Enye Me Nnantsew

So wɔaka akyerɛ wo pɛn dɛ yɛ biribi a ennsusu dɛ ibotum? Bia anntse nkã dɛ wo ho yɛ dzen yie anaa aben yie, anaa ɔhaw wo dɛ nkorɔfo bɛserew na wɔakasa etia wo. Sɛ atse nkã dɛm pɛn a, nnyɛ ankonam.

Mfe mpempem a abɛsen kɔ no, nna banyin bi wɔ hɔ a wɔfrɛ no Enoch. Nyankopɔn kaa kyerɛɛ Enoch dɛ ɔnkã nnuho nsɛm nkyerɛ nkorɔfo no—hɔn a hɔn bɔn sen biara a asaase yi ehu pɛn.

Enoch ennsusu dɛ obotum ayɛ. Ɔkãa kyerɛ Nyankopɔn dɛ ɔyɛ abofra dodow, obiara mmpɛ n’asɛm, na ne “kasaa yɛ nyaa” (hwɛ Moses 6:31).

Naaso Nyankopɔn hyɛɛ Enoch bɔ. Ɔkaa kyerɛɛ banyin no a hu aka no dɛ “Kɔ na kɛyɛ dza mahyɛ wo no, na mbepɔw nyinara boguan efi w’enyim, na esutsen bɛdan efi hɔn kwan do; na ebɛtsena mo mu, na mo so matsena wo mu; dɛm ntsi enye me nnantsew” (Moses 6:32, 34).

“Enye me nnantsew.” Nsato a ɔyɛ fɛw na ɔnnyɛ kyinyinɛnn bɛn nye yi.

Nyankopɔn hyɛɛ Enoch bɔ dɛ sɛ obenya akokodur ahyɛ ase a, ɔno Nyankopɔn bɛka no ho wɔ kwan biara do. Nyankopɔn bɛma Enoch ayɛ kɛse na Ɔahyɛ no dzen ama wɔayɛ pii na Ɔaboa no ma wɔabɛyɛ kɛse sen dza obotum esusu.

Agyenkwa n’edzin pii no mu kor nye Immanuel, anaa “Onyame nye hɛn wɔ hɔ” (Matthew 1:23). Ɔyɛ Nankasa No su dɛ Ɔnye hɛn nantsew. Nsan mu yi no gyina hɛn do—hɛn so yɛ nye No, bɛnantsew a?

Seseiara dze, yɛhwɛ Enoch dɛ ɔbarima a ɔwɔ gyedzi na nkɔnhyɛnyi kɛse na baanodzinyi. Naaso ansaana Enoch nkɔnhyɛnyi no, nna abofra Enoch bi wɔ hɔ a nna ɔnngye no ho nndzi naaso ɔsaan mu yii nye Nyankopɔn nantsewee.

Sɛ asetsena yɛ dzen a, sɛ etse nkã dɛ ɛnnhyɛ mã a, kaa Ewuradze no bɔ a ɔhyɛɛ Enoch no, na ɔwo. Ɔnye wo bɛnantsew. Ɔrinngya hom ngyanka, ɔnnyɛ anamɔn kor mpo.

Emmanuel. Nyankopɔn nye hɛn wɔ hɔ. Nyankopɔn nye hom wɔ hɔ!

Tse dɛ hom young men no, Nyankopɔn kaa kyerɛɛ Enoch dɛ ondzi asɔfodzi asodzi a ohia ho dwuma. N’ahyɛdze nye dɛ ɔbɛka nnuho akyerɛ emumuyɛfo. Enoch daa n’ekyingye ahorow edzi. Ɔsee dɛ, “[meyɛ] abrantsɛ”. “Nkorɔfo nyinara kyir me … me kasaa yɛ nyaa; ana meyɛ w’akowaa?” (Moses 6:31).

Ewuradze dze tum na awerɛhyɛmu maa mbuae. “Kɔ na kɛyɛ dza mahyɛ wo no. … Bue w’ano, na wɔbɛhyɛ no mã … . Mo Sunsum wɔ wo do … , mbepɔw nyinara boguan efi w’enyim … ; dɛm ntsi enye me nnantsew.” (Moses 6:32, 34).

Enoch sũaa dɛ sɛ Ewuradze ma hɛn dwumadzi a, ɔnnyɛ hɛn nkotsee na yehyia. Ber a yɛnye Christ dzi ahyɛmu na yesie no, yɛnye No nantsew na yenya kyɛfa wɔ No tum mu—yɛbɛyɛ edwindadze wɔ Ne nsa mu.

Tse dɛ Enoch no, hom wɔ dwumason bi: erosom, erosom wɔ temple mu, irihyira sacrament do, irusũa kyerɛwsɛm no, edze asɛmpa ho nkyerɛkyerɛ bɔ bra, irinya nnuho, ereyɛ ahosiesie ma asɛmpakã dwuma ahorow, na pii. Obotum ɔayɛ dɛ ɔbor wo do. Ibotum enya atsenkã dɛ etɔ sin. Na ɔno Yie. Ɔnnyɛ wo nko reyɛ ho asɛm. Ɔyɛ nsan mu yi ndɛ—ndɛ da yi na dabiara—dɛ enye Nyankopɔn bɛnantsew.

Hom dze No mboa no, hombotum ayɛ adze nyina. Ɔbɛhyɛ hom dzen, dze bɔn akyɛ, na Ɔaboa hom abor hom awosu ahoɔdzen do. Ɔdɔ hom! Dɛ Wiadze Mfɛndzanan Young Men Presidency no, yɛdɔ hom na yɛhwɛ kwan dɛ yɛbɛka homho ayɛ 2026 Asɛngyinado a ɔhyɛ nkuran no ho nhwehwɛmu: “Enye me nnantsew.”