Dilongesha ne Bipungidi 64–66

Ela meji pa bidi bilonda ebi pawudi ulonga Dilongesha ne Bipungidi 64:1–11:

• Ela meji pa diba divua Mukalenga mukubuikidila. Uvua munvua bishi?

• Kudi muntu uwudi mujinga bua kubuikidila anyi? Buatshinyi kubuikidila bakuabu kudi mua kuikala kutamba kukola? Tshinyi tshidi tshikuambuluisha bua kutantamena ntatu eyi?

• Bulelela kayi pa dibuikidila mu Dilongesha ne Bipungidi 64:1–11 bumueka bua mushinga bueba? Buatshinyi udi wela meji ne Mukalenga mutupesha mukenji bua kubuikidila bonsu? (kanungu 10).

Pawudi udienzeja bua kubuikidila, ela meji bua kulonga mukenji wa Mukulu Jeffrey R. Holland “The Ministry of Reconciliation” (Liahona, Ngondu wa Dikumi ne Umua 2018, 77–79) anyi mukenji wa Kristin M. Yee “Beauty for Ashes: The Healing Path of Forgiveness” (Liahona, Ngondu wa Dikumi ne Umua 2022, 36–38). Tshinyi tshiwudi mulonga pa mushindu udi Kilisto mua kukuambuluisha bua kubuikidila?

Malanda a mêku adi mua kutuala mishindu ya bungi ya kubuikidila. Ela meji pa bidimba bia dîku dieba. Ngenyi uwudi mujinga bua kubuikidila? Mushindu kayi utudi “tutatshishibua” (kanungu 8) patudi katuyi tubuikidila bakuabu? Mushindu kayi udi dibuikidila dituala malanda a dîku dieba?

Tangila kabidi Biena Bualu ne Makonka, “Forgiveness,” Tshisangi tshia Lumu Luimpa; “Forgiveness: My Burden Was Made Light” (video), Gospel Library.

8:24

Ukatu mudiumvua mutshioka bua kuenza bimpa bidi uteta kukumbaja? Tangila mukenji wa Mukalenga bueba mu Dilongesha ne Bipungidi 64:31– 34. Tshinyi tshidi Mukalenga mujinga bua kuenza bua kutuala mudimu wenda munena?

Ela meji pa tshintu tshia kulongesha natshi tshidi tshileja kanungu 33—tshintu tshinena tshienza ku bintu bikesa, bu mudi mozaîke anyi madiotu a dibaka. Tshintu kayi tshikesa tshiwudi mua kuenza matuku onsu bua kuteka tshishimikidi mu mudimu munena wa Nzambi? Bimua bilejilu kayi bia mudimu munena bidi Mupandishi mukupesha?

Mukulu Donald L. Hallstrom wakaleja diumvuija dikuabu dia tshiambilu etshi “mutshima ne meji bidisuila”:

“Mutshima udi tshimuenenu tshia dinanga ne didifila. Tudi tuenza milambu ne tuambula majitu bua aba batudi bananga ne atudi katuyi mua kuambula kakuyi kipatshila nansha. Pikala dinanga kadiyiku, didifila dietu didi tshianana. …

“Kuikala ne ‘meji madisuila’ kudi kuleja kufila buenzeji buetu buimpa ne meji makana ne kukeba lungenyi lua Nzambi. Kudi kuleja ne kudifila kuetu kunena mu kulonga kudi ne mua kuikala kua bintu bidi ne ngikadilu wa tshiendelela. Tshidi tshiumvuija ne kakuena mua kuikala malanda adi ajima pankatshi pa kumvua dîyi dia Nzambi ne kudinemeka” (“The Heart and a Willing Mind,” Ensign, Ngondu Muisambombu 2011, 31–32).

Tshimanyinu tshidi “dibendela anyi tshimanyishilu kudi bantu basangila mu bobumua bua kipatshila anyi bu muntu” (Buludiki bua mu Mifundu, “Tshimanyinu.” Tshisangi tshia Lumu Luimpa). Mushindu kayi udi Siona—anyi Ekelezia wa Mukalenga—muikala bu tshimanyinu kuwudi? Ela meji bua bilejilu bikuabu bia bintu bilembeleja mûlu, bu tshimanyinu, bua kubenesha bantu: Nomba 21:6–9. Matayo 5:14–16; Alama 46:11–20. Tangila mishindu mikuabu idi Mukalenga mumvuija Siona mu Dilongesha ne Bipungidi 64:41–43.

Tangila kabidi “Let Zion in Her Beauty Rise,” Hymns, no. 41.

Dilongesha ne Bipungidi 65 udi ufila meji a nyuma mu kutokesha mudimu wa Ekelezia wa Mukalenga mu mutuka a ndekelu. Ela meji bua kukeba mu tshitupa etshi, bua kutangila mandamuna pa nkoku bu mudi: tshinyi tshidi Mukalenga mujinga bua bukalenga buenda bukumbaja pa buloba? Tshinyi tshidiye mujinga bua mema kuenza bua kuambuluisha?

Tangila kabidi “Prepare Today for the Second Coming” (video), ChurchofJesusChrist.org.

1:7

Mutantshi mukesa kunyima kua mumana kubuela mu Ekelezia, William E. McLellin wakakonka Joseph Smith bua kubuluila disua dia Nzambi buenda. Joseph kavua mudimanya to, kadi William uvua ne nkonku itanu ya nkaya ivuaye mumanya ne Mukalenga neafila diandamuna kupitshidi kudi Muambi wenda. Katuena bamanya muvua konku eyi ya William, kadi dibuluila dituala buenda, mpindiewu mu Dilongesha ne Bipungidi 66, ndiandamuna lukonku lonsu kudi William “muujibua ne dituishibua dionsu” (“William McLellin’s Five Questions,” in Revelations in Context, 138).

Muwudi ubala tshitupa 66, ela meji pa tshidi Mukalenga mumanya pa William McLellin ne malu ne majinga a mutshima wenda. Mushindu kayi uvua Mukalenga mukuleja ne mukumanya? Pawikala ne dibenesha dia nkambua mukulu, suaku udilonga. Muwudi wenza nanku, tshinyi tshidi Nyuma wa Tshijila ukuambuluisha bua kumvua pa disua dia Nzambi bueba?

Bia Kumanya: Muwudi ulongesha bana beba pa mukenji wa Mukalenga bua kubuikidila bonsu, udi mua kujinga kutokesha ne kubuikidila kakuena kumvuija kuanyishila bantu bua batutapa ku mutshima. Bakankamika bua kuambila muntu mukulumpa mueyemena pikala muntu mubatapa ku mutshima anyi mubalenga mu luidi lubi.

• Panyima pa kubala Dilongesha ne Bipungidi 64;10 ne bana beba, akula nabu pa tshidi tshiumvuija kubuikidila muntu. Udi mua kuleja bilejelu bipepela. Pamuapa badi nansha mua kuenza dinaya dia bashintuluka pa bilejilu ebi bua kuteka mu tshienzedi dibuikidila.

• Udi mua kulomba bana beba bua kuenza ndongamu wa mushindu udibu mua kulongesha muntu—bu mudi muana mukesa—pa kubuikidila bakuabu. Bambuluisha mua kupeta biambilu mu Dilongesha ne Bipungidi 64:7–10 bidibu mua kuenzela padibu balongesha.

• Imbayi musambu pa dibuikidila, bu mudi “Help Me, Dear Father” (Mukanda wa Misambu ya Bana, 99). Tshinyi tshidi musambu ewu ukulongesha pa kubuikidila bakuabu?

• Udi mua kuleja bana beba bimua bintu bibi bienza ku bitupa bikesa, bu mudi puzzle anyi tapi. Pashisha nudi mua kubala pamua Dilongesha ne Bipungidi 64:33. Mudimu munena wa Nzambi ntshinyi? Bintu bikesa kayi bitudi mua kuenza bidi mua kuambuluisha?

• Pawudi ubadila bana beba mu Dilongesha ne Bipungidi 64:34, udi mua kufunkuna ku mutshima weba ne mutu pawudi ubala “mutshima” ne “meji,” ne kubikila bana bua kuenza neba nanku. Mushindu kayi utudi mua kufila mitshima yetu (majinga) ne meji (ngenyi) kudi Mupandishi?

• Ambuluisha bana beba bua kumvua ne William E. McLellin uvua ne nkoku inayi bua Mukalenga. Joseph Smith wakapeta mandamuna ku nkoku ayi nansha kayi mumanya tshinyi tshivua nkonku ayi. Ambila bana beba pa diba divua Mukalenga mukuleja tshivuaye mujinga bua wenza, ne akula pa mabenesha adi afumina ku maludiki enda. Udi mua kubala pashisha Dilongesha ne Bipungidi 66:4 pamua ne kubikila bana beba bua kukeba bipolu bia kumvua tshinyi tshidi Mukalenga mujinga bua benza.

  

• Padi bana batangila bimfuanyi bia Dilua Dibidi dia Mupandishi, bakonka bua kuimvuija tshidibu bamona anyi tshinyi tshidibu bamanya pa tshikuma etshi. Udi kabidi mua kupesha bana beba miaku ne biambilu pa Dilua Dibidi bua kupeta mu Dilongesha ne Bipungidi 65. Tshinyi tshidi miaku eyi ne biambilu bitulongesha? Mushindu kayi utudi mua kudilongolola bua kupingana kudi Mupandishi?