கோட்பாடும் உடன்படிக்கைகளும் 6–9

1829 ஆம் ஆண்டு வசந்த காலத்தில், அவர் மார்மன் புஸ்தகத்தைத் தொடர்ந்து மொழிபெயர்க்கும்போது ஆலிவர் கவுட்ரி, ஜோசப் ஸ்மித்தின் எழுத்தாளராக இருக்க முன்வந்தார், இந்த அனுபவம் அவரை சிலிர்க்க வைத்தது, மேலும் அவர் வெளிப்பாட்டையும் மொழிபெயர்ப்பதற்கான வரத்தையும் பெற முடியுமா என்று அவர் யோசித்தார். ஆனால், அவரது முதல் முயற்சி சரியாகப் போகவில்லை.

வெளிப்பாட்டைப் பெற அல்லது புரிந்துகொள்ள நீங்கள் எப்போதாவது சிரமப்பட்டிருந்தால், ஒருவேளை நீங்கள் ஆலிவரின் அனுபவத்துடன் தொடர்புபடுத்தி அதிலிருந்து கற்றுக்கொள்ளலாம். கோட்பாடும் உடன்படிக்கைகளும் 6, 8, மற்றும் 9 நீங்கள் வாசிக்கும்போது, தனிப்பட்ட வெளிப்பாட்டைப் பற்றி கர்த்தர் ஆலிவருக்கு என்ன கற்பித்தார் என்பதைக் கவனியுங்கள். உதாரணமாக:

• அவருடைய சித்தத்தை வெளிப்படுத்துவதற்கு முன்பு கர்த்தர் உங்களிடம் எதை எதிர்பார்க்கிறார் என்பதைப்பற்றி கோட்பாடும் உடன்படிக்கைகளும் 6:5–7; 8:1; 9:7–8 என்ன ஆலோசனையளிக்கிறது?

• வெளிப்படுத்தல் வரக்கூடிய வெவ்வேறு வழிகளைப்பற்றி கோட்பாடும் உடன்படிக்கைகளும் 6:14–17, 22–24; 8:2–3; 9:7–9லிருந்து நீங்கள் என்ன கற்றுக்கொள்கிறீர்கள்? நீங்கள் அதை எப்படி அடையாளம் காண முடியும்?

• இந்தப் பிரிவுகளிலிருந்து வெளிப்பாட்டைப் பற்றி வேறு என்ன கற்றுக்கொள்கிறீர்கள்?

ஆலிவரின் அனுபவங்கள், கர்த்தர் உங்களிடம் பேசுகிறார் என்று நீங்கள் உணரும் தருணங்களில் “உங்கள் மனதை செலுத்த” காரணமாக இருக்கலாம் (கோட்பாடும் உடன்படிக்கைகளும் 6:22). இந்த அனுபவங்களைப் பற்றிய உங்கள் எண்ணங்கள் அல்லது உணர்வுகளை நீங்கள் எப்போதாவது பதிவு செய்திருக்கிறீர்களா? அப்படியானால், நீங்கள் எழுதியதைப் படிப்பதைக் கருத்தில் கொள்ளவும். இல்லையென்றால், உங்களுக்கு நினைவில் இருப்பதை எழுத சிறிது நேரம் ஒதுக்குங்கள். இந்த அனுபவங்களிலிருந்து நீங்கள் எவ்வாறு தொடர்ந்து பலம் பெறலாம் என்பதைக் கருத்தில் கொள்ளுங்கள். சில ஆலோசனைகளுக்கு, மூப்பர் நீல் எல் ஆண்டர்சனின் செய்தி “Spiritually Defining Memories” (லியஹோனா, மே 2020, 18–22) பார்க்கவும்.

“Hear Him” காணொலி தொகுப்பில் பல சபைத் தலைவர்கள் தங்கள் வெளிப்படுத்தல் பற்றிய அனுபவங்களைப் பகிர்ந்து கொண்டனர். இந்த காணொலிகளில் ஒன்று அல்லது அதற்கு மேற்பட்டவற்றைப் பார்த்த பிறகு, உங்கள் சொந்த அனுபவங்களைப் பதிவுசெய்து, கர்த்தர் உங்களிடம் எப்படிப் பேசினார் என்பதைப் பகிர்ந்துகொள்ள உணர்த்துதல் பெறலாம்.

“Personal Revelation,” Gospel Library; “Oliver Cowdery’s Gift,” in Revelations in Context, 15–19 தலைப்புகள் மற்றும் கேள்விகள் பார்க்கவும்.

வரவிருக்கும் ஆண்டுகளில் ஜோசப் ஸ்மித் “கடினமான சூழ்நிலைகளை” அனுபவிப்பார் என்று கர்த்தர் அறிந்திருந்தார் (கோட்பாடும் உடன்படிக்கைகளும் 6:18). உங்கள் எதிர்காலத்திலும் என்ன பாடுகள் இருக்கும் என்பதை அவர் அறிவார். கோட்பாடும் உடன்படிக்கைகளும் 6:18–21, 29–37ல் ஜோசப்புக்கும் ஆலிவருக்கும் அவருடைய ஆலோசனையில் நீங்கள் என்ன காண்கிறீர்கள்?

“ஒவ்வொரு எண்ணத்திலும் [கிறிஸ்துவை] நோக்கிப்பார்” என்றால் அர்த்தமென்ன என உணர்கிறீர்கள்? (வசனம் 36). நல்ல நேரங்கள் மற்றும் “கடினமான சூழ்நிலைகளில்” இதை நீங்கள் எவ்வாறு தொடர்ந்து செய்ய முடியும்? தலைவர் ரசல் எம். நெல்சனின் இந்த ஆலோசனையைக் கருத்தில் கொள்ளுங்கள்: “ஒவ்வொரு சிந்தனையிலும் அவரை நோக்கிப் பார்க்க முயல்வது மனத்தளவில் கடினமானது ஆனால் நாம் அவ்வாறு செய்யும்போது, ​​நம்முடைய சந்தேகங்களும் அச்சங்களும் ஓடிவிடும்” (“Drawing the Power of Jesus Christ into Our Lives,” Liahona, 41).

நீல் எல் ஆண்டர்சனின், “My Mind Caught Hold upon This Thought of Jesus Christ,” லியஹோனா, மே 2023, 91–94 ஐயும் பார்க்கவும்.

நாம் ஏன் சில நேரங்களில் “நன்மை செய்ய … பயப்படுகிறோம்”? (வசனம் 33). கோட்பாடும் உடன்படிக்கைகளும் 6:29–37, நன்மை செய்ய உங்களுக்கு தைரியம் கொடுக்கிற எதை நீங்கள் காண்கிறீர்கள்? “Let Us All Press On” (Hymns, no. 243) போன்ற கிறிஸ்துவில் தைரியம் பெற உங்களுக்கு உணர்த்தும் ஒரு பாடலைப் பாடுவது அல்லது கேட்பதைக் கருத்தில் கொள்ளுங்கள்.

பாகங்கள் 6 மற்றும் 7ல் “வாஞ்சை” அல்லது “வாஞ்சைகள்” போன்ற வார்த்தைகள் எத்தனை முறைகள் தோன்றுகின்றன என கவனிக்கவும். உங்கள் விருப்பங்களின்மேல் தேவன் வைக்கிற முக்கியத்துவத்தைப்பற்றி இந்த பாகங்களிலிருந்து நீங்கள் என்ன கற்றுக்கொள்கிறீர்கள்? கோட்பாடும் உடன்படிக்கைகளும் 7:1ல் கர்த்தருடைய கேள்விகளை உங்களையே நீங்கள் கேளுங்கள்: “நீ எதை வாஞ்சிக்கிறாய்?”

ஆலிவர் கவுட்ரியின் நீதியான விருப்பங்களில் ஒன்றான ஜோசப் ஸ்மித் செய்ததைப்போல மொழிபெயர்க்க விரும்பியது நிறைவேறவில்லை. கோட்பாடும் உடன்படிக்கைகளும் 9:3, 7–14 நீங்கள் வாசிக்கும்போது, உங்களுடைய நீதியான வாஞ்சைகள் இப்போது நிறைவேறாமல் போகும்போது உங்களுக்குதவக்கூடிய என்ன எண்ணங்களை நீங்கள் பெறுகிறீர்கள்?

கோட்பாடும் உடன்படிக்கைகளும் 11:8; Dallin H. Oaks, “Desire,” Liahona, May 2011, 42–45 ஐயும் பார்க்கவும்.

• ஆலிவர் கவுட்ரி தனிப்பட்ட வெளிப்பாட்டைப் பற்றி அறிந்துகொண்ட சத்தியங்கள், பரிசுத்த ஆவியை அடையாளம் காணும் திறனை உங்கள் பிள்ளைகள் வளர்த்துக் கொள்ள உதவும். “அத்தியாயம் 5: ஜோசப் ஸ்மித் மற்றும் ஆலிவர் கவுட்ரி” (கோட்பாடும் உடன்படிக்கைகளும் கதைகள், 22–25 அல்லது சுவிசேஷ நூலகத்தில் தொடர்புடைய வீடியோவில்) ஆலிவரைப் பற்றியும் அவர் கற்றுக்கொண்டதைப் பற்றியும் அவர்களுக்குக் கற்பிக்கலாம். கதையின் உங்களுக்கு பிடித்த பகுதிகளை ஒருவருக்கொருவர் பகிர்ந்து கொள்ளுங்கள். நீங்கள் செய்யும்போது, தேவனின் குரலை எப்படிக் கேட்பது என்று ஆலிவருக்கு கர்த்தர் கற்றுக்கொடுத்த விஷயங்களை வலியுறுத்துங்கள், மேலும் கோட்பாடும் உடன்படிக்கைகளும் 6:23 அல்லது 9:7–9 போன்ற தொடர்புடைய வசனங்களை வாசிக்கவும்.

  

  3:11

  

• கோட்பாடும் உடன்படிக்கைகளும் 8:2 இல் உள்ள “மனம்” மற்றும் “இருதயம்” என்ற வார்த்தைகளை நீங்கள் படிக்கும்போது, உங்கள் குழந்தைகள் தங்கள் தலை மற்றும் மார்பைத் தொடும்படி நீங்கள் அழைக்கலாம். பரிசுத்த ஆவியானவர் உங்கள் மனதுடனும் இருதயத்துடனும் பேசும்போது எப்படி இருக்கும் என, உங்கள் அனுபவங்களிலிருந்து, உங்கள் பிள்ளைகளுக்குச் சொல்லுங்கள். “பரிசுத்த ஆவி நம்மிடம் எப்படிப் பேசுகிறார்?” என்ற கேள்விக்கான பதில்களை இந்த வசனங்களில் கண்டறிய அவர்களுக்கு உதவுங்கள்: கோட்பாடும் உடன்படிக்கைகளும் 6:15–16, 22–23; 8:2; 9:7–9.

• “சிறு மந்தையே, பயப்படாதே” (கோட்பாடும் உடன்படிக்கைகளும் 6:34) என்று கர்த்தர் ஜோசப் மற்றும் ஆலிவர் ஆகியோரிடம் கூறினார். அந்த சொற்றொடரை உங்களுடன் பலமுறை சொல்லும்படி உங்கள் குழந்தைகளை நீங்கள் அழைக்கலாம். அவர்கள் பயந்துபோன ஆடுகளின் மந்தையாக நடித்து மகிழலாம். ஆடுகள் எதைக் கண்டு பயப்படும்? பிறகு நீங்களும் உங்கள் குழந்தைகளும் இரட்சகர் ஒரு மேய்ப்பராக இருக்கும் படத்தைப் பார்த்து (இந்த குறிப்பின் முடிவில் ஒன்று உள்ளது) மற்றும் ஒரு மேய்ப்பன் தனது ஆடுகளைக் கண்காணிப்பது போல அவர் நம்மை எப்படிக் கவனிக்கிறார் என்பதைப் பற்றி பேசலாம்.

• “Dare to Do Right” (Children’s Songbook, 158) or “Let Us All Press On” (Hymns, no. 243) போன்றவை கிறிஸ்துவில் தைரியத்தைக் கண்டறிவதற்கான பாடலை இசைப்பது அல்லது பாடுவது போன்றவற்றைக் கருத்தில் கொள்ளுங்கள். பயப்படாமல் இருக்க இரட்சகர் நமக்கு எப்படி உதவுகிறார் என்பதைப் பற்றி பாடல் என்ன கற்பிக்கிறது?

• கோட்பாடும் உடன்படிக்கைகளும் 6:36-ஐ ஒன்றாகப் படித்த பிறகு, நீங்களும் உங்கள் குழந்தைகளும் “ஒவ்வொரு எண்ணத்திலும் [இயேசு கிறிஸ்துவை] நோக்கிப் பார்க்க வேண்டும்” என்பதை நினைவில் கொள்ள உதவும் வகையில் ஓவியங்களை உருவாக்கலாம். உங்கள் படங்களை ஒருவருக்கொருவர் பகிர்ந்து கொள்ளுங்கள், மேலும் உங்கள் பிள்ளைகள் அவற்றை வைக்கக்கூடிய இடங்களைப் பற்றி சிந்திக்க உதவுங்கள், இதனால் அவர்கள் அவற்றை அடிக்கடி பார்ப்பார்கள்.