“Te Whakamahi Haere Mai, Whai Mai i Ahau—Mō te Kāinga me te Hāhi,” Haere Mai, Whai Mai i Ahau—Mō te Kāinga me te Hāhi: Whakaakoranga me ngā Kawenata 2025 (2025)
“Te Whakamahi Haere Mai, Whai Mai i Ahau,” Haere Mai, Whai Mai i Ahau—Mō te Kāinga me te Hāhi: 2025
Te Whakamahi i a Haere Mai, Whai Mai i Ahau—Mō te Kāinga me te Hāhi
Mō Wai Tēnei Rauemi?
Mō te hunga katoa tēnei rauemi e hiahia ana ki te rangahau i te Whakaakoranga me ngā Kawenata—takitahi, taki-whānau, ā, i roto hoki i ngā akomanga hāhi. Mehemea kāore koe i rangahau i ngā karaipiture i mua, mā tēnei rauemi koe e āwhina kia tīmata ai. Mehemea he kaha kē koe ki te rangahau karaipiture, mā tēnei rauemi koe e āwhina kia whaihua rawa ngā āhuatanga e pā ai ki a koe.
Ko ngā Tāngata Takitahi me ngā Whānau ki te Kāinga
Ko te kāinga te tino wāhi ki te ako i te rongopai. Mā ō kaiako i te hāhi e tautoko, ā, ka akiaki ērā atu mema o te wāri i a koe. Engari kia ora ā-wairua, me whāngai tātou katoa ia rā, ia rā ki te “te kupu pai a te Atua” (Moronai 6:4; tirohia anōtia a Russell M. Nelson, “Opening Remarks,” Liahona, Noema 2018, 6–8).
Whakamahia tēnei rauemi kia rite ki tāu e pai ai. E aro atu ana ngā whakatakototanga kōrero ki ngā mea pono mau tonu e kitea ana i te Whakaakoranga me ngā Kawenata. E whakahua ake anō ērā i ngā whakaaro me ngā mahi hei āwhina i a koe ki te rangahau takitahi, taki-whānau rānei, taki-hoa rānei i ngā karaipiture. I a koe e rangahau ana, me whai atu i te ārahitanga o te Wairua kia kitea ai ngā mea pono mau tonu e whaitikanga ana ki a koe. Kimihia ngā karere mōu ake, ā, me whai i ngā ākinga o te wairua e pā ai ki a koe.
Ko ngā Kaiako me ngā Ākonga ki te Hāhi
Mehemea e whakaako ana koe i tētahi akomanga Paraimere, tētahi akomanga taiohi, tētahi akomanga Kura Rātapu rānei, tētahi Kōrama Tohungatanga o Arona, tētahi akomanga Taitamāhine rānei, ka akiakina koe ki te whakamahi i ngā whakatakototanga kōrero i tēnei rauemi i a koe e whakarite ana. KoHaere Mai, Whai Mai i Ahau—Mō te Kāinga me te Hāhi te marautanga mō tō akomanga Rātapu. Kua whakaritea ngā whakaaro ako i tēnei rauemi mō te ako i te kāinga. I a koe e whakarite ana ki te whakaako, me tīmata mā tō ake ruku iho ki ngā karaipiture. Ka hua ake te whakaritenga nui rawa mōu i a koe e rapua ana ngā karaipiture me te whai atu i te whakaawenga mōu ake i te Wairua Tapu. Māu anō e rangahau i runga i te whakaaro e hāngai atu ana ki ngā tāngata e whakaakona ai e koe. Rapua ngā mea pono mau tonu. MāHaere Mai, Whai Mai i Ahau e āwhina ai i a koe kia tohua ētahi o ēnei mea pono, ā, kia ako anō me pēhea ngā karaipiture e whakatīnanahia ai i tō oranga.
Me titi tonu ki tō hinengaro, arā, ko te ako i te rongopai, i tōna āhua tūturu rawa, kei te kāinga kē, ā, mā te Hāhi e tautoko. Kia pēnei kē te kupu, ko tō haepapa matua koia ko te tautoko i ngā tāngata e whakaakona ai e koe i roto i ā rātou mahi ki te ako, ki te whakatīnana i te rongopai ki te kāinga. Kaua e māharahara ki te ahurei o ngā mahi e tukua atu ai ki a rātou i te akomanga. Heoi, me tuku kē kia whai wā anō rātou ki te toha mai i ngā mea kua pā nei ki a rātou, ngā whakaaro, me ngā pātai mō ngā whiti karaipiture kua pānuitia e rātou i te kāinga. Tonoa rātou ki te toha mai i ngā mea pono mau tonu kua kitea e rātou. He mea whakahirahira ake tēnei i te aro ki te nui o ngā kōrero e tirohia ai e koutou.
Akomanga Taiohi me ngā Akomanga Kura Rātapu
Ko tētahi take nui e hui tahi nei tātou i ngā akomanga Kura Rātapu, arā, ko te tautoko me te akiaki tētahi i tētahi i a tātou e ū ana ki te mōhio atu me te whai i a Ihu Karaiti. Ko tētahi huarahi māmā ko te ui ake i te pātai pērā i “He aha tā te Wairua Tapu i whakaako ai ki a koe i tēnei wiki i a koe e rangahau ana i ngā karaipiture me te Haere Mai, Whai Mai i Ahau?” Mā ngā whakautu ki tēnei pātai e hua ake ai ngā whakawhitinga kōrero whaihua e whakatupuria ai te whakapono i a Ihu Karaiti me Tana rongopai.
Kātahi ka whakapuare ake tētahi kōrero e hāngai ana ki ngā kōrero rangahau i Haere Mai, Whai Mai i Ahau. Hei tauira, ka kī ake tētahi kōrero rangahau kia rapua Whakaakoranga me ngā Kawenata 19:15–20, e kimihia ana i ngā whakamārama a te Kaiwhakaora mō Tana whakamamaetanga. Tērā pea me ui atu ki ngā mema o te akomanga kia kōrero mai mō ngā mea i rongo ai i a rātou e pānui ana i Tana whakamārama mō ngā mea e pā ai ki a rātou nā tēnei whakamārama Mōna. Me huri atu rānei ki te rangahau i ēnei whiti i roto i te akomanga.
Ngā Kōrama Tohungatanga o Arona me ngā Akomanga Taitamāhine
Ina hui ngā Kōrama Tohungatanga o Arona me ngā Akomanga Taitamāhine i ngā Rātapu, ka āhua rerekē ana mahi i tā te akomanga Kura Rātapu. Hei āpiti atu i te āwhina tētahi i tētahi ki te ako i te rongopai a Ihu Karaiti, ka hui anō ēnei rōpu ki te rūnanga tahi mō te whakatutukinga o ngā mahi whakaoranga me ngā mahi whakateiteitanga(tirohia General Handbook: Serving in The Church of Jesus Christ of Latter-day Saints, 1.2), pērā i ngā tohutohu i ō rātou akomanga,tumuakitanga kōrama rānei.
Mō tēnei take, me tīmata ngā hui kōrama, akomanga rānei i runga i tā tētahi mema o te tumuakitanga kōrama, akomanga rānei huataki i tētahi kōrero mō ā rātou mahi. Hei tauira, me hui tahi rātou mō ā rātou mahi ki te ū ki te rongopai, ki te minita ki ētahi atu e hapa ana, ki te toha atu i te rongopai, ki te mahi rānei i ngā mahi temepara me ngā mahi whakapapa.
Whai muri iho i tēnei wā rūnanga tahi, mā tētahi kaiako e whakahaere i te akomanga, te kōrama rānei i tā rātou ako e pā ana ki te rongopai. Ka tohu ngā pakeke o te akomanga, kōrama rānei ki te whakaako. Mā te kōrero tahi a te tumuakitanga akomanga, kōrama rānei ki ngā pakeke e tohua ai ēnei whakatau.
Me whakarite te hunga kua tohua nei hei kaiako mā te titiro ki ngā kōrero ako i te whakatakotoranga mahi ā-wiki o Haere Mai, Whai Mai i Ahau. Hei ia whakatakotoranga mahi, ka tohua e tēnei tohu tētahi mahi tino pai rawa mō te hunga taiohi, ā, e hāngai ana ki ngā mea e akona ana i roto i te hemenari. Heoi anō, ka taea te whakamahi i ngā kōrero katoa i te whakatakotoranga mahi hei mahi ako mā te taiohi.
Tirohia āpitihanga Dmō tētahi tauira rārangi take mō ngā hui kōrama me ngā hui akomanga.
Paraimere
Ka tīmata ake tō whakarite ki te whakaako i tō ruku ki ngā karaipiture ko koe anake, ko koutou ko tō whānau hoki. I a koe e pēnā ana, kia wātea ki ngā ākinga o te wairua me ngā tirohanga mai i te Wairua Tapu mō ngā tamariki i tō akomanga Paraimere. Me inoi. Mā te Wairua koe e whakahihiko ki ngā whakaaro hei āwhina i a rātou ki te ako i te rongopai a Ihu Karaiti.
I a koe e whakarite ana ki te whakaako, ka whiwhi koe i ngā āpitihanga whakaaro mā te tirotiro ki ngā whakaaro whakaako i tēnei rauemi. Hei ia whakatakotoranga mahi i Haere Mai, Whai Mai i Ahau—Mō te Kāinga me te Hāhi tētahi wāhanga e kīa nei ko “Whakaaro mō te Whakaako Tamariki.” He whakaaro noa ēnei hei whakahiko ake i te whakaaro auaha. E mōhio ana koe ki ngā tamariki i tō akomanga Paraimere—ā, ka tino mōhio ake koe ki a rātou i a koe e mahitahi ana me rātou i te akomanga. E mōhio ana anō hoki te Atua ki a rātou, ā, Māna koe e whakahihiko ki ngā huarahi pai ake ki te whakaako, ki te manaaki hoki i a rātou.
Tērā pea kua oti kē i ētahi o tō akomanga me ō rātou whānau ngā mahi i Haere Mai, Whai Mai i Ahau. Ka PAI tēnā. He pai te toai. Tonoa ngā tamariki ki te tohatoha mai ā rātou akoranga i te kāinga. Me whakamahere hoki e koe ngā huarahi mō ngā tamariki ki te mahitahi ahakoa karekau e ako ana i te kāinga. Ka nui ake te ako a ngā tamariki i ngā mea pono o te rongopai mēnā ka toaitia ēnei mea pono i ā rātou mahi. Me ka kite koe he mana nui tā tētahi mahi ako mō ngā tamariki me toai, me tino pērā mehemea kei te whakaako i te hunga taitamariki.
Hei ngā marama Rātapu rima, ka akiaki i ngā kaiako Paraimere kia whakaurua kētia tētahi mahi ako Haere Mai, Whai Mai i Ahau i te Rātapu tuarima e kitea ai i “Āpitihanga B: Mō te Paraimere—Te Whakarite i ngā Tamariki mō tētahi Oranga i runga i te Huarahi Kawenata o te Atua.”