Nāhea vau e nehenehe ai e ’ite ē ’ua tātarahapa mau vau ’e ’ua fa’a’orehia tā’u hara ?

Coming Full Circle [Pū’oi i te tāpe’a], nā Jenedy Page

’Ua parau te Fatu : « Inaha, ’o ’oia ’o tei tātarahapa i tāna ra mau hara, ’ua fa’a’orehia ïa te reira, ’e e ’ore hoi au ’o te Fatu e ha’amanaʻo fa’ahou ā i te reira.

« Nā roto i teie nei mea e ’ite ai ’outou ē, ’ua tātarahapa ānei te ta’ata i tāna ra mau hara—inaha, e fā’i mai ’oia i te reira ’e e ha’apae ’ē roa atu ho’i i te reira » (Te Ha’api’ira’a Tumu ’e te mau Fafaura’a 58:42–43).

Nā roto i te tātarahapara’a mau, e nehenehe tātou e fa’ari’i i te fa’a’orera’a hara. « ’Ia fāri’i ana’e ’oe i te tāmāhanahanara’a a te Vārua, e ’ite ’oe ē, tē ’ohipa ra te mana tāra’ehara a te Fa’aora i roto i tō ’oe orara’a. » ’E mai te mea e he’e fa’ahou tātou, e nehenehe tātou e tātarahapa fa’ahou, e fa’a’orehia tā tātou hara ’e e tāmau noa i te tāmata.

Hau atu i te reira, ’ua ha’api’i Elder Dieter F. Uchtdorf nō te pupu nō te Tino ’Ahuru Ma Piti ’āpōsetolo : « E tāmata Sātane i te fa’ati’aturi ia tātou ē e’ita tā tātou mau hara e fa’a’orehia nō te mea ē e ha’amana’o noa tātou i te reira. E ta’ata ha’avare Sātane […] ’Aita te Atua i fafau mai ia tātou ē, e riro tātou i te ha’amana’o noa i tā tātou mau hara. Te ha’amana’ora’a e tauturu ïa te reira ia tātou ’ia ’ape i te rave-fa’ahou-ra’a i taua hape ra. ’Are’a rā, mai te mea e fa’aea parauti’a noa tātou ē e vai fa’aro’o noa, e nehenehe tō tātou ferurira’a nō tā tātou mau hara i te tāmarūhia. »