Ion Isn’tKot

I Samach, a kon murinno seni pwan mwo nge ewe murinon sam won fonufan ouwa tongeni anapanapa non ami ekiek. Ika mwo sise tongeni chechemeni manauach me ren I, I a unusoch an sinei emon me emon kich. I a unusoch inisin ren futuk me chu, me kich Ununun.

Ika oua weires ne anapanapa ifa ussun Kot, mi wor ew unusochun minen apiru: Noun we, Jises Kraist. Kraist a apasa, “Ngang ewe aan, ewe ennet o ewe manau: ese wor emon epwe feinno ren ewe Sam, ika esap punun ngang. Ika oua fen sinei ei, oupwe ne pwan sinei Semei we.” (John 14:6–7). Pwan non ekkoch kapasan, ika sia mochen sinei ifa ussun nikinikin Samach won Nang, sia tongeni kaeo ussun nikinikin Jises Kraist. Ir ra unusoch chufengen non popun.

Non ennetin, anisuk om kopwe ani manau esemuch ina An angang me An Ning. En An #1 nongonongun an ekiek! I ese kouk ren fansoun me napanapach. Kapas ngeni I non iotek ese nifinifin fansoun. Mwirin rongorong ngeni ekkewe chommong anen an ponueni.

Elter Dale G. Renlund seni ewe Mwichen Engon me Ruemon Aposel a aitikich, “An Samach won Nang auchean popun an tumunukich esap ren an epwe fori Noun semirit ar repwe fori met mi pung; an epwe fori noun semirit repwe fini ar repwe fori met mi pung me nesoponon repwe winiti ussun I.” I epwe korukoto, awora kapasen ourour ngonuk, me aituk ennet, nge I esap angei sonuk om pungun finata an epwe oumwesuk om kopwe tapweno mwirin I.

Iwe nge, nupwen Elter Patrick Kearon seni ewe Mwichen Engon me Ruemon Aposel a apasa, “Kot a tiniken ne attapwa kemi,” wewen I esap tongeni fangeta ne achocho ngeni an ewe anisuk om kopwe niwinsefanino ngeni I. I a sinei kich meinisin sipwe mesengeni weiresin mettoch nupwen sia fori mi mwan. Nge I a awora ew an fan itach ach sipwe nimenimoch seni tipis me kuna pochokun me non An Noun we Achasefan.

An tong fan itom mi fochofoch. I a tongek iei, ina mo ika kose unusoch. Preseten Jeffrey R. Holland, a Nikinikitiw non ewe wis Presetenin ewe Mwichen Engon me Ruemon Apasel, a awora ew pochokunen afatafachokun ei ennet: “‘Feitto ren pusin nonnomum,’ emon Sam mi tong a apasa ngeni emon me emon kich, nge I a apachata, ‘Kosap kokotun kopwe nom ren pusin nonnomum.’ Sia emenimen me chemeni pwe Kot mi pochokunen an epwe fori fan itach nap seni ach ekieki pwe kich mi tongeni.” Fiti unusochun tong me pesepes, Samach won Nang a achocho ngeni ne anisiuk om kopwe winiti ussun I me angei meinisin An, ekis me ekis non ew fansoun.

Ewe murinon anen om kopwe sinei Semom won Nang kopwe sopweno om sisinei I. Ifa usun? Kaeo ussun I me Noun we seni ekkewe pukefel me kapasen ekkewe soufos mi manau. Iotek ngeni I. Aponueta An kewe annuk. Awora pusin om, mosonosonen fansoun ne fel ngeni I non fan, non ewe tempel, me non ekkoch neni pi pin. Fori me aponueta ekkewe pwon mi pin ngeni I. I epwe anisuk om kopwe sinei ion I me ifa ussun an mefi ussun en.