Pir’eg e Falfalaen’ ulan e Milekag Rom ko Gospel

Keb rok Elder Gary E. Stevenson

Ko fare Ulung ko fare Ragag nge L’agruwi Apostle

Pi’nen ni ra buch ngodad nib thabi ga’ nifan e adag ngak Somoel napan ni ngad fol e pi motochiyel i’ir e pi tawa’ath ko falfalaen’.

fapi Chongin ko galasia u Thailand nibe sminmin

Napan ni kug pigpig ko tapowi’ ko mission u Japan ba n’uw napan, kug un e mo’olung ufithik’ e weekend ulan e nam be rib n’uw chuchugur ko taban e area rog. District president ni ke fal’eg e interview ngak e pumo’on ni ke un e Galasia ta’areb e duw kafram nge ba’adag ni nge thapeg e tin ni kan nog ni maragen e temple. Ir ba’adag ni nge thapeg e endowment rok’ chuchugur ko ta’ab rogon e rran ni ke tawfe nag.

Ulan e sabathin romew, cha’ ney e chongin nib bi’ech nike weliy e ba’adag rok nifan urngin e tawa’ath nike thapeg ulan e duw tomuren nike tawfe nag. Ir ba’adag ni nge un e mo’olung ko sacrament nge reb e pi mo’olung. Me pigpig bo’or ko pi gosgos nifan e branch rok’. Kug lemnag, me dag ngog e athap ko m’ag nima buch bachane e nangfan rok’ nifan e fan ko gospel, niba mang e yang ko yafos rok’. Me michaen’ nge mang e gachalpen i Kristus ni kam thamiy gum’ircha’en ni ke thil (muguy ko Mosiah 5:2).

Gubin e sabathin romew ke fol e wo’en ko athap. Kug nonew marunga’agen e pi gam’ing nge m’ag nira mang e pi’nen nira buch ngak ulan e temple. Nike fulweg gubin e duwer nifan e tin ni kan nog ni maragen e temple.

Tomuren e interview, rayog ni nggu pug uran ni kug yog ngak e district president kug falfalaen’ ni kug mada’ nag e pumo’on nib mangil ney. Kug weliy ni kug ba’adag e rogon e pi missionary nge pi chongin ni kar mada’ nag, nge ilal nag e ya’el rok’, e bee’ nib mangil woed ir.

Kug balyangan’ napan e district president nike weily napan e mo’on ney nike thapeg e machib rok’ e pi missionary nge yib nge galasia fa binem ta’areb e duw faram, dakiry’ e na’un rok’ nge bay ga’ ni—chuchugur ko dakiry e athap—magawon rok’. District president ni ke weliy urogon e bi’eg rok’ ko fare gospel ko mo’on ney nge thilyeg rok’ ufithik’ boch e pi pul nike fek’en nga dakaen e wo’ ko thilyeg nib mangil, nike tay nga dakaen e wo’en e rayog ni nge ayuwegen nifan e tin ko ya’el nge tin ko fayleng nge pi ngak e fan nge falfalaen’.

Fare gospel nike pii’ ngak e fan ko yafos rok’. Pi’nen nib moem nib riyul’ nifan e gospel nike pii’ e fulweg nifan e pi duwer nib ga marunga’agen e yafos, me tabab ko e gano pni “Got ir e Chitamangdad nu Tharmiy, nge gadad a bitir rok’. … Got e manang daed ni gubin ma gadaed ba t’uf rok’.” Ulan e wo’ Rok’, ”Chitimangiy nu Tharmey ni … Ke pii’ nib bo’or ea tawa’ath nge fapi kanawngin rogon ningad suloed nga p’owchen.”

Ta’ab rogon e ta’awath rok’ e cha’nem, ni bay ta’ab rogon e ta’awath ngak’ gubin e bitir rok’ God ufithik’ fare gospel rok’ Yesus Kristus.

Fare Fan ko Yafos

Bachane Yesus Kristus nike fulweg e gospel Rok’ ufithik fare Profet Joseph Smith, “bay e ganop marunga’agen e fan ko yafos, marunga’dad,“ nike yoeg President M. Russel Ballard (1928–2023). Ulan e bin tomur e mich rok’ ngak e Galasia, President Ballard, u ngiyal’ nem nike pigpig ko cha’ ni ga’ ko rebe liw ko fare Ulung ko fare Ragag nge L’agruw, nike yoeg:

“Gadad manang Got; gadad manang fare Tathapeg, ni bachan i Joseph, ni yan ngalan e loway, nibe gay ko rogon nrayag min n’agfan e pi denen rok’ …

“Ri gube og nag e magar ngak, ni gu manang ni oran i gimed e kube rrin’ ni arogon, ko rogon nikan tawa’ath nagdad ni gadad manang mornga’agen fan e yafos rodad, fan ni gadad bay u roy, nge pi n’en ni gadad be gay rogon ni ngad rrin’ed ni gubin e rran.”

Nifan e pi chongin ko Fare Galasia ku Yesus Kristus ni Fan ko Gidii’en Got ko Tin Tomur e Rran, ganop ney ni tay e bu’un e nangfan marunga’agen e “wo’en nib machalbog” rok’ Got nifan e wo’en e thap. Bay reb e fithingan ni “wo’en e falfalaen’ nib gel,” “wo’en e bayul,” nge “wo’en fare murnguy” (Alma 42:8, 11, 15), me “fek e tin ni dabda nanged ko yafos nge tin ni dabda nanged ko pi’nen ni ra buch ngodad.” Ni rib ga’fan ko wo’en ney ir “fare machib rok Kristus,” ni ir e daiyf nifan e fan ko yafos.

Bachane bay e gospel rodad, gadad manang ni gadad e bitir ku Got, ni kar yib nga Feyleng nifan e pi sikeng, ilal, nge t’aer midlen dad ni ngad “un ko foskoyam’ nifan e gidii’ kar m’aed, ufithik’ e gelnag nge felngin rok’ e Saaf” (Doctrine and Covenants 76:39). Gadad manang fapi motochiyel nge kad thapeged e machib ni “fonow ngodad ni [ngad] nanged e fel’ ko kireb” (2 Nephi 2:5). Gadad manang ni kad yib nga Feylang ni ngad ba’adag nge pigpig. Nge gadad manang ni fare Somoel ni ke pinning dad e gadad me gelnag e feylang nge ayuweg reb e bee’ ni be rrin’ed ta’abrogon (muguy ko John 16:33; Doctrine and Covenants 64:2) ni ngad t’aer midlen dad ko L’agruw yay e Wub.

Napan gadad ma lemnag Marung’En, e pi’nen nike kanoeg ni Joseph Smith “e laman nib falfalaen’ ko Gospel rok’ e Somoel ni Yesus Kristus” ni ra gel nag dad ufithik’ e rran nib mo’omaw nge pii’ ngodad e fan ko yafos nge ngak gubin reb e gidii’.

Every Knee Shall Bow, rok’ Dan Wilson, daangaay mu copi nag.

Fol, Tawa’ath, Falfalaen’

Got nike pii’ ngodad e rogon ni ngad mel’eged ere rayog ni ngad bung rogon i pufthin nagdad (muguy ko Doctrine and Covenants 101:78; 2 Nephi 2:16). Bachane ir e yang ko “bay e togopluw ko gubin ban’en” (2 Nephi 2:11), Satan e rayog ni nge lumel nag laniyaen’dad ni ngad mel’eg e tin nib kireb.

Machane fare Somel Yesus Kristus, “me nang e magawon ni ra yib ngak e gidii’ nu feylang” ulan e rran rodad, nike yoeg fare Profet Joseph Smith, “nike non ngak u tharmiy, ngenike pii’ e pi motochiyel” (Doctrine and Covenants 1:17). Fare rogon e Somoel ni ra dag e pi motochiyel nge ba’adag Rok’ ngak e pi profet me yul’yul’ u rran rodad daba’ udakaen President Russell M. Nelson—nifan ta’abrogon e fan. Got ba’adag ni nge powi’iydad nga falfalaen’ ulan e yafos ney nge gil’ilungun ko celestial u reb e yafos.

Fol ko pi motochiyel rok’ Got thingari buch bachane e ba’adag nge muruguy rodad Ngak’. Fare Somoel Yesus Kristus nike yoeg nbi t’uf Got “ireray e bin th’abi ga’ nge bin th’abi ga’fan e motochiyel” (muguy ko Matthew 22:37–38). Nike weliy boch reb napan ni ke yoeg, “Fa’an gu ra t’uf romed, ma gimed ra fol ko tin kug ta’chiylen ngomed” (John 14:15).

Bay e tawa’ath napan gadad ma t’uf rodad Somoel nge fol e pi motochiyel Rok’. Ulan e ngiyal’ ney nike weliy marunga’agen “e motochiyel, ni dabda thilyeg u tharmiy … , ni bay urngin e tawa’ath nira yib—

“Ma napan gadad ma athapeg dem turug e tawath rok Got, ma yib ngodad nu dakaen e mafol ko re motochiyel nibe gagyeg ngay” (Doctrine and Covenants 130:20–21).

Ere, fare pi’nen ni ra buch ngodad nib thabi ga’ nifan e adag ngak Somoel napan ni ngad fol e pi motochiyel i’ir e pi tawa’ath ko falfalaen’.

Me sap ngak e yafos ufithik’ e owchen ni bay e gospel nike sulweg nge yi’iy u ngiyal’ rodad daba’ me pii’ ngodad e nangfan. Bachane bay e ganop nifan e yafos umon e yafos u feylang, ge fan rodad, gadad manang ni “fapi n’en nira fal’ag e yafos [rodad] u fayleng ni ngari fel’ e ku ta’ab rogon ko n’en ni ku ta’ab rogon ko fapi n’en nira fal’ag e yafos rom e chiney i yean ko yafos ni manemus ko gelngin ni ni rayag riy!”

Tomurren

Gube taleg u lan e pi’nen ni kug tabab, ni kug pug uran e pi’nen ni ke buch ngog faram nifan e cha’ nike thilyeg e tiluw u Japan. Udakaen e guy rogon rok’ nge guyed rogon e pi missionary nge pi chongin, ke pir’eg e gospel nib sulweg rok’ Yesus Kristus. Bachane nike pir’eg e gospel, nike pir’eg e fan rok’, nike ga’nag e sap rok’. Nike pir’eg e tonom ko falfalaen’. Fol ko fapi m’ag ko gospel nike pii’ ngak e falfalaen’, me lang-lang ngak ngalang nifan e tin ko feyleng nge ya’el

Milekag rok’ nike powi’iy ngak ni nge mang e chongin ko Galasia rok’ Yesus Kristus me pii ngak ni ngeyag me mang e mich riy Yesus Kristus. Elder Patrick Kearon ko Ulung ko fare Ragag nge L’agruwi Apostle nike weliy e falfalaen’ ni ra yib:

“Bochan fare murwel ko adag rok e Chitamangdad nu Tharmiy nfan ngak pfak, nge bochan e wo’en e bayul rok fare Tabayul rodad, Yesus Kristus, ma rayog ningad—fa thingarda—falflaen’ gad uroey u fayleng!” Demturug ko yiko’ nibe yib ngalan e yofas rodad u dakaen e biney e fayleng ny’or e mgawon riy, nrayog ningad gayed e falflaen’ nge gapas nbochane athapeg nibay rodad ngak Kristus nge tin nigadbe nangfan ko fare murwel nfan e falflaen’.”

Gube pii’ e magar, nge mich nifan, fare gospel ku Yesus Kristus nike sulweg, ni tay e bu’un e wo’en nib ga’ ko falfalaen’. Gube pinning med ni ngam thapeged e wa’amngin rok’ fare gospel nge thameyed e falfalaen’ napan ni ba ranoed ulan e milekag rorad nga yafos ni manimus.

© 2025 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Monthly Liahona Message, July 2025. Yapese. 19601 905