Kuv yuav ua li cas kom paub tias kuv tau hloov siab lees txim tiag tiag thiab tau txais kev zam txim?

Kev Rov Qab Los rau Qhov Pib, los ntawm Jenedy Page

Tus Tswv tau hais tias: “Tus uas tau hloov siab lees txim rau nws tej kev txhaum, ces twb zam txim rau tus ntawd, thiab kuv, tus uas yog tus Tswv, tsis nco qab txog tej ntawd ntxiv.

“Zoo li no nej thiaj yuav paub yog tias ib tug neeg tau hloov siab lees txim rau nws tej kev txhaum—saib seb, nws yuav lees txhaum thiab tso tej kev txhaum ntawd tseg” (Lus Qhuab Qhia thiab Kev Khi Lus 58:42–43).

Los ntawm kev hloov siab lees txim, peb txais tau kev zam txim. “Thaum koj hnov tus Ntsuj Plig nplij koj lub siab, koj yuav paub tias lub hwj chim ntawm Yexus Khetos txoj kev theej txhoj ua hauj lwm hauv koj lub neej.” Thiab yog tias peb rov qab ua txhaum, peb yuav hloov siab lees txim tau, thiab siv zog ua zoo ntxiv.

Tsis tas li ntawd xwb, Txwj Laug Dieter F. Uchtdorf ntawm Pawg Kaum Ob tug Thwj Tim tau qhia tias: “Dab Ntxwg Nyoog yuav ua kom peb xav tias Vajtswv yuav tsis zam txim rau peb tej kev txhaum vim tias peb tseem nco qab txog tej ntawd. Dab Ntxwg Nyoog txawj dag. … Vajtswv tsis tau cog lus tias peb yuav tsis nco qab peb tej kev txhaum. Qhov uas peb nco qab yuav pab peb tsis txhob ua yuam kev li ntawd ntxiv. Tiam sis yog peb coj raws nraim li peb cog lus thiab muaj kev ntseeg, peb txoj kev nco qab txog peb tej kev txhaum yuav ploj zuj zus mus.”