Ngabe yikuphi esikwaziyo ngabelusi ngoKhisimusi wokuqala na?

Abelusi, ngu Brian Call

Sazi okumbalwa ngabelusi ngoKhisimusi wokuqala.

Babeseduze neBethlehema. Abelusi babe “kulelozwe” lapho ukuzalwa kukaKristu kwenzeka khona (NgokukaLuka 2:8). Futhi babekwazi ukufinyelela eBethlehema ngezinyawo ngesikhathi esalapho (bheka NgokukaLuka 2:15–16).

Babenza umsebenzi wabo. Abelusi babe “hlezi endle, beqhaphe umhlambi wabo ebusuku” (NgokukaLuka 2:8). Babengabelusi abahle futhi abethembekile, njengoMsindisi—okunguyena uMalusi oMuhle (bheka NgokukaJohane 10:11,14).

Babezazi iziphrofetho zikaMesiya. Ngokusobala babekwazi ingelosi eyayikhuluma ngakho lapho yazisa ngokuzalwa kuka “Kristu iNkosi” (NgokukaLuka 2:11), uMesiya owaphrofethwa kudala.

Babenentshisekelo enkulu. Kwathi ukuba ingelosi ibatshele ngo “mntwana … elele emkhombeni” (NgokukaLuka 2:12), bahamba “bephuthuma” ukuyombona (NgokukaLuka 2:16).

Babelana ngalezo zindaba ezimnandi. “Balanda ngalelozwi” ngababekuzwile futhi bakubona mayelana nomyalezo wengelosi ngokuzalwa kukaKristu (NgokukaLuka 2:17).

Bambonga futhi bamdumisa uNkulunkulu. Emva kwakho konke lokhu, “babuya-ke abelusi bemdumisa, bembonga uNkulunkulu ngakho konke abakuzwileyo nabakubonileyo” (NgokukaLuka 2:20).