?Olsem wanem nao bae mi save long miwan se mi sakem sin fulwan mo kasem fogivnes?

Kam Fulwan long Sekol, i kam long Jenedy Page

Lod i bin talem se: “Hem we i sakem ol sin blong hem, bae Lod i fogivim hem mo bae i nomo tingbaot ol sin ia bakegen.

“Tru long wei ia bae yumi save sapos wan i sakem ol sin blong hem—bae, hem i konfesem olgeta mo i livim olgeta fogud” (luk long (Doktrin mo Ol Kavenan 58:42–43).

Tru long prea mo hat we i wantem sakem sin, yumi save kasem fogivnes long sin. “Taem yu filim kamfot we i kam long tabu spirit, yu save se paoa blong atonmen blong Sevya i stap wok long laef blong yu.” Mo sapos yumi mekem mistek ia bakegen, yumi save sakem sin bakegen, bae Hem i fogivim yumi, mo gohed blong traem bes blong yu.

Blong ademap, Elda Dieter F. Uchtdorf blong Kworom blong Olgeta Twelef Aposol i bin tijim: “Setan bae i traem blong mekem yumi bilivim se oli no fogivim ol sin blong yumi from se yumi save stap tingbaot olgeta. Setan i wan man blong giaman. … God i no givim promes ia se bae yumi no stap tingbaot ol sin blong yumi. Blong stap tingbaot bae i helpem yumi blong nomo mekem semmak mistek bakegen. Be sapos yumi stap tru mo fetful, memori blong ol sin blong yumi bae i kam sofsof folem taem we i stap kam.”