ቃል ኪዳኖች፣ ሀይል እና የተስፋ ቃላት

A Glorious Light—Kirtland Temple [ግርማዊ ብርሀን—የከርትላንድ ቤተመቅደስ]፣ በግሌን ኤስ. ሆፕኪንሰን፣ ቅጂ ለመስራት አይፈቀድም

ለምን ብዙ ቤተመቅደሶች?

ፕሬዚዳንት ኧዝራ ታፍት ቤንሰን [1899–1994 (እ.አ.አ)] ከብዙ አስር አመታት በፊት እንዳሉት፣ “ቤተመቅደሶች የሰሜን እና ደቡብ አሜሪካ፣ የፓስፊክ ደሴቶች፣ አውሮፓ እና ሌሎች ቦታዎችን እንደሚሸፍኑ የቀድሞ አባቶቻችን ተንብየዋል። “ይህ የማዳኑ ሥራ በሚፈለገው መጠን መከናወን ካለበት በመቶዎች የሚቆጠሩ ቤተመቅደሶች ያስፈልጋሉ።”

ፕሬዚዳንት ራስል ኤም. ኔልሰን እንዳሉት፣ ከዚህ በፊት ታይቶ በማይታወቅ መንገድ ቤተመቅደስን የምንገነባበት "ምክንያት ጌታ እንድናደርገው መመሪያ ስለሰጠን ነው። የቤተመቅደስ በረከቶች በመጋራጃው በሁለቱም በኩል እስራኤልን ለመሰብሰብ ይረዳሉ። እነዚህ በረከቶችም አለምን ለጌታ ዳግም ምጽዓት የሚያዘጋጁትን ሰዎች ለማዘጋጀት ይረዳሉ።

በከርትላንድ ቤተመቅደስ ምርቃት ባደረገው ጸሎት ላይ፣ ጆሴፍ ስሚዝ እንዲህ ጽለየ፣ “በጌታ ቤት መግቢያ በር ላይ የሚገቡት ህዝብ ሁሉ ሀይልህ እንዲሰማቸው። …

“እና ቅዱስ አባት ሆይ፣ አገልጋዮችህ ከዚህ ቤት በሀይልህ ይታጠቁ ዘንድ፣ እና ስምህም በእነርሱ ላይ እንዲሆን፣ እና ክብርህም በዙሪያቸው፣ እና መላእክትህም ይጠብቋቸው ዘንድ እንጠይቅሀለን” (ትምህርት እና ቃል ኪዳኖች 109፥13፣ 22፤ ትኩረት ተጨምሯል፤ ደግሞም ቁጥር 23ን ተመልከቱ)።

እነዚህን ጥቅሶች ሳነብ፣ ኔፊ ስለኋለኛው ቀናት ያየውን ራዕይ አስብበታለሁ። የቃላቱን ተመሳሳይነት ተመልከቱ፦ “እናም እንዲህ ሆነ እኔ ኔፊ በበጉ ቤተክርስቲያን ቅዱሳንና በምድር ገፅ ላይ ሁሉ በተበተኑት የጌታ የቃል ኪዳን ህዝቦች ላይ የእግዚአብሔር በግ ኃይል ሲወርድ ተመለከትኩ፤ እነርሱም ፅድቅንና የእግዚአብሔርን ኃይል በታላቅ ክብር የታጠቁ ነበሩ።” (1 ኔፊ 14፥14፤ ትኩረት ተጨምሯል)።

የኋለኛው ቀን ቤተመቅደሶች የኔፊን ትንቢት መፈጸም ወሳኝ ሚና እንደሚጫወቱ አምናለሁ እናም ከዳግም ምጽአቱ በፊት ለምእመናን ቃል የተገባላቸው ጥበቃ እና ሀይል ማእከላዊ ናቸው።

ከበርካታ አመታት በፊት፣ እንደ የዩኒቨርሲቲ ኤጲስ ቆጶስ ሆኜ ሳገለግል፣ በተለይ በአጥቢያዬ ውስጥ ባለች አንዲት ወጣት ተደንቄ ነበር። አሁንም ታስደንቀኛለች። አሁን እርሷን እንደ አሁን እርሷን እንደ ወጣት ሴቶች አጠቃላይ ፕሬዚዳንት፣ ፕሬዚዳንት ኤምሊ ቤል ፍሪማን ታውቃታላችሁ። በቅርብ አጠቃላይ ጉባኤ ንግግር ላይ፣ በቤተመቅደስ በኩል ኢየሱስ ክርስቶስ ወደ ከፍተኛ የመንፈስ ቦታ ከፍ እንደሚያደርገን አስተምራለች

ፕሬዚዳንት ፍሪማን እንዳለችው፣ “ቤተመቅደስ በገባሁኝ ቁጥር ከእርሱ ጋር ጥልቅ የሆነ የቃል ኪዳን ግንኙነት ይኖረኛል።” “በመንፈሱ ተቀድሻለሁ፣ የእርሱ ሀይል ተሰጥተውኛል እንዲሁም መንግስቱን ለመገንባት ተለይቻለሁ።”

ፕሬዚዳንት ኔልሰን በቤተመቅደስ ቃል ኪዳኖች በኩል ሊገኙ ስለሚችሉ የኢየሱስ ክርስቶስ ሀይል በብዛት ተናግረዋል። “ራስችሁን ከአዳኝ ጋር ማጣመር ማለት የእሱን ጥንካሬ እና የመቤዠት ሃይል ማግኘት ትችላላችሁ ማለት ነው” አሉ። ፕሬዚዳንት ኔልሰን ደግመው እንዳስተማሩት፦

“የቤተመቅደስ ቃል ኪዳኖቻችንን ስናከብር፣ የጌታን የሚያጠነክር ኃይል ይበልጥ እናገኛለን። በቤተመቅደስ ውስጥ፣ በዓለም ካሉት ጫናዎች ጥበቃን እናገኛለን።”

“በቅዱስ የክህነት ቃል ኪዳኖች አማካኝነት አስፈላጊዎቹ [የአዳኝ] ስርዓቶች ከእርሱ ጋር ያጣምሩናል። ከዚያም በኋላ፣ ቃል ኪዳኖቻችንን ስንጠብቅ፣ የእርሱን ፈዋሽ፣ አጠንካሪ ኃይል ስጦታ ይሰጠናል። እና አቤቱ፣ የእርሱ ኃይል በወደፊት ቀናት እንዴት እንደሚያስፈልገን።”

“ህዝባችን አሁን እና ወደፊት ለሚመጡት ቀናት የሚያስፈልገው የስነምግባር እና የመንፈሳዊ ሀይል የእግዚአብሔር አብ እና የልጁ የኢየሱስ ክርስቶስ ኃይል ነው። ከእነርሱ ጋር ቃል ኪዳኖችን በመፈፀም እና በመጠበቅ ሀይላቸውን ማግኘት እንችላለን።”

ወንድሞች እና እህቶች፣ የምንኖረው በጣም ክፉ በሆነ ዓለም ውስጥ ስለሆነ የሰማይ ኃይል አስፈላጊ ነው። ያለዚያ ኃይል፣ “የሚመጣበትን ቀን መታገሥ የሚችል” እና “እርሱስ በተገለጠ ጊዜ የሚቆም” (ሚልክያ 3፥2) ለመሆን አንችልም። ያ ቀን መቼ እንደሆነ አናውቅም፣ ነገር ግን ለእርሱ መመለስ “[መንገዱን በፊቱ እንዲያስተካክሉ]” የእርሱ መልእክተኞች ተልከዋል (ሚልክያ 3፥1)። ይህ በእንዲህ እንዳለ፣ ዓለም ወደዚያ ቀን በእርጋታ እየተንሸራተተች አይደለም።

እኛን ለመርዳት ለታማኞች ቃል የተገባለት ኃይል ያስፈልገናል፦

• እግዚአብሔር በህይወታችን እንዲያሸንፍ እናድርግ።

• ንስሀ ግቡ እንዲሁም ወደ ጌታ ቅረቡ።

• ባርኩ፣ አፅናኑ፣ ምሩ፣ እንዲሁም አገልግሉ።

• “መከራዎቻችንን፣ ፈተናዎቻችንን እና ልባችንን የሚሰብረውን በተሻለ ሁኔታ እንቋቋመው” (ሞዛያ 3፥19 ተመልከቱ)።

• በቃል ኪዳን መንገድ ስንጓዝ በክርስቶስ ሰላም እና ደስታ እናግኝ።

• “[ለ]ክፉዎች አሰቃቂ አደጋ” እና “[ለ]መቃጠል ቀን” ተዘጋጁ(ትምህርት እና ቃል ኪዳኖች 109፥46)።

• የጌታን ስራ ከእርሱ ዳግም ምፅዓት በፊት አከናውኑ።

የቱሳን አሪዞና ቤተመቅደስ ጉልላት በ ጄምስ ዊትኒ ያንግ

የደህንነት ጠባቂዎች

የሰማይ አባት ስራ እና ክብር “የሰውን ህያውነት እና ዘለአለማዊ ህይወት ለማምጣት” ነው (ሙሴ 1፥39)። እያንዳንዱ ቤተመቅደስ እንደ እግዚአብሔር የማዳን እቅድ ምድራዊ ጠባቂ ሆኖ ይቆማል፣ ይህም አዳኝ በስራ እና በክብር ውስጥ ያለውን ማዕከላዊ ሚና ያመለክታል።

በኃይሉ የታጠቁ—ያገቡም ቢሆን ያላገቡ—የቤተመቅደስን ቃል ኪዳኖች በታማኝነት የሚጠብቁ፣ ቃል ኪዳን ጠባቂ ወንድ እና ሴት፣ በዚህ ህይወት እና በሚመጣው ህይወት ይባረካሉ።

ፕሬዚዳንት ኔልሰን ቃል እንደገቡት፣ “ለእያንዳንዳችን የምንጥርበት ፍጻሜ በጌታ ቤት ሃይል መሰጠት፣ እንደ ቤተሰብ መታተም፣ በቤተመቅደስ ውስጥ ለተገባ ቃል ኪዳኖች ታማኝ በመሆን ለታላቁ የእግዚአብሔር ስጦታ፣ ለዘለአለም ህይወት ብቁ እንድንሆን ነው። የቤተመቅደስ ስርዓቶች እና በዚያ የምትገቡት ቃል ኪዳኖች ህይወታችሁን፣ ጋብቻችሁን፣ እና ቤተሰባችሁን፣ እናም የጠላትን ጥቃቶች ለመቋቋም ያላችሁን ችሎታ ለማጠናከር ዋና ቁልፎች ናቸው። በቤተመቅደስ ውስጥ በምታመልኩበት እና ለቅድመ ዘመዶቻችሁ የምታደርጉት አገልግሎት በተጨማሪ የግል ራዕይና ሰላም ይባርካችኋል እናም በቃል ኪዳን መንገድ ለመቆየት ያላችሁን የልብ ውሳኔ ያጠነክራል።”

እንደ ኢየሱስ ክርስቶስ ሐዋርያ፣ እነዚህ ነገሮች እውነት እንደሆኑ እመሰክራለሁ።