Ukusikelelwa liGunya naMandla obuBingeleli

NguMdala D. Todd Christofferson

WeQumrhu labaPostile abaliShumi elinaMbini

Amalungu eBandla asebenzisa amandla kaThixo ukuze alungiselele kwaye asikelele abanye eBandleni, ekhayeni, nakwihlabathi.

Ubungqina bethu kwihlabathi kukuba ububingeleli obungcwele bukaThixo buyimfuneko ekufezekiseni umsebenzi waKhe wosindiso nokuphakanyiselwa kubom obungunaphakade, kangangokuba Yena ububuyisele ububingeleli emhlabeni esenzela loo njongo, kwaye leyo ilawulwa lilo iBandla likaYesu Krestu labaNgcwele beMihla yokuGqibela.

Imfuneko yeGunya naMandla oBubingeleli

UYesu Krestu uyintloko yeBandla. IBandla lisisixhobo Yena asidalileyo ukuze afezekise umsebenzi oyimfuneko wohlangulo loluntu kolusasazo lokugqibela lwevangeli ngokufanyo nakusasazo lwayo lwexesha awayephila ngalo emhlabeni. Kungalo iBandla

Yena angayivakalisa ivangeli yaKhe kububanzi behlabathi.
Yena unako ukubonelela ngobhaptizo nayo yonke eminye iminqophiso—nkqu nendlela yomnqophiso esingise kubukumkani baKhe besilestiyali.
Yena unako ukumanya iintsapho ngonaphakade.
Yena unako nokubonelela ngezipho zosindiso, nkqu nakwabo basweleka ngaphandle kwazo.
Yena unako ukulungiselela ngokubhekisele kwizidingo zokwasenyameni zabantwana bakaThixo abakwelixesha.

Ukuze ifezekise ezinjongo zibanzi, kwaye lilungiselele ukubuya koMsindisi, iBandla lidinga okaThixo oqhubekekayo umkhomba-ndlela, igunya, kunye namandla. IBandla lililo “[le]liyinyani neliphilayo ibandla” (IMfundiso neMinqophiso 1:30) ngokuba uKrestu ulimisela ngobunkokheli namandla waKhe ngabo ububingeleli baKhe, “uBubingeleli obuNgcwele, emva koHlobo loNyana kaThixo” (IMfundiso neMinqophiso 107:3).

Ngaphandle kobububingeleli bungcwele, iBandla ngokwemfuneko beliyakuba liqumrhu elingabotshelelwanga yiminqophiso, lisenza okulungileyo ehlabathini kodwa lingenamandla okufezekisa eyona njongo ibaluleke ngakumbi yokulungiselela oonyana neentombi zikaThixo eyenzelwe uvuyo nobom obungunaphakade kubukho baKhe. Ngabo obububingeleli, kunye nezitshixo zokunika umkhomba-ndlela kumsebenzi wabo obububingeleli, kukho igunya kunye nocwangco kwiBandla.

“EBandleni, lonke igunya lobubingeleli lisetyenziswa phantsi kolawulo lwabo baphethe izitshixo zobubingeleli.

“Amalungu eBandla angamadoda afanelekileyo afumana igunya lobubingeleli ngokunikezelwa kubingeleli kunye nokumiselwa kwiiofisi zobubingeleli. Onke amalungu eBandla angasebenzisa igunya elabiweyo njengoko bemiselwe okanye bethunywe ukuba bancede bafezekise umsebenzi kaThixo.”

Ngazo izitshixo zobubingeleli, izinto ezingu ndoqo kwiNkosi ziya kusoloko zisongamela. Akukho namnye onokuxhasa umntu one-ajenda yakhe engangqamenanga nomkhomba-ndlela waKhe. Akukho namnye onokuphumelela kubulungiseleli bobuxoki, ukuzifunela inzuzo yakhe buqu kunye nokuba nabalandeli bakhe.

Ububingeleli bukwadlala indima ebalaluleke kakhulu kumakhaya amalungu eBandla. UMongameli Dallin H. Oaks, uMcebisi wokuQala, wafundisa, “Umgaqo wokuba igunya lobubingeleli lingalongwa phantsi komkhomba-ndlela walowo unezitshixo ezenzelwe loo msebenzi usisiseko kwiBandla, kodwa oku akusebenzi njalo kusapho.” Ootata bayongamela kwaye balolonga ububingeleli kusapho lwabo—benika ingcebiso, bebamba neentlanganiso zosapho, benikezela ngeentsikelelo zobubingeleli nezokuphiliswa kumalungu osapho kunye nabanye, njalo njalo—ngaphandle komkhomba-ndlela okanye ukugunyaziswa lwalowo unezitshixo zobubingeleli.

“Umgaqo ofanayo ukwasetyenziswa xa utata engekho aze umama abe yinkokheli yosapho. Yena uyalawula kwikhaya lakhe kwaye usisixhobo ekuziseni amandla neentsikelelo zobubingeleli kusapho lwakhe ngaso isipho samandla avela kuThixo kunye notywino lwasetempileni.

UkuBuyiselwa kobuBingeleli kuMhla Wethu

EkaCanzibe 15, 1829

Ukubuyiselwa kwegunya lobubingeleli kwelixesha lokugqibela lokuvakaliswa kwevangeli kwaqhubekeka ngendlela enocwangco, inkqubela yenyathelo emva kwelinye. Njengesibhalo esisiseko kuvakaliso lwevangeli lwexesha lethu, iNcwadi kaMormoni, yayiguqulelwa ngo-1829, iNkosi yaqalisa ukubeka isakhiwo sayo sobubingeleli ngendlela. Ekuphenduleni umthandazo kaJoseph Smith kunye no-Oliver Cowdery malunga nobhaptizoo, uYohane uMbhaptizi ovuswe ekufeni wabonakala kwaye wanikela kubo ububingeleli bukaAron, bubingeleli obo “obuphethe izitshixo zolungiselelo lweengelosi, nezevangeli yenguquko, nezobhaptizo ngontywiliselo ukuze kuxolelwe izono” (IMfundiso neMinqophiso 13:1). Ngalo elagunya, uJoseph noOliver babhaptizana omnye nomnye baze mva babhaptiza abanye njengamalungu njengoko iBandla lalisekwa ngokusesikweni.

Ngokukhawuleza emva koCanzibe 15, 1829

Kungekudala emva kokubonakala kukaYohane uMbhaptizi, abapostile bamandulo uPetros, uYakobi, kunye noYohane babonakala kwaye bamisela ngobukhulu, ububingeleli, okanye ububingeleli bukaMelkitsedeke, bequka “izitshixo zobukumkani bam, kwaye nexesha lokuhlanganisela kukaThixo le vangeli … yamaxesha okugqibela” (IMfundiso neMinqophiso 27:13; bona naye 128:20).

Tshazimpuzi 3, 1836

Igunya elongezelelweyo elidingekayo kwaye kwalandela lona xa, kwiTempile yaseKirtland, abaprofeti abathathu bamandulo, uMoses, uEliyasi, noEliya, babonakala kuJoseph noOliver kwaye banikela kubo izitshixo zokuhlanganisela nezomsebenzi omayelana neetempile zeNkosi (bona IMfundiso neMinqophiso 110:11–16).

UHlobo 1829–Tshazimpuzi 1835

Izityhilelo ezenziwe zangumqulu ezikuyo iMfundiso neMinqophiso zayalela uMprofeti uJoseph Smith malunga nokumiselwa kwamadoda kwii-ofisi zobubingeleli obukhulu (Melkitsedeke) kunye nobubingeleli bolungiselo (bukaAron); ukubekwa kwamagosa obubingeleli, anjengoobhishophu; kunye nokusekwa kwamaqumrhu namabhunga obubingeleli.

1835–1973

Umkhomba-ndlela wobuprofeti uyaqhubekeka ukukhokela ukusekwa kobubingeleli nomsebenzi wabo kwiBandla. Umzekelo, amaqumrhu abangamaShumi aSixhenxe asekwa ngexesha laseKirtland ukuze bancedise iQumrhu labaliShumi elineSibini. Emva kwemfuduko enkulu eyayisingise eNtshona kunye nokuthi saa kwamalungu eBandla kwiindawo ngeendawo ezibanzi, lamaqumrhu ayethunywe ukuba asebenze kwiziteyiki zeBandla.

Ngo1973–Ukuzo kuthi ga ngoku

Phantsi kolawulo lukaMongameli Spencer W. Kimball (1895–1985), uEzra Taft Benson (1899–1994), kunye noGordon B. Hinckley (1910–2008), abangamaShumi Asixhenxe kunye namaqumrhu abo baqalisa ukusebenza ngokuthe ngqo phantsi kolawulo lweQumrhu labaliShumi elineSibini kumgangatho wajikelele weBandla nakwimimandla yeBandla. Amaqumrhu akumgangatho wesiteyiki apheliswa. Namhlanje, ishumi elinambini lamaqumrhu abase maGunyeni Jikele kunye namaShumi aSixhenxe kwimimandla bancedisa abaPostile “ekwakheni ibandla nokumisa kakuhle yonke imicimbi yokufanayo kuzo zonke izizwe” (IMfundiso neMinqophiso 107:34). Amaqumrhu ongezelelweyo abangamaShumi aSixhenxe asenokusekwa njengoko iBandla lisanda.

UMdala Christofferson ubulisa umzalwane Sampson noDaniel Amako eGambia, eNtshona Afrika, ngeyoMdumbe 2022.

UBubingeleli: Amandla okuSikelela

Ngelizwi elinye, umsebenzi wegunya namandla obubingeleli awabubuyiselayo uYesu Krestu kukusikelela. Yona yenza abenako amalungu eBandla ukusebenzisa amandla kaThixo ekulungiseleleni nasekusikeleleni abanye kwiBandla, ekhayeni, nakwihlabathi. Amalungu azimanya noMsindisi ekufezekiseni umsebenzi waKhe wosindiso kunye nokwenziwa njengaye ncakasana, besebenzisa izipho zamazulu namandla angaphaya ngokugqithisileyo kwawabo ukuze bancede ubukumkani bukaThixo bukhule buzalise umhlaba (bona IMfundiso neMinqophiso 65:2, 5–6).

INkosi icacisile okokuba “obu bubingeleli bukhulu ngakumbi [bukaMelkitsedeke] busebenza ivangeli nokuphatha isitshixo seemfihlelo zobukumkani, nkqu isitshixo solwazi lukaThixo.

“Ke ngoko, kwimimiselo yabo, amandla obuthixo ayabonakaliswa.

“Kwaye ngaphandle kwemimiselo yabo, kwaye negunya lobubingeleli, amandla obuthixo akabonakaliswa ebantwini enyameni” (IMfundiso neMinqophiso 84:19–21).

Imimiselo, ngokwenene, iyimisitho elawulwa ngobubingeleli okanye isakramente esithi senze iminqophiso ngazo noThixo, ukuqala ngobhaptizo kuze kuqhutyekekwe ukuya kuthi ga kwiminqophiso efunyanwa kwindlu yeNkosi. Kuse kugcineni leminqophiso apho siye siguqulwe ukuba “[nga]wemvelo” amadoda neentokazi sibe ngabangcwele (bona Mozaya 3:19) ngobabalo oluhlawulelayo lukaKrestu kwaye sibe nokungcwaliswa—singabekwa tyala kwaye singena bala—phambi koThixo (bona IMfundiso neMinqophiso 20:29–31; 3 Nifayi 27:16–20).

Esi sicatshulwa sivela ku “Ubuyiselo Olupheleleyo lweVangeli kaYesu Krestu: Isibhengezo Esisemthethweni Sesikhumbuzo Seminyaka Engamakhulu,” uBongameli bokuQala neBhunga laBapostile abaLiShumi elineSibini, sichaza isishwankathelo esifanelekileyo:

“Sibhengeza ukuba iBandla likaYesu Krestu labaNgcwele beMihla yokuGqibela, lasekwa ngoTshazimpuzi 6, 1830, yiMbuyiselo yeBandla likaKrestu leTestamente eNtsha. Eli Bandla lisekelwe kubomi obugqibeleleyo belitye lalo lembombo, uYesu Krestu, nakwiNtlawulelo yaKhe engenasiphelo kunye noVuko lokwenyama ekufeni. UYesu Krestu ubize AbaPostile kwakhona kwaye ubanike igunya lobubingeleli. Yena usimema sonke ukuba size kuYe neBandla laKhe, ukuze sifumane uMoya oyiNgcwele, imimiselo yosindiso, kwaye sizuze uvuyo olunyamezelayo.“

© 2025 ngu Intellectual Reserve, Inc. All rights reserved. Ishicilelwe eMelika. Imvume yesiNgesi: 6/19. Imvume yenguqulelo: 6/19. Inguqulelo ye Monthly Liahona Message, September 2025. Xhosa. 19604 774