Ia mwomwen ahi kak ese me I koluhla mehlel oh ale mahkepen dipei kan?

Pwuralahng Wiewia en Mahs, sang Jenedy Page

Kauno masanih: “Mehmen me pahn koluhkihla dipehkan, e pahn pil ale mahkepe, oh Ngehi, Kauno, sohte pahn tamataman.

“Ih met me kitail pahn esehki me aramaso koluhkihla dipeh kan—kilang, e pahn wehkada oh sohla wia” (Doctrine and Covenants 58:42–43).

Sang ni koluhla mehlel, kitail kak ale mahkepen dipatail kan. “Ansou me ke pepehm sang Ngehno, ke kak ese me manaman en Tohm en Sounkomouro wie doadoahkehr nan ahmw mour.” Oh ansou me kitail kin pwupwidi, kitail kak pwurehng koluhla, ale mahkepen dipatail, oh pwurehng nananti.

Me patehng met, Elder Dieter F. Uchtdorf en Pwihn en Wahnparon Ehkriemeno padahngki: “Sehdan kak song kitail en kamehlele me dipatail kan sohte kak mahkala pwehki kitail kak tamataman te. Sehdan ngehn likamw men. … Koht sohte inoukihda me kitail me kitail sohte pahn tamataman dipatail lan. Tamataman dipataial kan pahn seweseikitail sohte pwurehng wiahda soangen dihpohte. Ahpw ma kitail pahn mihmihte nan atail mehlel oh pwoson, tamataman dipatail kan pahn wie tikitikla.”