Milwol ni Ngan Thapeg ko biney e Pul ni Fan ko Gelngin e Pi’in ni Fal’yangren ko, July 2025
Tomuren Biney e Yafos
Fapi Fulweg nifan Boch e Pi Duwer
Wo’en rok’ e Chitamangiy nu Tharmiy nira pii’ ngodad e ganop nge gapas marunga’agen e yafos tomuren e yam’.
Sasing rok’ Thomas Arnaud
Mang era buch u tomuren ni gura yim’?
Sana ba’ aray e duwer ney ulan urngin e taliw. Pi fulweg kad thapeged ufithik’ Yesus Kristus nge gospel rok’ e ba gel. Yafos ney ni dabi taleg. Bachane Yesus Kristus nike foskoyam’, ya’el rodad nira tib bayay ulan e dowdad, nge gadad gubin ni ra fasgad ko yam’ rebo rran.
Ba riyul’, bay boch e ganop nifan e yafos tomuren e yam’ ni kad thapeged udakaen e yi’iy ko ngiyal’ daba’ nibe fulweg reb e duwer rodad. Bay aray boch e pi duwer nem, nge bay e pi fulweg nib achigchig.
Mang e doewngin e ya’el?
Ya’el ir e ta’areb e mite ba’nen, kemus ni “rib fel’ fa machalbog” (Doctrine and Covenants 131:7). Doewngin e ya’el me mang a ya’an woed e dowef ko bee’ nib ilal’.
Bu’uw e tafen e ya’el?
Mang gara buch ulan e tafen e ya’el?
Bay boch e pi’nen, woed ni gubin e pi ya’el ni kar ba’adag e gospel ni ba yarmiy gad nge machib nag fare gospel ngak e pi’in dabi thapeg fare gospel. Pi ya’el nem rayog ni ngar thapeged fa danga.
Mang ir e doewngin ko foskoyam’?
Doewngin ni be foskoyam’ dabi yim’, ni ufin nge yil, ni machalbog. Ku yaed ma fal’ngin nge fel’ ya’an. “Gathi reb e pi’nen nib thabi fel’ ya’an rangam sap ni woed mo’on fa ppin nib foskoyam’.”
Mang gara buch ulan e gil’ilung ko celestial?
Pi’in ni ra thapeged fare gil’ilung ko celestial nira boeded e Chitamangdad nu Tharmiy nge thapeged e falfalaen’ nib polo’. Yad ra thapeged gubin pi’nen rok’ e Chitimangiy. Yad ra rrin’ed e muruwel’ nge felngin rok’. Kad m’ag rad ufithik’ e mabgol nifan gubinfen nge nira thapeged e tabinaw nib manimus, nge faked e bitir nib ya’el rorad.
Mang gara buch ngak e pi’in ni dar mabgol u yafos ney?
Chitamangiy nu tharmiy ir mat’aw nge wurengaen’. “Fare Somoel ni ke micheg ulan e yafos nib manechubog de siyeg e tawa’ath ngak e bitir rok’ ni kar folgad e motochiyl, me ba’adag e pi m’ag rorad, nge ba’adag e tin nib mat’aw.”
Galibthir rog ni kar m’aggow ulan e temple, machane chiney ni kar dareag gow. Mini’ ni nggu m’ag nag?
Sana ni kam “gargelen ulan e m’ag” (ni’ir, kam gargelen tomur e galibthir ni kar m’ag nag gow ulan e temple), fa sana ni kam m’ag nag ko galibthir ulan e temple tomuren ni kar m’ag nag gow. Demtrug e rogon, fapi tawa’ath rom dabi chuw napan e galibthir ni ra dareag gow nge taleg e m’ag rorow.
Mel’eg rorow a galibthir rom dabi thilyeg e ta’awath rom. Ba’nen nib ga’fan ni thingari paer ni bay e mich rom nge pir’eg e tawa’ath ko temple nifan ngom. Marunga’agen e tha’ ko tabinaw rom, bat’uf ni ngam “tay e pagaen’ rom ngak’ Somoel nge pir’eg e gapas Rok’,” nge manang ni “Chitamangiy nu tharmiy ni ra pii’ e tawa’ath ngak gubin gidii’ nibe yaen u rogon e ba’adag nge mel’eg rorad.”
Mang gara buch ngak e bee’ ni ke fek e pogofan rok’?
Dabda nanged mang gara buch ngak e bee’ ni ke fek e pogofan rok’, nge dabda pufthin nag raed (ta’abrogon ko gubin e gidii’). “Dariy’fan e ngongol rorad e gidii’ niba t’uf e bee’, tiyugang, nge tamuruwel’, dabda taleg e bee ni be fek e pogofan rok’ urngin e yay. …
“De fel’ napan e bee’ ni ra fek e pogofan rok’. Machane, kemus Got e rayog ni nge pufthin nag e tafnay, ngognol, nge mel’eg rok’ e bee’ (muguy ko 1 Samuel 16:7; Doctrine and Covenants 137:9). …
“Pi’in ni kar malog e bee’ nibe t’ufen bachane e bee’ ni ke fek e pogofan rok’ rayog ni ngar pir’eged e athap nge golnag ufithik’ Yesus Kristus nge Bayul Rok’.”
© 2025 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Milwol ni Ngan Thapeg ko biney e Pul ni Fan ko Gelngin e Pi’in ni Fal’yangren, July 2025. Yapese. 19618 905