Uldesuel a Dios el kirel a Telungalek el melemolem el mo Cherechar

A tara tekoi el demak me a delak a mlo sorir el kirel tial mla moluut el ebangkelio er a Jesus Kristo a sel telungalek a klou a ultutelel el mo er a Ikelesia me a olisechakl el kmo “a betok el urerel a Dios er a mo suobel me a kot el ngarbab el klengeltengat a mekedmokl lokiu a telungalek.” Uchei er a bol metecholb, ea demak me a delak a kmal mle mechas a rengrir kirel a ikal lulsuub mete siotai er a retonari er tir el mo obengterir ma remisionari a olsiechakl er tir.

Me sera bol kebtech lobengterir a remisionari, e lolemolem el mesuub er a ebangkelio ruriul er a le metecholb, ea demak me a delak a milsuub a teletael el mo omekeroul er a rengelekir loba llomes me a klemerang e mekerang a bo loruul a chedaol kldmokl er a blirir (Doctrine and Covenants 93:40, 43).

Te milsuub el kmo “a telungalek a sel kmal nga er a belngel e moktek er sel uldesuel a Ulemeob el kirel a diak a ulebengelel klengar el mo er a Rengelekel” ea “deurreng er a chelsel a telungalek a sebechel mo er ngii a lsekum a telungalek a ultuil er a osischeklel a Rubak el Jesus Kristo.”

Te milsuub el kmo a “ungil chebechiil me a telungalek a sebechel mekedmokl e melemolem el ultuil er a osischakl er a klaumerang, nglunguuch, ouchel reng ra klengit, klausubes, omengull, beltik el reng, klechubechub, ureor, me a ungil e ngar er ngii a belkul el omilil me a omeruul.”

Te milsuub el kmo a telungalek a sebechel diak a ulebengelel ea osisiu el bouai el de ngarngii er tiang a dirrek el mo ngarngii er sei, eng di ngbai mo er ngii a diak a ulebengelel klebkall er ngii (Doctrine and Covenants 130:2).

E te milsuub el kmo “sel kot el ngarbab el moktek er a bek el olisechakl, bek el omilil er a Ikelesia a kmo a roungalek me a rengelekir a ungil a rengrir el ngara blirir, merenged el ngara diak a ulebengelel chebechiil, e omchoel er a retelecheroll er tir.”

Oba tial klemedengei, eng mlo sorir el mo merenged el telungalek el mo cherechar.

Uriul er a demak me a delak a le metecholb, e te milruul a ikel lulsuub, el mocha omes el bedul a ikel chedaol tekoi. Te ulureor kirel a telungalek er kemam me bol ltang sel le dmak el ngara blai e mesuub a chedaol llechukl el telungalek, blak a rengrir el mo er a Ikelesia, e meruul a ureor er a reksi er a telungalek. Me ikakid el ureor bedul a kltarreng, eng mle ulungulir el mo rullii a telungalek el moktek er ngii a uldasu er a mo suobel loba uldasu el kirel a diak a ulebengelel.

Sera 1965, el rak el demak me a delak a miltecholb, e sel kot el kmeed el templo el mo er a São Paulo, Brazil, a ngara Mesa, Arizona, el bekord el 6,000 mael (9,650 km) a cherridel. Omerael a kmal mle meringel a cherar el mera telungalek er kemam, me a demak me a delak a milengiill el di merekmo sera bol moterekokl a São Paulo Brazil Templo sera 1978 ruchei er a bol sebecherir el mo ngmai a chedaol ruoll er a templo e mo merenged. Seikid el taem, e ngak a mle mesiou el misionari el ngara Rio de Janeiro.

Ng locha erul buil ruchei er a bol merek er a mision er ngak er a Ongeru el buil er a 1980, ea mision president er ngak a kilengei er ngak ma kldemek el mo obengterir a rechedal a stake er a Rio de Janeiro el mora templo er a São Paulo me bol sebechek el mo endowed e mo merenged el mo er a demak me a delak. Di uai a demak me a delak, e ngak a dirrek el milengiil el mlo melai a rak el kirel a ikel yaksok el klengeltengat er a chedaol ruoll er a templo me a telbiil.

Tial omeruul a ngildecheii a klemedengei er ngak er a ngarmedal taem e milskak a kot el osengek er a klemerang el tekingel a President Russell M. Nelson’s el kmo: “Taem el omngara templo a mo ngosukau el mo omdasu el celestial e mo ungil medengelkau el mo ke kmal techang, me a klengar el sebechem el mo er ngii el mora ulebongel.”

Sel mle kedeb el temek el mlara templo er sel taem a meral mla rengii a rellii er a ikel ulebongel el sils er a mision er ngak. Oba tial beches el uldasu, e ouchais el kirel a templo me a klou a ultutelel uldesuel a Dios el kirel a telungalek a dirrek el meral mla er ngii a rellii er a chelsel a klengar er ngak.

Sera bechik er a, Rosana, me a ngak a mlo bechiil er a chelsel a eru el rak ruriul er a mision er ngak, e aki mirenged er a chelsel a templo loba uldasu el mo omekeroul er a diak a ulebengelel el telungalek er kemam. Me sel ki moruul er tiang, ea ki dmak loureor el meruul a uldelid el omeruul er a telungalek el uai ikel rechad er a blimam a ulsisechakl el merkemam, el kmal di omes el bedul a Osobel, Osisecheklel, me a osisecheklel a re profet er Ngii er a chelechal taem.

Me chelechang ea rengelkam a omekeroul er a rengelkir lolab a osisiu el osisecheklel a ebangkelio er a deurreng. De nguu er kemam, a telungalek a kot el klou a ultutelel e le ki medengei el kmo a telungalek a klou a belkul el telengtengil sel uldesuel a Dios.

Me sel ngak a General Authority, e ak mle ngeltengat el mlo merenged er a retedei el ngelekek el mo er a rebecherir er a chelsel a templo. Sel kumes a mederir sera bol loutubaruach er a altar er a templo a kmal mle klebokel el teletael kilsang. Ng mlo sebechek el mesang a rengelekek el mukngeltengat loba osisiu el olisechakl er a ebangkelio el rechad er a blik a ulsisecheklak me a dirrek el Rosana me a ngak a mla osisechekelterir. Ng mlo sebechek el mes aika el klengeltengat el melemolem el mora ngarmedal telecheroll. E ngak a mlo melatk el kmo ng techang a uchul ea ikal rokui a mlo sebechel mo tekoi.

Uleklatk er a Kurismas

A telungalek a klou a ultutelel er a klou el uldesuel a Dios er a deurreng, eng di a lak a Osobel el Jesus Kristo, e tial uldasu a diak el sebechel mo tekoi. A Tngakireng er Ngii me a chedaol ruoll me a telbiil el debetik er a chelsel a ebangkelio er Ngii a rullii meng mo sebechel mo er ngii sel yaksok er a kot el ngarbab el klengeltengat er a mo suobel.

President Nelson a mla melekoi el kmo: “Ngarbab el klengeltengat er a mo suobel a urerel a telungalek. Ngdi okiu a ikel chedaol ruoll lolsobel er a ebangkelio er a Jesus Kristo eng sebechel a telungalek el ngosechekl. Sel ngara ulebongel el dolasem el mo er ngii a sel mo ngara deurreng el telungalek—endowed,mla merenged, e keldmokl el kirel a diak a ulebengelel klengar el ngara rengedel a Dios.”

Sel bo kuldingel a basio el ngii a dirrekak a tal kbo er ngii, e ak melasem el mo osiik a mekekerei el Nativity scene el lomeklatk er a Rosana me a ngak el kirel a Osobel. Ng kora mla mo betok a blak ngai.

Omdasu kirel tial ngariou el reng el Nativity scenes, ea bechik me a ngak a mle tal ki molbededebek el kmo, “Ngera sel kmal ngii a kot er a chelsel a klengar er kemam?” A nger, a dodengelii el, Osobel, ebangkelio er Ngii, me a telungalek er kemam. A mo omeklatk er kemam er a beltkil a rengul a Demad er a Babeluades el merkemam e ngii a okiu a Osobel me a yaksok er a diak a ulebengelel a telungalek a sebechel mo er ngii, uchei er a Kurisma er a sesei el rak ra mla memong e aki ngilai aikal rokui el Nativities el locha er bebul a teblong el tana er a blimam—e di milechei meng ngarngii e bai dimlak kim ngai el meriou sera bol merek a Kurismas. Tial uldelid el teletael a ngosukemam me a reng er a Kurismas a di ngara blimam er a bek el taem.

Bek el sils sel ki momes a ikang el Nativity scenes, eng omeklatk er kermam el Osobel a chedul a klengar er kemam. Ng omeklatk er kemam el kmo a budech a ngara beluulechad er chelechang (mesa Lukas 2:14) me a diak a ulebengelel deurreng er sel mei el beluulechad a ultuil er a Osobel e mengull a telbiil el bla ki mruul Lobengkel. Me tomeklatk er kemam el kmo ngii a mlei er a beluulechad, el Jesus, el mlo mengerus kirel a beluulechad, e mlo chemol a kengtil a beluulechad, e mo mengikiid er a beluulechad, e mo omekbeches er ngii er a ikel rokui el chelbirukl el tekoi.

Meng okiu er ngii ea rokui el chad a mo suobel el Chedam a mla ochotii a klisichel el blal rellii(Doctrine and Covenants 76:41–42).

Ng di uai sera kimosuub a ikel klemerang el mlara rechad er a blimam, a Rosana me a ngak a dirrek el meruul a osisiu el mora rengelekam. Me chelechang a rengelekam a olsisechakl a osisiu el klemerang el mora rengelekir. A tane el dilubech er a rengrir a rechad er a blik el mla mo okolem el rak el ngarsel kekerei el blimam el ngara Brazil a mla omung e mo ourodech “el kmal meringelchad el mekreos er a rokui el merekos, el becheleleu er a rokui el becheleleu, oi, e bliochel er a rokui el bliochel” (Alma 32:42).

A kuuchais el kmo tirkel el oltirakl er a uldesuel a Dios el kirel a re telungalek, e oubeltikerreng el ua sera Osobel a loubeltikerreng, e mengull a ikel telbilir a sebechir el tara klebesei a mo nguu “a klengeltengat er a diak a ulebengelel klengar me a mui el deurreng” lobengterir a rebetik er a rengrir me a Chedam me a Ngalek.