Whakaakoranga me ngā Kawenata 20–22

He aha te take he Hāhi tō tātou kua whakaritea mai nei? Tērā pea ko te whakautu pai ake tēnei, arā, “Nā te mea nā Ihu Karaiti i whakarite tētahi.” I a koe e pānui ana i Whakaakoranga me ngā Kawenata 20–21, ka kite pea koe i ngā taurite i waenganui i te Hāhi Nāna nei i whakarite i ngā wā onamata me te mea Nāna i whakahoki i ēnei rā. Meatia ngā whiti e whai ake nei hei ako e pā ana ki te Kaiwhakaora i ngā wā onamata: Matiu 16:15–19; Hōani 7:16–17; Epeha 2:19–22; 3 Nīwhai 11:23–26; Moronai 4–5. Meatia ēnei whiti hei ako e pā ana ki te Hāhi kua whakahokia mai nei: Whakaakoranga me ngā Kawenata 20:17–25, 60, 72–79; 21:1–2. Māu ngā mea i ako e tuhi ki roto i tētahi whakahoahoa pēnei i tēnei:

I te wā i whakaritea te Hāhi, i whakaako te Ariki i Ana Hunga Tapu e pā ana ki ngā tikanga tapu, tae atu ana ki te rumakitanga me te hākarameta. I a koe e pānui ana e pā ana ki ēnei tikanga tapu, me whakaaro mō tāna hei whakahono tahi i a kōrua ko te Kaiwhakaora. Hei tauira, me pēhea ēnei tikanga tapu e āwhina ai i a koe kia mau tonu te “hiahia ki te mahi [ki a Ihu Karaiti] tae noa atu ki te mutunga”? (whiti 37). Māu anō e pānui ngā karakia hākarameta (whiti 77, 79) me te huri i ō whakaaro anō nei kei te whakarongo atu koe mō te taima tuatahi. He aha ō tirohanga?

Tirohia anōtia tā D. Todd Christofferson, “Why the Covenant Path,” Liahona, Mei 2021, 116–19.

Kua whakaarohia ake e koe i tētahi wā he aha i whakahirahira ai ki te Kaiwhakaora kia whakahokia te tohungatanga ki roto i Tana Hāhi? Mā te pānui i Tāna e tono ai ki ngā kaipupuri i te tohungatanga i Whakaakoranga me ngā Kawenata 20:38–60 e toko ake ai ētahi atu tirohanga. He aha tā te Kaiwhakaora hei manaaki i a koutou ko tō whānau i roto i ngā mahi kua whakamāramahia ake i roto i ēnei whiti?

Hei āpiti ki ērā hunga kua whakamanaia ki te tohungatanga, ka whakamahia te mana o te Atua e ngā wāhine anō kua whakaritea hei kaimahi i roto i te Hāhi i a rātou e tautoko ana i Tana mahi. Hei whakaaro anō, tirohia tā Erata Neil L. Andersen karere “The Keys and Authority of the Priesthood” (Liahona, Mei 2014, 49–52).

Tirohia anōtia ngā Kaupapa me ngā Pātai, “Joseph Smith’s Teachings about Priesthood, Temple, and Women,” Wharepukapuka Rongopai.

Kei roto iWhakaakoranga me ngā Kawenata 21:4–9 ētahi kupu pōhiri ki te aruaru i tā te Ariki poropiti me ngā whakaari kaha mō ngā tāngata e pērā ai. Mā ngā whakaaro e whai ake nei e āwhina i a koe ki te āta whakaaro i ēnei whiti:

• He aha ngā kupu i whiti 4–5 hei whakamārama i tā te Kaiwhakaora hiahia hei mahi māu ki ngā kupu a Tana poropiti e ora ana? He aha ki ō whakaaro e whai tikanga ana te “manawanui me te whakapono”?

• Me huri ō whakaaro ki ngā kupu huahuatau e meatia nei e te Kaiwhakaora i whiti 6 hei whakamārama i ngā manaakitanga e ahu mai i te aruaru i Tana poropiti. He aha te tikanga o te kōrero “ngā kuaha o te ao rēwera”? He aha tā te Ariki hei “whakamarara i ngā mana o te pōuritanga” mōu? He aha te tikanga o te tū kaha i te whakaaturanga o Ihu?

• He aha tā te Ariki e tono nei ki a koe hei mahi māu mā roto i te Tumuaki o te Hāhi i ēnei rā? He aha tā te Ariki hei whakatutuki i Ana whakaari i a koe e whai atu ana i Ana tohutohu?

Whakarārangihia ērā atu tirohanga e rapua ai e koe mai i ngā wāhanga e whai ake nei o tā Erata Neil L. Andersen karere “The Prophet of God” (Liahona, Mei 2018, 24–27):

• Te Take e Whai nei Tātou i te Poropiti:

• He Kaimataara i runga i te Pourewa:

• Kaua E Ohorere:

Tirohia anōtia “Watchman on the Tower” (whitiāhua), ChurchofJesusChrist.org; Ngā Kaupapa me ngā Pātai, “Prophets,” Wharepukapuka Rongopai; “We Listen to a Prophet’s Voice,” Hymns, no. 22.

4:17

• Me whakamahi te kōwae wāhanga mō Whakaakoranga me ngā Kawenata 21, upoko 9 o Ko ngā Paki kōrero o te Whakaakoranga me ngā Kawenata, te whitiāhua rānei “Organization of the Church” (ChurchofJesusChrist.org) hei āwhina i ō tamariki kia mārama ai i ahatia i te rā i whakatūria ai te Hāhi.

  

  2:37

• Tērā pea mā ō tamariki e whakahono atu i ngā pikitia o Ihu Karaiti, tētahi e minita ana, tētahi rumakitanga, me te hākarameta me ngā whiti i wāhanga 20 (tirohia ngā whiti 21–23, 47, 72–74, 75–79). Meatia ēnei pikitia me ngā whiti hei kōrero mō ngā manaakitanga kei a tātou nā te mea i whakahokia mai e Ihu Karaiti Tana Hāhi.

• Ka āhuareka ō tamariki i te kite atu i tētahi pikitia o tētahi tamaiti e rumakina ana, ā, e whakaūngia ana. Mā rātou e tohu atu i ōna hāngaitanga ki ngā tohutohu i Whakaakoranga me ngā Kawenata 20:41, 71–74. He aha ngā akoranga māu i Whakaakoranga me ngā Kawenata 20:37 e pā ana ki ngā tāngata e hiahia ana kia rumakina? Me waiata tahi anō i “When I Am Baptized” (Children’s Songbook, 103) me mātaki rānei te whitiāhua “The Baptism of Jesus” (Wharepukapuka Rongopai ).

  

  3:10

  

• Mehemea kua rumakina, kua whakaūngia kētia ō tamariki tonoa rātou ki te kōrero mō taua āhuatanga. He pikitia ō rātou hei tuari atu? Me kōrero tahi me rātou mō tā rātou e mahi nei hei whai atu i a Ihu Karaiti me Tāna hei manaaki i a rātou.

• Ka rapua e ngā tamariki te kupu “hiahia” i Whakaakoranga me ngā Kawenata 20:37 (mō te rumakitanga) me whiti 77 (te karakia hākarameta). He aha tā Ihu Karaiti e manako ana ka hiahia tātou ki te aha? Tērā pea me titiro atu ō tamariki ki tētahi mea whai ingoa ki runga (pērā i tētahi ingoa kamupene, i tētahi ingoa tangata rānei). He aha tā te ingoa e whakamārama mai e pā ana ki taua mea? He aha te tikanga o te tango ake i te ingoa o te Karaiti ki runga ki a tātou?

• Me pānui ngātahi i Whakaakoranga me ngā Kawenata 20:77 , kātahi ka tonoa ō tamariki ki te tohu i ngā whakaari e meatia nei e tātou i a tātou i roto i te hākarameta. Tērā pea mā tēnā, mā tēnā e mahi whakaari i tētahi mea e taea te mahi hei “maumahara tonu” ki te Kaiwhakaora me te whiu whakapae ki te tikanga o ngā mahi ā-ringa. E ai ki whiti 77, he aha ngā manaakitanga ki a tātou ina maumahara tonu ki te Kaiwhakaora?

• Whai muri iho i ngā tono me ngā whakaari i Whakaakoranga me ngā Kawenata 21:4–6, me titiro ō tamariki ki tētahi pikitia o te poropiti o nāianei, kātahi ka tohaina e rātou tētahi mea kua akona, ā, kua rangona mōna. Me tuku kōrero tētahi me tētahi ētahi atu huarahi kua manaakitia koe e Ihu Karaiti mōu i whai Tana poropiti.