Ngesou el ngara Jesus Kristo: Ngera uchul e Mekerang

Sera loutekangel el kudmeklii a tngkaireng er Ngii, e a Osobel a riruul a kldei meklou a belkul tekoi.

1. Ngii a mlo mesisiich er a kodall, me luchul e kid bo debekiis er a kodall.

2. Ng millenget el kirel a rokui el klengit, luchul e bol sebeched louchel a rengud, e demukeroul, e deluut el mo remei er a Dios. Tia dirrek el ngosukid lousubes er a rebebil a rebet er a klengit, le Kristo dirrek el chilol a kngterir.

3. Ngii a siliseb er a rokui el ringel, ongarm, ongetikaik, secher, me a chelitechut (mesa Alma 7:11–13 ). Ng belkul a kmo Ngii a ungil medengei el kmo ng mekera lolngeseu e lomekungil er kau e lesisichau lotekangel a ongarm e molasm el mo ungil.

Ka mnguu a ngii di el mondai, e momekuak er a nger ngii el mo er a tara ikaikid el kldei el klemerang.

Chelebuul? A Jesus Kristo el mlo chuarm a rokui el tekoi a uchul, eng kmal ungil medengei. Ngii adiak el blechoel choroid olibesongel er medad, eng di Ngii a sebechel smisicheterir a rechad lotekangel a ringel (mesa Mosiah 24:15 ).

Telitur? A Kristo el mlo mesisiich er a klengit a uchul, e a telitur kid a diak di lolemolem. A ouchelreng a uldimukl er ngii sel dolasm el merael mo ungil el mo er sel klechad el Ngii a medengelii el kired.

Secher? Ngii el mlo mesisiich er a kodall, a uchul e kede mo mekiis er a koddall loba cherrungel bedenged el diak a secher me a ringel er ngii. A Kristo dirrek el “[ngilai] a … secher” ( Alma 7:11 ), el rirelii meng chimol chad el meskid ongelaod me a ngesou.

Me a dodengei a uchul ea Osobel a nger (leng klengar Ngii me a ikel Ngii a mla remuul el kired), eng di ng kired el mo medengei el kmo ng mekera dengai a ngesou me a klisiich er Ngii. A ikakid a bebil er a teletael:

Nglunguuch. Sel doluluuch el ngara ngklel a Jesus Kristo, e a rediak el cherrungel chad el uai kid a sebechir el mengedecheduch er a cherrungel Dios. Ng sebeched el meluluuch el kirel a klisiich er a chelsel a ngii di el teletael, e a Dios a mo onger— el diak el blechoel sel soad a lechub e sel dolsingch er ngii, eng di ng mo klengletengat el mei er kid. A ongtil Osobel a klemerang “Molengit, me bom ngai” ( Johanes 16:24 ; 3 Nephi 27:29 ; Doctrine and Covenants 4:7 ).

Sengk e ra Chedaol Reng. A Chedam er a Babeluades, Jesus Kristo, me a Chedaol Reng a di ta moktek er tir. Te dmak loureor! Bek el taem el molchesuar a ulekrael a lechub ongelaod er a Chedaol Reng, eng sebechem el mo medengei el kmo ng Kristo el dirrek lolngeseu er kau.

Oltirakl a Telbiil. A Elder Dale G. Renlund er a Chelechad er a Teruich me a teru el Apostol a ulisechakl kmo: “A tekoi el rolel a telbiil a melutk el kirel a telbiil el kid a mei er a Kristo e mo tang Lobengkel. Ngokiu tiaikid lulak el telbiil, eng sebeched el ngmai a klisiich er Ngii” ( Apr. 2023 general conference [Liahona, May 2023, 36]).

Krasia. Sel dultuil er a klaumera er kid er a Jesus Kristo e douchel a rengud, e kede ngmai a lmuut el bebil er a ngesou me a klisiich (lokedongall el krasia) el mo remuul a tekoi el ngii a diak el sebechel di kid e remuul (mesa Guide to the Scriptures, “ Grace ”). Tiaikid el klisiich, a lechub eng krasia, a mei er a kakerous el rolel: mei lokiu Chedaol Reng, sechelid, ngodech el chad, a lechub e kede omelchesiu er ngii. A mera er ngii, ngii di el ngera el ungil a ngara Kristo el mei (mesa Moroni 7:22 ). Sel obetik er a telkib el kllouelreng, telkib el dechelel a klisichem, telkib el blakereng loutekangel, bo modengei el kmo ng Kristo lolngeseu er kau.

A leuaisei e sel mluut lousbech a nger el kirel a ker a lechub a mondai, e momes el bedul a Kristo. Molbedebek er tiang le Ngii el mlo mesisiich er a klengit, me a rokui el ongarm er a klechad, le ng diak a ngera el diak el sebechel. Mosiik el kmo ng mekera e Ngii a mo omekngeltengat er kau, e seikid e ke mo metik er Ngii er a chelsel a klengar kau. Ngii a mui er a beltikelreng el kirem!