UJesu Ubusisa Abantwana

Ukhombisa uthando Lwakhe kubo

UJesu Kristu umi ezitebhisini zethempeli futhi ukhuluma neqembu labantu.

UJesu Kristu wayesebafundisile abantu izinto eziningi. Wabona ukuthi babedinga isikhathi ukucabanga ababesebekufundile. Wabacela ukuba baye emakhaya futhi bathandaze kuBaba oseZulwini ukuze baqonde ayebafundise kona. UJesu wayesebathembisa ukubavakashela ngosuku olulandelayo.

3 Nefi 17:1–4

UJesu Kristu uyamamatheka futhi uphakamisa isandla Sakhe

Abantu bakhala ngoba babefuna uJesu ahlale isikhathi eside. UJesu wayebathanda abantu. Wayebona ukuthi ukholo lwabo laluqine kakhulu. Wabacela ukuba balethe Kuye noma ubani ogulayo noma osezinhlungwini noma ngayiphi indlela. Wayefuna ukubalapha ngamunye.

3 Nefi 17:5–8

UJesu Kristu usiza umntwana ogulayo, futhi abanye abantwana baseduze futhi bayamamatheka

Abantu beza Kuye namalunga emindeni nabangani abagulayo. UJesu wabalapha bonke. Babejabule kakhulu. Baguqa basebeqabula izinyawo Zakhe.

3 Nefi17:9–10

UJesu Kristu ukhuluma nomntwana, futhi abantu bayahlangana bazungeze uJesu nabantwana babo

UJesu Kristu wacela ukuba balethe abantwana babo Kuye. Abantu babaletha abantwana babo bababeka phansi bazungeza uJesu.

3 Nefi 17:11–12

UJesu Kristu uyaguqa uyathandaza, futhi abantwana nabadala bayaguqa bamzungeze bethandaza

Emuva kokuba bonke abantwana baase beNaye, uJesu wacela abantu ukuba baguqe phansi. Waguqa Naye. Wabe Esethandaza kuBaba oseZulwini. Washo izinto ezimangalisayo ngalendlela yokuthi amazwi Akhe akabhalwanga. Abantu bagcwala injabulo.

3 Nefi 17:13–18

UJesu Kristu uyamamatheka, futhi kwehla unyembezi ehlweni lakhe

UJesu watshela abantu ukuthi babusisiwe ngenxa yokholo lwabo Kuye. UJesu wezwa injabulo okwamenza waqala ukukhala.

3 Nefi 17:19–21

UJesu Kristu ugona umntwana, futhi abanye abantwana baseduze futhi bayamamatheka

UJesu wabusisa umntwana ngamunye ngamunye. Wabathandazela ngamunye kuBaba oseZulwini. Wayesecela abantu ukuba babuke abantwana babo.

3 Nefi 17:21–23

UJesu Kristu ukhuluma nabantwana, futhi izingelosi ziyehla ziqhamuka esibhakabhakeni zizungeza abantwana

Izingelosi ziqhamuka ezulwini futhi zazungeza abantwana. Lapho izingelosi zibusisa abantwana, ukukhanya kwasezulwini kwabazungeza. Ngolunye usuku, uJesu wahlangana wase ebusisa abantwana futhi. Waphinde wabusisa abantwana ukuthi bakwazi ukukhuluma. Nabantwana abancane bakhuluma. Abantwana bafundisa abazali babo izinto ezimangalisayo.

3 Nefi 17:23–25; 26:14 16