Ngera dodengelii el kirir a re mengkar a sib er sel kot el Kurismas?

Shepherds[Re mengkar a Sib], mla er a Brian Call

Kede medengei a sesei el tekoi el kirir a re mengkar a sib er sel kot el Kurismas.

Te mle kmeed el mora Bethlehem. A re mengkar a sib a mla er “isel beluu” el Kristo a milechell er ngii (Lukas 2:8). Meng di mlo sebechir el merael el mo er a Bethlehem le Ngii a dirke ngarisei (mesa Lukas 2:15–16).

Te miruul a urerir. Tirka el re mengkar a sib a “mlar a ked er a klebesei el mengkar a delebechel el sib” (Lukas 2:8). Te mle ungil e mekedung el mengkerengel a sib, el uai a Osobel—el Ungil Mengkerengel a Sib (mesa Johanes 10:11, 14).

Te mle medengei a ikel ulochel a Messiah. Te mle medengei a ikel anghel a milngedecheduch el kirel sera louchais er a cherellel a “Kristo el Rubak” (Lukas 2:11), el ulochel a Messiah er a chuodel el taem.

Ng mle smiich a rengrir. Sera anghel louchais el kirel a “tolechoi … ulekedurs er a ongolel a charm” (Lukas 2:12), e te “ulerreched” el mong e Mesang (Lukas 2:16).

Te ulemerk er tial ungil chais. E “tuluuchais” a ikel rirenges me a le biles el mle klemechel a anghel el kirel a cherellel a Kristo(Lukas 2:17).

Te uluureng a sulel e oldanges er a Dios. Uriul er a tiang, e te “liluut el merael, e milengitakl odanges el mor a Dios el kirel a rokui el le rirenges e miles” (Lukas 2:20).