X’nafu dwar ir-rgħajja fl-ewwel Milied?

Shepherds, ta’ Brian Call

Aħna nafu xi ftit ħwejjeġ dwar ir-rgħajja fl-ewwel Milied.

Huma kienu ħdejn Betlehem. Ir-rgħajja kienu “f’dawk l-inħawi” fejn seħħ it-twelid ta’ Kristu (Luqa 2:8). U huma kienu kapaċi jilħqu lil Betlehem bil-mixi waqt li Hu kien għadu hemm (ara Luqa 2:15–16).

Huma kienu qed jagħmlu dmirhom. Dawn ir-rgħajja kienu “fir-raba’, għassa mal-merħla tagħhom billejl” (Luqa 2:8). Huma kienu rgħajja tajbin u fidili, bħas-Salvatur—ir- Ragħaj it-Tajjeb (ara Ġwanni 10:11, 14).

Huma kienu jafu l-profeziji tal-Messija. Apparentament huma kienu jafu x’kien qed jgħid l-anġlu meta ħabbar it-twelid ta’ “Kristu l-Mulej” (Luqa 2:11), il-Messija mbassar mlil-qedem.

Huma kienu mimlijin ħeġġa. Meta l-anġlu qalilhom dwar it-”tarbija … mimduda f’maxtura” (Luqa 2:12), huma marru “jgħaġġlu” biex jarawh (Luqa 2:16).

Huma qasmu l-aħbar it-tajba ma’ xulxin. Huma “bdew jgħarrfu” dak li kienu semgħu u raw dwar il-messaġġ tal-anġlu dwar it-twelid ta’ Kristu (Luqa 2:17).

Huma rringrazzjaw u faħħru lil Alla. Wara dan kollu, huma “Ir-rgħajja mbagħad reġgħu lura, isebbħu u jfaħħru lil Alla għal kulma kienu raw u semgħu” (Luqa 2:20).