రండి, నన్ను అనుసరించండి—గృహము మరియు సంఘము కొరకు ఉపయోగించుట

యేసు క్రీస్తును తెలుసుకోవడానికి మరియు అనుసరించడానికి మనం ప్రయత్నిస్తున్నప్పుడు ఒకరికొకరం సహకరించుకోవడం మరియు ప్రోత్సహించుకోవడమే ఆదివారపు బడి తరగతులలో మనం సమకూడడానికి గల ఒక ముఖ్య కారణం. దీనిని చేయడానికి ఒక సులువైన మార్గము, “రండి, నన్ను అనుసరించండి తో లేఖనాలను మీరు చదివినప్పుడు, పరిశుద్ధాత్మ ఈ వారం మీకు ఏమి బోధించాడు?” వంటి ప్రశ్నను అడగడం. ఈ ప్రశ్నకు జవాబులు యేసు క్రీస్తు మరియు ఆయన సువార్తలో విశ్వాసాన్ని పెంపొందించే అర్థవంతమైన చర్చలకు దారితీయగలవు.

అప్పుడు మీరు రండి, నన్ను అనుసరించండి లోని అధ్యయన సూచనలపై ఆధారపడి చర్చను ఆహ్వానించవచ్చు. ఉదాహరణకు, రక్షకుడు తన బాధను ఎలా వివరించారో చూస్తూ, సిద్ధాంతము మరియు నిబంధనలు 19:15–20 ను పరిశోధించమని ఒక అధ్యయన ఉపాయము సూచించవచ్చు. ఆయన వర్ణనను వారు చదివినప్పుడు వారు ఎలా భావించారో పంచుకోమని తరగతి సభ్యులను మీరు అడగవచ్చు మరియు ఆయన గురించి వారు ఆలోచించే విధానాన్ని అది ఎలా ప్రభావితం చేస్తుందో మాట్లాడవచ్చు. లేదా ఒక తరగతిగా మీరు ఈ వచనాలను చదవడంలో కొంత సమయం గడపవచ్చు.

ఆదివారాలు అహరోను యాజకత్వ సమూహములు మరియు యువతుల తరగతులు కలుసుకున్నప్పుడు, వారి ఉద్దేశ్యము ఆదివారపు బడి తరగతి కంటే కొంచెం భిన్నంగా ఉంటుంది. యేసు క్రీస్తు యొక్క సువార్తను నేర్చుకోవడానికి ఒకరికొకరు సహాయపడడానికి అదనంగా, ఈ సమూహాలు వారి తరగతి లేదా సమూహ అధ్యక్షత్వము చేత నిర్దేశించబడినట్లు రక్షణ మరియు ఉన్నతస్థితి కార్యమును సాధించడం గురించి చర్చించడానికి కూడా కలుసుకుంటాయి (see General Handbook: Serving in The Church of Jesus Christ of Latter-day Saints, 1.2).

ఈ కారణం చేత, ప్రతీ సమూహము లేదా తరగతి సమావేశము వారి ప్రయత్నాల గురించి సమూహము లేదా తరగతి అధ్యక్షత్వము యొక్క సభ్యుడు చర్చను నడిపించడంతో ప్రారంభం కావాలి. ఉదాహరణకు, సువార్తను జీవించడానికి, అవసరంలో నున్న జనులకు పరిచర్య చేయడానికి, సువార్తను పంచుకోవడానికి లేదా దేవాలయము మరియు కుటుంబ చరిత్ర కార్యములో పాల్గొనడానికి వారి ప్రయత్నాల గురించి వారు కలిసి చర్చించవచ్చు.

కలిసి చర్చించే సమయం తర్వాత, కలిసి సువార్తను నేర్చుకోవడానికి ఒక ఉపదేశకుడు తరగతిని లేదా సమూహాన్ని నడిపిస్తాడు. పెద్దవారైన నాయకులు లేదా తరగతి లేదా సమూహ సభ్యులు బోధించడానికి నియమించబడగలరు. పెద్దవారైన నాయకులతో సంప్రదించి, తరగతి లేదా సమూహ అధ్యక్షత్వము ఈ నియామకాలను చేస్తారు.

బోధించడానికి నియమించబడిన వారు రండి, నన్ను అనుసరించండి యొక్క వారపు నమూనాలోని అభ్యాస సూచనలను ఉపయోగిస్తూ సిద్ధపడాలి. ప్రతీ నమూనాలో, ఈ చిహ్నము ప్రత్యేకించి యౌవనులకు తగిన ప్రోత్సాహ కార్యక్రమాన్ని సూచిస్తుంది మరియు సెమినరీలో వారు నేర్చుకునే దానితో సమలేఖనం చేయబడుతుంది. అయినప్పటికీ, నమూనాలోని సూచనలలో దేనినైనా యౌవనుల కొరకు అభ్యాస కార్యకలాపముగా ఉపయోగించవచ్చు.

సమూహము మరియు తరగతి సమావేశాల విషయపట్టిక మాదిరి కొరకు అనుబంధము డి చూడండి.

ప్రాథమికకు బోధించడానికి మీ సిద్ధపాటు అనేది మీరు వ్యక్తిగతంగా మరియు మీ కుటుంబంతో లేఖనాలను అధ్యయనం చేస్తున్నప్పుడు మొదలవుతుంది. మీరు అలా చేసినప్పుడు, మీ ప్రాథమిక తరగతిలోని పిల్లల గురించి పరిశుద్ధాత్మ నుండి వచ్చే ఆత్మీయ మనోభావాలను, అంతర్దృష్టులను పొందడానికి సిద్ధంగా ఉండండి. ప్రార్థనాపూర్వకంగా ఉండండి. యేసు క్రీస్తు యొక్క సువార్తను నేర్చుకోవడానికి వారికి సహాయపడేందుకు ఉపాయాలతో ఆత్మ మిమ్మల్ని ప్రేరేపించగలడు.

మీరు బోధించడానికి సిద్ధపడుతున్నప్పుడు, ఈ వనరులోని బోధనా ఉపాయాలను అన్వేషించడం ద్వారా మీరు అదనపు ప్రేరేపణను పొందవచ్చు. రండి, నన్ను అనుసరించండి—గృహము మరియు సంఘము కొరకు లోని ప్రతీ నమూనాలో “పిల్లలకు బోధించడానికి ఉపాయములు” అనే శీర్షికగల విభాగము కలదు. ఈ ఉపాయాలను మీ ప్రేరేపణను వెలిగించే సూచనలుగా భావించండి. మీ ప్రాథమిక తరగతిలోని పిల్లలు మీకు తెలుసు—మరియు తరగతిలో మీరు వారితో మాట్లాడినప్పుడు వారి గురించి మీరు ఇంకా బాగా తెలుసుకుంటారు. దేవుడు కూడా వారిని ఎరిగియున్నారు మరియు వారికి బోధించడానికి, దీవించడానికి ఉత్తమమైన మార్గాలతో ఆయన మిమ్మల్ని ప్రేరేపిస్తారు.

రండి, నన్ను అనుసరించండి లోని కొన్ని ప్రోత్సాహ కార్యక్రమాలను మీ తరగతిలోని పిల్లలు ఇదివరకే వారి కుటుంబాలతో చేసియుండవచ్చు. ఫరవాలేదు. మళ్ళీ చేయడం మంచిది. వారు ఇంటివద్ద నేర్చుకున్న వాటిని ఒకరితో ఒకరు పంచుకోమని పిల్లలను ఆహ్వానించడాన్ని పరిగణించండి. వారు ఇంటి వద్ద నేర్చుకోకపోయినా కూడా పిల్లలు పాల్గొనడానికి మార్గాలను మీరు ప్రణాళిక చేయాలి. రకరకాల ప్రోత్సాహ కార్యక్రమాల ద్వారా మళ్ళీ మళ్ళీ ఈ సత్యాలు బోధించబడినప్పుడు పిల్లలు సువార్త సత్యాలను మరింత ప్రభావవంతంగా నేర్చుకుంటారు. ఒక అభ్యాస కార్యక్రమము పిల్లల కొరకు ప్రభావవంతంగా ఉన్నట్లు మీరు కనుగొన్నప్పుడు, ప్రత్యేకించి మీరు చిన్నపిల్లలకు బోధిస్తున్నట్లయితే దానిని పునరావృతం చేయడం గురించి ఆలోచించండి.

ఐదు ఆదివారాలు ఉన్న నెలల్లో, ఐదవ ఆదివారం ప్రణాళిక చేయబడిన రండి, నన్ను అనుసరించండి నమూనాను అనుబంధం బి: ప్రాథమిక కొరకు—దేవుని నిబంధన బాటపై జీవితకాలము నిలిచేందుకు పిల్లలను సిద్ధపరచుటలో ఉన్న ఒకటి లేదా అంతకంటే ఎక్కువ అభ్యాస కార్యకలాపాలతో భర్తీ చేయమని ప్రాథమిక బోధకులు ప్రోత్సహించబడ్డారు.