ຂ່າວສານປະຈໍາເດືອນ For the Strength of Youth, ເດືອນມິຖຸນາ 2025

ເຮົາຈະຮູ້ໄດ້ແນວໃດວ່າເຮົາໄດ້ກັບໃຈ ແລະ ໄດ້ຮັບການໃຫ້ອະໄພແລ້ວແທ້ໆ?

ພຣະຜູ້ເປັນເຈົ້າໄດ້ກ່າວວ່າ: “ຈົ່ງເບິ່ງ, ຄົນໃດທີ່ກັບໃຈຈາກບາບຂອງເຂົາ, ຄົນໆນັ້ນໄດ້ຮັບການໃຫ້ອະໄພ, ແລະ ເຮົາ, ພຣະຜູ້ເປັນເຈົ້າ, ບໍ່ຈື່ຈຳມັນອີກເລີຍ.

“ໂດຍສິ່ງນີ້ເຈົ້າຈະຮູ້ວ່າ ຄົນໆນັ້ນໄດ້ກັບໃຈຈາກບາບຂອງເຂົາຫລືບໍ່—ຈົ່ງເບິ່ງ, ເຂົາຈະສາລະພາບ ແລະ ປະຖິ້ມມັນ” (ຄຳສອນ ແລະ ພັນທະສັນຍາ 58:42–43).

ຜ່ານທາງການກັບໃຈທີ່ຈິງໃຈ, ເຮົາສາມາດໄດ້ຮັບການໃຫ້ອະໄພ. “ເມື່ອທ່ານຮູ້ສຶກເຖິງການປອບໂຍນຈາກພຣະວິນຍານ, ທ່ານສາມາດຮູ້ວ່າ ອຳນາດການຊົດໃຊ້ຂອງພຣະຜູ້ຊ່ວຍໃຫ້ລອດກຳລັງເຮັດວຽກໃນຊີວິດຂອງທ່ານ.” ແລະ ຖ້າຫາກເຮົາຜິດພາດອີກຄັ້ງ, ເຮົາກໍສາມາດກັບໃຈ, ຮັບການໃຫ້ອະໄພ, ແລະ ພະຍາຍາມຕໍ່ໄປໄດ້.

ນອກຈາກນີ້, ແອວເດີ ດີເດີ ແອັຟ ອຸກດອບ ແຫ່ງກຸ່ມອັກຄະສາວົກສິບສອງໄດ້ສິດສອນວ່າ: “ຊາຕານຈະພະຍາຍາມເຮັດໃຫ້ເຮົາເຊື່ອວ່າ ບາບຂອງເຮົາບໍ່ໄດ້ຮັບການໃຫ້ອະໄພ ເພາະ ເຮົາ ສາມາດຈື່ຈຳມັນໄດ້. ຊານຕານຂີ້ຕົວະ. … ພຣະເຈົ້າບໍ່ໄດ້ສັນຍາວ່າ ເຮົາ ຈະບໍ່ຈື່ຈຳບາບຂອງເຮົາ. ການຈື່ຈຳຈະຊ່ວຍເຮົາໃຫ້ຫລີກລ້ຽງຈາກການເຮັດຜິດພາດແບບດຽວກັນອີກ. ແຕ່ຖ້າເຮົາຍຶດໝັ້ນຢູ່ກັບຄວາມຈິງໃຈ ແລະ ຊື່ສັດ, ຄວາມຊົງຈຳກ່ຽວກັບບາບຂອງເຮົາຈະອ່ອນລົງ ເມື່ອເວລາຜ່ານໄປ.”

© 2025 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, June 2025. Laotian. 19629 331