Doktrin ak Alyans 45

Lè nou santi nou pa alawotè oubyen nou pa diy devan Bondye, nou ka resevwa asirans nan pawòl Sovè a nan Doktrin ak Alyans 45:1–5 yo. Pandan n ap editye vèsè sa yo, konsidere kesyon tankou sa yo:

• Ki mo oubyen fraz nan vèsè sa yo ou santi yo espesyalman gen sans pou ou?

• Yon avoka se yon moun ki sipòte oubyen rekòmande yon moun oubyen yon koz piblikman. Dapre vèsè sa yo, kouman Jezikri fè bagay sa yo pou ou Kisa ki kalifye L pou L fè sa?

• Kisa ki enpresyone w konsènan pawòl Sovè a, te di Papa a? (vèsè 4–5).

Ou ta ka etidye sa Elder Dale G. Renlund te anseye konsènan Jezikri, Avoka nou an tou, nan “Chwazi Jodi a” (Lyawona, Nov. 2018, 104–5). Dapre Elder Renlund, kijan objektif Sovè a konpare avèk objektif Lisifè?

Pasaj swivan yo ka ajoute sou konpreyasyon ou konsènan wòl Sovè a kòm Avoka. Pandan w ap etidye yo, konsidere ekri fraz oubyen verite ou ta ka pataje avèk lòt moun: 2 Nefi 2:8–9; Mozya 15:7–9; Moroni 7:27–28; Doktrin ak Alyans 29:5; 62:1. Poukisa fraz sa yo enpòtan pou ou?

Gade tou nan “Merveilleux l amour,” Cantiques, no. 193; Sijè ak Kesyon, “Ekspyasyon Jezikri a,” Bibliyotèk Levanjil; “The Mediator (Medyatè a)” (video), Bibliyotèk Levanjil.

10:47

Lontan, yon etanda sete yon banyè moun te pote al nan batay pou ralye ak inifye twoup yo. Yon etanda se yon egzanp oswa yon règ ki ka sèvi pou yo mezire lòt bagay tou. Pandan w ap li Doktrin ak Alyans 45:9-10 la, reflechi sou fason alyans levanjil ou yo konn sèvi kòm yon etanda pou ou.

Yo dekri Dezyèm Vini Senyè a an menm tan kòm “gran” ak “terib” (Malachi 4:5). Nan Doktrin ak Alyans 45, toude deskripsyon yo sanble yo byen tonbe. Revelasyon sa a gen avètisman saj ak pwomès esperans konsènan vini Senyè a. Pandan w ap etidye vèsè 11–75 yo, medite sou fason ou ka prepare pou Dezyèm Vini an avèk lafwa nan Kris la olye de krent. Ekri sa w jwenn yo nan yon tablo tankou sa a:

Nan video “Kè Lèzòm Pral Twouble”a (Biblyotèk Levanjil la), ki konsèy Prezidan Russell M. Nelson bay pou ede nou afwonte sityasyon efreyan yo avèk lapè?

3:24

Kisa w aprann nan Doktrin ak Alyans 45:31–32, 56–57 sou prepare w pou Senyè a k ap vini an? Ki kote ki “sen” pou ou? Kisa sa vle di pou nou “pa kite moun deplase nou”? Kouman ou ka fè kote w ye a vin pi sen?

Note ke Senyè a refere L a parabòl dis vyèj yo, pou konpare luil nan parabòl la avèk laverite ak Sentespri a. Konsidere pou w ta li parabòl nan Matye 25:1–13 la avèk sa nan panse w. Ki lòt ide ou vin genyen?

Gade tou David A. Bednar, “Si w Te Konnen MwenLyawona, Nov. 2016, 102-5.

Sen yo nan epòk Joseph Smith la te te enterese pou yo te bati Siyon, Nouvèl Jerizalèm nan (gade nan Etè 13:2–9; Moyiz 7:18, 62–64). Kisa w aprann osijè Siyon—ni ansyen vil nan epòk Enòk la ni vil dènye jou a—nan Doktrin ak Alyans 45:11-15, 66–71la? Jodia a, kòmandman pou etabli Siyon an refere a etabli wayòm Bondye a tout kote n ap viv. Kisa w ka fè pou w ede bati Siyon tout kote w ap viv?

• Ou ta vle ede timoun ou yo konprann ke yon avoka se yon moun ki sipòte yon lòt moun. Apresa, ou ta ka pale konsènan egzanp yon avoka ki familye pou yo (tankou defann yon zanmi). Pandan w ap li Doktrin ak Alyans 45:3–5 ansanm, ede timoun ou yo dekouvri kiyès Avoka nou an ye ak kouman Li ede nou.

• Li ta ta amizan pou w mete yon foto yon kay, yon batiman Legliz ak yon tanp nan sal la. Apresa, ou ta ka bay timounh yo ti avans pou dekri kote sa yo epi envite yo kanpe pre foto w ap dekri a. Mande yo kanpe dousman pandan w ap li premye liy nan Doktrin ak Alyans 45:32. Ki kèk kote ki sen Bondye ban nou? Ede timoun yo konprann ke “kanpe kote ki sen, epi … pa deplase” vle di chwazi byen tout tan, kèlkeswa sa k ap pase. Kijan nou ka fè lakay nou vin tounen yon kote ki pi sen?

• Ou ta ka eksplike timoun ou yo ke nan tan lontan, yon etanda sete yon banyè oubyen drapo moun te konn pote nan batay. Li te ede sòlda yo konnen kibò pou yo rasanble ak kisa pou yo fè. Li ansanm Doktrin ak Alyans 45:9, epi diskite sou fason levanjil la tankou yon etanda. Timoun ou yo ka kontan fè pwòp etanda oubyen drapo pa yo, ansanm avèk imaj oubyen mo ki eksprime santiman yo konsènan Sovè a.

• Destriksyon sou sa ki pral rive anvan Dezyèm Vini an ka fè timoun yo pè. Pwente yo sou Jezikri ka ede yo tann avèk lafwa! Konsidere envite yo panse sou fason yo santi yo lè yon moun espesyal ap vin vizite, tankou yon gran paran oubyen yon zanmi. Kijan yo prepare yo pou vizit la? Apresa, oyu ta ka montre yon foto Sovè a, epi li Doktrin ak Alyans 45:44–45. Pataje yonn avèk lòt fason ou santi w konsènan vini Sovè a.

• Pou ede timoun yo santi yo kontan pou Dezyèm Vini Sovè a, ou ta ka ekri sou moso papye kèk nan pwomès ki bay esperans yo nan seksyon 45 la (gade nan, paregzanp, vèsè 44–45, 51–52, 55, 58–59, 66–71). Bay timoun ou yo papye yo epi mande yo pou leve men yo lè pwomès yo kenbe a mansyone pandan w ap li vèsè yo. Diskite sou kisa pwomès sa yo vle di. Ou ta ka chante yon kantik avèk timoun yo konsènan Dezyèm Vini an tou, tankou “Quand Jésus reviendraChants pour les enfants82–83).