Tom Qab lub Neej No

Sab ntsuj plig yog yam ntawm sab cev nqaij, tiam sis “tej yam ntawm sab ntsuj plig mos tshaj thiab dawb huv tshaj” (Lus Qhuab Qhia thiab Kev Khi Lus 131:7). Lub cev ntsuj plig zoo ib yam li lub cev nqaij daim tawv uas loj hlob tas.

Nyob ntawm no, nyob ib puag ncig peb.

Nrog rau lwm yam, cov ntsuj plig uas tau txais txoj moo zoo pab qhia txoj moo zoo rau cov ntsuj plig uas tsis tau txais yuav txoj moo zoo. Cov ntsuj plig ntawd xaiv tau los txais los sis xyeej.

Tej cev uas sawv rov los tsis txawj tuag, muaj cev nqaij daim tawv thiab pob txha, thiab zoo tag nrho. Tej cev no muaj yeeb koob thiab zoo nkauj kawg. “Tsis muaj ib yam dab tsi uas zoo nkauj dua thaum yus ntsia ib tug txiv neej los sis poj niam uas tau sawv rov los.”

Cov uas nyob hauv theem siab tshaj plaws ntawm lub nceeg vaj xilethi-aus los ua zoo li peb Leej Txiv Saum Ntuj Ceeb Tsheej thiab txais kev xyiv fab puv npo. Lawv txais txhua yam uas Leej Txiv muaj. Lawv koom tes pab ua Nws txoj hauj lwm thiab Nws lub yeeb koob. Lawv tau ua kev sib khi ua txij nkawm mus tas ib txhis thiab tam sim no tau nrog tsev neeg uas nyob mus ib txhis, muaj tau cov me nyuam ntsuj plig lawv tus kheej.

Leej Txiv Saum Ntuj Ceeb Tsheej yeej ua ncaj thiab muaj siab hlub tshua. “Tus Tswv tau cog lus tseg hais tias hauv lub neej uas nyob mus ib txhis nws cov tub thiab ntxhais uas ceev nws tej lus txib yuav tau txhua txoj koob hmoov, vim lawv tau ua raws li cov kev khi lus, thiab muaj lub siab xav ua qhov zoo.”

Tej zaum koj tau “yug los ntawm txoj kev khi lus” (uas txhais tias, yug tom qab koj niam thiab txiv tau sib khi hauv lub tuam tsev), los sis tej zaum koj tau sib khi rau koj niam thiab txiv hauv lub tuam tsev tom qab nkawd sib khi ua ke. Txawm li ntawd los, koj tseem yuav tau cov koob hmoov txawm koj niam thiab txiv xaiv sib nrauj thiab nkawd tau txiav nkawd txoj kev sib khi.

Koj niam thiab txiv txoj kev xaiv yuav tsis ua li cas rau koj cov koob hmoov. Qhov tseem ceeb yog koj ua ruaj nrees muaj siab ntseeg thiab nrhiav tej koob hmoov uas los ntawm lub tuam tsev rau koj tus kheej. Hais txog koj tsev neeg, koj yuav tsum “tso siab rau tus Tswv thiab nrhiav Nws txoj kev nplij siab,” paub hais tias “Leej Txiv Saum Ntuj Ceeb Tsheej uas yuav foom koob hmoov rau peb raws li peb tej kev xav tau xav yuav thiab tej kev xaiv cia peb txais tej koob hmoov ntawd.”

Peb tsis paub yuav ua li cas rau cov neeg uas tua lawv tus kheej, thiab peb txiav txim tsis tau rau lawv (ib yam li rau txhua leej txhua tus). “Txawm cov uas hlub, cov thawj coj thiab cov kws muaj txuj ci pab npaum li cas los, pab tsis tau tus uas tua lawv tus kheej. …

“Tsis yog rau ib tug tib neeg tua nws tus kheej. Tiam sis, tsuas yog Vajtswv xwb thiaj ua tau tus txiav txim los ntawm tus neeg txoj kev xav, kev ua, thiab kev las ris (saib 1 Xamuyees 16:7; Lus Qhuab Qhia thiab Kev Khi Lus 137:9). …

“Cov uas muaj ib tug uas lawv hlub tau tua lawv tus kheej yuav nrhiav tau kev cia siab thiab kev kho mob los ntawm Yexus Khetos thiab Nws txoj Kev Theej Txhoj.”