Dilongesha ne Bipungidi 58:59

Basantu bakatekemena ne mu matuku abu a moyo, Tshimenga tshia Jackson tshivua mua kulua Siona, muaba uvua Bansantu bonsu mua kudisangisha. Nansha nanku, tshikondu tshiabu mu Tshimenga tshia Jackson tshivua tshiuwula tenta ne mpaji. Bidimu ndambu bipita, bavua benzejibua bua kumbuka ne kuindila mutantshi mukesa bua bupikudi bua Siona (Dilongesha ne Bipungidi 105:9).

Tshinyi tshiwudi ulonga pa mpaji ne ntatu ku miaku ya Mukalenga mu Dilongesha ne Bipungidi 58:1–5? Buatshinyi udi wela meji ne mabenesha makuabu adi alua amu panyima pa mpaji? Mabenesha kayi awudi mupeta panyima pa mpaji?

Tshinyi tshiwudi ulonga ku Dilongesha ne Bipungidi 59:23 tshidi tshikutuadila ditekemena?

Bu tshitupa tshia dilonga dieba dia tunungu etu, udi mua kuenza lista wa bintu kampanda biwudi mudifila ne tshisumi mu biobi. Bionsu bia ku biobi bidi malu mimpa? Nana meji pa tshiwudi mua kuenza bua kutuala buakana bua bungi—ne fuanyikija bua kudipesha tuipatshila bua kutshienza.

Buatshinyi udi wela meji ne Mukalenga mmusua bua wenza bintu bia bungi mu didisuila dieba? Tshinyi tshivua mua kuikala bu tshipeta bu wewa muikala muenzejibua mu bintu bionsu? Tshinyi tshidi 2 Nefi 2:27 tshikumbaja ku lumvu lueba lua nshindamenu ewu?

Tangila kabidi Dale G. Renlund, “Choose You This Day,” Liahona, Ngondu wa Dikumi ne Umua 2018, 104–6.

Mulayi wa Mukalenga mu Dilongesha ne Bipungidi 58:42 bua kubuikidila menamena ewu yonsu udi ukudimuna mutshima udi wa meji, nansha mudiwu ujula imua nkonku: Tshinyi tshidi tshiumvuija kukudimuna mutshima? Mushindu kayi undi mua kumanya ne ndi mukudimuna mutshima? Diakalenga, Mukalenga mutungunuka, Ku etshi nudi mua kumanya… (kanungu 43).

Eyi idi nkonku kampanda ya nsakidilu idi bantu bikala nayi pa dikudimuna mutshima. Tshinyi tshidi Nyuma ukulongesha paudi ulonga biambuluishi bidi bifila kuinshi eku?

Mushindu kayi udi ditonda dia mibi yanyi dingambuluisha bua kukudimuna mutshima? Tangila Misambu 32:1–5; Nsumuinu 28:13; Mosiya 27:34–37; Alama 39:12–13.

Ndi ngidikija bua kulekela mibi yanyi, kadi ndi ntungunuka ne kuenza bilema. Dikudimuna mutshima dianyi didi amu dikumbana anyi? Tangila Bradley R. Wilcox, “Worthiness Is Not Flawlessness,” Liahona, Ngondu wa Dikumi ne Umua 2021, 61–67; “Daily Restoration” (video), Tshisangi tshia Lumu Luimpa.

5:27

Mushindu kayi undi mua kuikala mutuishibua ne Mupandishi mumbuikidila? Tangila Tad R. Callister, “The Atonement of Jesus Christ,” Liahona, Ngondu Muitanu 2019, 85–87, nangananga tshitupa tshia tshiena bualu “2. Bubi.”

Udi mua kupeta ngumu ya bungi mu “Nkonku ne Mandamuna” pa dikudimuna mutshima mu For the Strength of Youth: A Guide for Making Choices (dibeji 8–9).

Tangila kabidi Biena Bualu ne Nkonku, “Repentance,” Tshisangi tshia Lumu Luimpa.

Polly Knight ne bayenda, Joseph Knight Mukulumpa, bavua bikala bamua ba ku bitabuiji ba bangabanga mu dibikila dia buambi dia Joseph Smith. Polly ne Joseph bakambuluisha muambi mu mudimu wa dikudimuna dia Mukanda wa Molomo. Dîku dia Knight diakumbuka Colesville, New York, bua kudisangisha ne Bansantu mu Ohio ne pashisha bakapeta mukenji bua kumuangala kuya ku Tshimenga tshia Jackson, Missouri. Pavuabu mu luendu, bukola bua mubidi bua Polly bua kabanga kunyanguka, kadi uvua mupangadika bua kumona Siona kumpala kua kufuaye. Wakasomba mu Missouri amu bua matuku makesa pakafuaye (tangila Saints, 1:127–28, 132–33). Dilongesha ne Bipungidi 59 uvua muakidibua dituku dia lufu luenda, ne kanungu 1 ne 2 tudi tutuma sungasunga kudiye.

Bueba wewa, tshinyi tshidi tshiumvuija kuikala muvuala tshifulu ne mikenji? (kanungu 4). Ela meji pa mushindu udi Mukalenga ukubenesha pawudi udienzeja bua kutumikila ku mukenji onsu wa mu kanungu 5–19.

Panyima pa dilaya bua kubenesha Bansantu mu Siona ne mikenji ya bungi, Mukalenga wakela kashonyi pa mukenji umua mu sungasunga: mukenji wa kunemeka dituku dia tshijila dienda (Dilongesha ne Bipungidi 59:4, 9). Pawudi ulonga Dilongesha ne Bipungidi 59:9–19, nana meji pa kabingila ka dinemeka Sabata kavua kikala ne mushinga kudi Bansantu aba bu muvuabu bakeba bua kuibaka Siona. Buatshinyi tshidi ne mushinga kuwudi?

Udi mua kunana meji kabidi ne udi wenzela dituku dia Sabata bu mudi Mukalenga munanga. Mushindu kayi udi dijidila dituku dia Sabata dituambuluisha bua kuepuka bintu bikoyika bia pa buloba? (kanungu 9). Tshinyi tshiwudi mua kuenza bua kunemeka dikukuila dieba kudi Mutamba Kûlu? (kanungu 10).

Udi ne tshia kumanya ne Mukalenga udi wenzela miaku bu mudi “disanka,” “wa disanka,” ne “wa diakalenga” bua kulongesha pa dituku dia Sabata. Tshinyi tshidi tshienza dituku dia Sabata dia disanka kuwudi? Mushindu kayi uwudi mua kumvuija muntu buatshinyi udi usungula bua kunemeka dituku dia Mukalenga?

Tshinyi tshiwudi ulonga ku musambu ? “Gently Raise the Sacred Strain” (Hymns, no. 146) pa tuipatshila ne mabenesha a Sabata?

Tangila kabidi Genese 2:2–3; Yeshaya 58:13–14; Russell M. Nelson, “The Sabbath Is a Delight,” Liahona, Ngondu Muitanu 2015, 129–32.

• Dibala dia pamua Dilongesha ne Bipungidi 58:26–28 didi mua kukupesha wewa ne bana beba mushindu wa kuakula pa bukola budi Tatu wa mu Diûlu mutupesha bua kusungula bua kuenza buimpa. Nudi mua kulondelangana pa masungula mashilangana anuvua benza ne bivua bifika bu bipeta. Pamuapa bana beba badi mua kusanka bua kuzola tshimfuanyi tshia dimanya diabu.

• Udi mua kufunda disungula ku luseka lua mushonyi wa dibeji ne tshipeta ku lukuabu luseka ne kuenzela dibeji edi bua kuleja ne masungula etu ne bipeta biawu bidi bisuikakana. Pamuapa bana beba badi mua kutela lista wa masungula ndambu ne kuakula pa bipeta bidi bifumina ku wowu. Pashisha nudi mua kubala pamua Dilongesha ne Bipungidi 58:27–28 ne akulayi pa masungula adi atuala buakana bua bungi anyi bipeta bimpa. Mushintu kayi udi Tatu wa mu Diûlu “utufuta” anyi utubenesha patudi tudienzeja bua kuenza buimpa? (kanungu 28).

• Ela meji bua kubala tunungu etu pawudi wewa ne bana beba nuendakana anyi nutangila bimfuanyi bia panu, funda bintu bidi bimpa ku mesu ne bidi bisankisha mutshima (kanungu 18). Udi mua kufunda kabidi bintu bia momumua bidi mu musambu bu mudi “My Heavenly Father Loves Me” (Children’s Songbook, 228–29). Anyi udi mua kubikila bana beba bua kuzola bimfuanyi bia bintu bidibu nabi ne disakidila ne balekela bakulondela pa bimfuanyi biabu. Mushindu kayi utudi mua kuleja disakidila dietu bua bintu ebi?

• Tshinyi tshinudi mua kuenza mu Dialumingu bua kukukuila Mukalenga ne kupeta disanka? Ambuluisha bana beba bua kupeta ngenyi mu Dilongesha ne Bipungidi 59:9–12 ne dibeji dia bibilu bia lumingu elu. Pamuapa badi mua kupeta kabidi bimfuanyi anyi bintu bidi bileja malu atudi tuenza mu Sabata (bu mudi bimfuanyi bia biakudia bia tshijila mu tshifundu etshi). Mushindu kayi udi bintu ebi mua kukuambuluisha bua kudiumvua pabuipi ne Tatu wa mu Diûlu ne Yezu Kilisto?