N na kanga n ataia bwa I a tia n raira nanou ni koaua ao e kabwaraaki au bure?

E a Bwanin te Mronron,, iroun Jenedy Paige

E a tia n taku te Uea bwa: “Ane e tia n raira nanora man ana bure, ao e na bon kabwaraaki ana bure, ao Ngai, te Uea, N aki manga uring ana bure.

“Ao n te aro aei kam na ataa te aomata ae rairananona man ana bure—nooria, e na bon kaotii ana bure ao ni kiitan” (Reirei ao Berita aika Tabu 58:43).

Rinanon te rairannano ni koaua, ti kona n karekea kabwaraan ara bure. “Ngkana ko namakina te kabebeteaki mairoun te Tamnei, ko kona n ataia bwa mwaakan ana mwakuri ni kamaiu te Tia Kamaiu e bon mwakuri inanon maium.” Ngkana ti a manga tibanako naba, ti kona n manga raira nanora riki, karekea kabwaraan ara bure, ao ni kekeiaki.

N raonaki ma anne, e a tia Unimwaane Dieter F. Uchtdorf man te Kooram n Abotoro ake Tengaun ma Uoman n reirei bwa: “Tatan e na kataia n tuangiira bwa ara bure aki kabwaraaki bukina bwa ti uringii. Tatan bon te tia kewe. … Te Atua e aki berita bwa ti na mwaninga ara bure. Uringaia a na kona n buokiira n aki manga karaoi buure aikane kaua. Ma ngkana ti teimatoa n kokoaua man kakaonimaki, uringan ara bure aikana ana memere inanon taina.”