Nō te aha e ‘Ēkālesia tā te Fatu ?

Te fā a te ‘Ēkālesia a te Mesia ‘o te « fa’ati’ara’a ïa i te mau ta’ata ‘e i te mau ‘utuāfare ‘ia tauturu i te Atua i roto i te fa’atupura’a i tāna ‘ohipa nō te fa’aorara’a ‘e te fa’ateiteira’a ». E taututu Te ‘Ēkālesia a Iesu Mesia i te Feiā Mo’a i te mau Mahana Hopea nei « ’ia fa’ata’ahia te mau tamari’i [a te Atua] nō te fāito teitei roa a’e o te hanahana, ‘oia ho’i te fa’ateiteira’a ‘aore rā te ora mure ‘ore ».

« ’Ua fa’aue… te Fa’aora [i te ‘Ēkālesia] ‘ia rave fa’aoti i tāna mau ‘ōpuara’a—te porora’a i tāna ‘evanelia, te pūpūra’a i tāna mau ‘ōro’a ‘e te mau fafaura’a, ‘e ‘ia fa’ati’a i tōna mana ‘ia ha’amana ‘e ‘ia ha’amo’a ia tātou ».

E fāna’o te mau melo o te ‘Ēkālesia i te mana ‘e te mau ha’amaita’ira’a a Iesu Mesia nā roto i te ha’amanara’a ‘e te mau tāviri o te autahu’ara’a, te mau fafaura’a ‘e te mau ‘ōro’a, te mau arata’ira’a a te peropheta, te mau pāpa’ira’a mo’a ‘e te hō’ē huira’atira feiā mo’a.

‘Ua fa’aue-ato’a-hia i te ‘Ēkālesia : « ‘Ia ti’a mai i ni’a ‘e ‘ia ‘ana’ana atu, ‘ia riro tō ‘outou māramarama ‘ei hi’ora’a nō te mau nūna’a » (Te Ha’api’ira’a Tumu ‘e te mau Fafaura’a 115:5).

Tē tūtava nei te mau melo o te ‘Ēkālesia ‘ia « ’ana’ana » ma te orara’a i te ‘evanelia, te anira’a i te mau ta’ata ato’a ‘ia fa’ari’i i te ‘evanelia, te tā’atira’a i te mau ‘utuāfare ē a muri noa atu ‘e te aupurura’a i te feiā veve ‘e te nava’i ‘ore. Teie te ‘ohipa nō te fa’aorara’a ‘e te fa’ateiteira’a a te Atua.