshiwudi mulonga pa Mupandishi ku miaku ne bienzedi bienda munkatshi mua mamueneka â?

Munkatshi mua dilonga dieba dia Dilongesha ne Bipungidi tshidimu esthi, udi mupeta diesa dia kulonga pa mushindu udi buakuidi ne Ekelezia bia Mupandishi bipingalujibua. Malelela kâyi mapingajilula anyi nshindamenu bidi ne mushinga wa pabuawu kuwudi? Ela meji bua kutangununa mifundu kampanda ya kuyidi ilonda eyi idi ilongesha pa Dipinguluja: Dilongesha ne Bipungidi 1:17–23; 13; 20:1–12; 65; 110; 112:30–32; 124:39–42; 128:19–21. Nanyina meji pa mushindu udi malelela a lumu luimpa lupingajilula akuambuluisha bua kumanya ne kunanga Yezu Kilisto.

Diledibua dia Kilisto didi tshikondu tshia kutangila kunyima ku dituku divua Yezu Kilisto muledibua ne kutangila kumpala ku dituku diapinganaye kabidi. Tshinyi tshiwudi ulonga pa dipingana dienda ku tshitupa tshia milongu tshibidi-to-ne ku tshia ndekelu tshia “The Living Christ”? Udi mua kuela meji bua kubala, kuimba, anyi kuteleja ku misambu ya Diledibua dia Kilisto idi ikulongesha pa Dilua Dibidi, bu mudi “Joy to the World” or “It Came upon the Midnight Clear” (Hymns, nos. 201, 207).

Mu tshitupa tshia milongu tshia ndekelu tshia “The Living Christ,” tuma ntema ku bikadilu ne mianzu mipesha Mupandishi. Ela meji bua kupitshisha diba mu kulonga bimua bia ku biobi. Tshilejilu:

Bukenka: Mushindu kâyi udi Yezu Kilisto bu bukenka kuwudi? Udi mua kuela meji pa dizola tshimfuanyi anyi kuangata foto udi, bueba, uleja bukenka budiye mukupa. Ntshinyi tshiwudi umvua tshikupesha meji a nyuma bua kuenza bua kutangalaja bukenka Buenda? (Tangila kabidi Yone 8:12; 3 Nefi 18:24; Dilongesha ne Bipungidi 50:24.)

Moyo: Buatshinyi udi wela meji ne moyo udi muaku muimpa bua kumvuija Yezu Kilisto? Mu mushindu kâyi udiye ukupesha moyo? Mushindu kâyi uvua moyo weba mua kuikala mushilangana kakuyi Yeya ne lumu luimpa Luenda? (tangila kabidi Yone 10:10; 1 Kolinto 15:19–23; Dilongesha ne Bipungidi 66:2.)

Ditekemena: Tshinyi tshiwudi utekemena kupitshila ku Yezu Kilisto ne lumu luimpa Luenda? Udi mumanya muntu kampanda udi mudiumvua kayi ne ditekemena mu matuku alua? Nana meji pa mushindu uwudi mua kulejangana ne muntu awu ditekemena diwudi umvua mu Yezu Kilisto. (Tangila kabidi Lomo 8:24–25; Etele 12:4; Moloni 7:41.)

Tangila kabidi Biena Bualu ne Nkonku, “Jesus Christ,” Tshisangi tshia Lumu Luimpa.

Mu “The Living Christ,” Bapostolo badi belela meji ku Mupandishi bu dipa dia kudi Tatu wa mu Diûlu. Bishindamena pa tshiwudi upeta mu “The Living Christ,” mushindu kâyi uwudi mua kukumbaja mu tshiambilu: Kupitshila ku Yezu Kilisto, Nzambi udi umpesha mapa a… Ela meji pa tshiwudi mua kuenza bua kupeta mapa â mavula.

Mushindu kâyi udi dilonga “The Living Christ (Kilisto Udi ne Moyo)” dilenga ditabuija dieba ne dinanga bua Mupandishi?

Tangila kabidi Russell M. Nelson, “Four Gifts That Jesus Christ Offers to You” (First Presidency Christmas devotional, Dec. 2, 2018), Tshisangi tshia Lumu Luimpa; “Excerpts from ‘The Living Christ: The Testimony of the Apostles’” (video), ChurchofJesusChrist.org.

2:46

• Ela meji pa mushindu uwudi mua kuleja bana beba “The Living Christ.” Pamuapa udi mua kubambuluisha bua kutua munu pa dina Kilisto mu tshiena bualu ne biala bitua kudi Bulombodi Bukulu bua Kumpala ne Dikumi ne Babidi. Udi mua kumvuija ne etshi tshidi bujadiki bua Yezu Kilisto ne bavua basua bua kuabanyangana ne ba pa buloba.

• Udi mua kupesha muana yonsu tshiambilu ku “The Living Christ” ne kubalomba bua kupeta anyi kuzola tshimfuanyi tshia tshiambilu atshi. Pashisha udi mua kubambuluisha bua kupeta tshiambilu mu “The Living Christ.” Udi nansha mua kusangisha bimfuanyi abi ne biambilu mu mukanda.

• Lejanganayi umua ne mukuabu mushindu unudi bapeta bujadiki buenu bua Yezu Kilisto. Pamuapa udi mua kupitshila ku tshimfuanyi tshia Mupandishi ne kuangata misangu bua kuleja tshintu kampanda tshiwudi mumanya pa yeya (biangata malelela malongesha mu “The Living Christ”).

• Pawudi wewa ne bana beba nubala tshitupa tshia biambilu tshîbidi tshia “The Living Christ,” yukilangana nabu pa bintu kampanda bivua Yezu muenza. udi kabidi mua kutangila bimfuanyi ku moyo wenda (tangila activity page wa lumiguu elu ne Gospel Art Book). Bikila bana beba bua kuakula pa tshidi Mupandishi wenza mu bimfuanyi. Mushindu kâyi utudi mua kusadila bakuabu bu muakenzaye? Videos ya “Light the World” mu Tshisangi tshia Lumu Luimpa idi mua kukupesha ngenyi.

• Ambuluisha bana beba bua kupeta misambu ya Diledibua dia Kilisto idi yakula bua bukenka, ne ditekemena bidi diledibua dia Mupandishi dituala pa buloba, bu mudi “O Little Town of Bethlehem” (Hymns, no. 208). Imbayi pamua misambu, ne pesha bana beba tshikondu bua kuambilangana mushindu wakatuala Yezu bukenka, ne ditekemena mu mioyo yabu.

• Mapa kâyi awudi mupeta kupitshila ku Yezu? Pamuapa wewa ne bana beba nudi mua kukeba mapa â mu “The Living Christ” anyi mu musambu bu mudi “He Sent His Son” (Mukanda wa Misambu ya Bana, 34–35). Pashisha badi mua kupeshangana tshintu kampanda bua kuleja mapa â. Udi mua kulomba bua bana beba bakangula mapa pa Dituku dia Diledibua dia Kilisto bua kubambuluisha bua kuvuluka Mupandishi ne mapa enda kutudi.