Jipan̄ jān Jisōs Kraist: Etke im Elmen

Ke E ekar niknik ilo pinmuur in karmejete eo An, Rilo̧mo̧o̧r ekar kōm̧m̧an jilu men ko raurōk:

1. E ekar anjo̧ jān mej, kōm̧m̧an bwe jen maron̄ jerkakpeje.

2. E ekar kōļļā wonen aolep jerawiwi ko, kōm̧m̧an bwe en pidodo n̄an kōj n̄an ukweļo̧k, eddōkļo̧k, im bar ro̧o̧l n̄an ippān Anij. Ebar āinwōt jipan̄ kōj jeorļo̧k bōd an ro jet, kōnke Kraist eaar bōk jerawiwi ko aer ioon E make.

3. E eaar en̄jake aolep metak ko, kaen̄taanan ko, kapo ko, nan̄inmej ko, im m̧ōjņo̧ ko (lale Alma 7:11–13). Ej meļeļein bwe E ej lukkun jeļā wāween n̄an jipan̄ im kemour eok im maron̄ kōkajoor eok n̄an niknik ilo mālijon̄ ko im kajjion̄ erom juon eo em̧m̧anļo̧k.

Kālet jabdewōt apan̄, im kwomaron̄ kakkejel uwaak eo ļo̧k n̄an juon ak elōn̄ļo̧k iaan m̧ool ko jilu.

Jeram̧ōl? Kōnke Jisōs Kraist ekar en̄jake aolep men ko, E elukkuun jeļā ewi wāween. E ejjab aolep iien kōm̧akūļo̧k kapan̄pan̄ eo, ak E emaron̄ kōkajoor armej ro ineek eddo jab in (lale Mosiah 24:15).

Likjab? Kōnke Kraist eaar anjo̧ ioon jerawiwi, likjab ko ad rejjab aikuj in n̄an indeeo. Ukweļo̧k ej kitbuuj kōkm̧anm̧anļo̧k im eromļo̧k armej ej E ejeļā jemaron̄ erom.

Nan̄inmej? Kōnke E ekar anjo̧ ioon mej, jenaaj jerakpeje kōn ānbwin ko reweeppān rejjab maron̄ nan̄inmej im metak. Kraist eaar barāinwōt “[bōk] ioon … nan̄inmej ko” (Alma 7:11), ekōm̧m̧an An armej eo eweppān n̄an letok kainem̧m̧an im rie eo.

Ak mekarta n̄e jejeļā etke Rilo̧mo̧o̧r ej uwaak eo (kōnke kōn wōn E im ta eo E ekar kōm̧m̧ane n̄an kōj), jej aikuij in jeļā wōt elmen ad bōk jipan̄ im kōkajoorļo̧k eo jān E. Erkein rej jejjo wāween ko:

Jar. Kōn jar ilo etan Jisōs Kraist, armej ro rejjab weppān āinwōt kōj jemaron̄ kenono ippān juon Anij eweppen. Jemaron̄ jar n̄an kajoor eo jej aikuiji ilo jabdewōt jekjekin ko, im Anij enaaj uwaak—ejjab aolep ien ilo wāween eo jej kōņaan ak kōtmene, ak ilo juon wāween eo me enaaj kōjeraam̧m̧an kōj. Karuwainene eo an Rilo̧mo̧o̧r eo ej lukkun m̧ool: “Kajjitōk, im enaaj lewaj” (Jon 16:24; 3 Nipai 27:29; Katak im Bujen Ko 4:7).

Menin Letok eo an Jetōb Kwojarjar. Jemedwōj Ilan̄, Jisōs Kraist, im Jetōb Kwojarjar eo rej juon wōt ilo kōttōpar. Rej jerbal ippen doon! Jabdewōt iien kwoj en̄jake tōl im kainem̧m̧an jān Jetōb Kwojarjar eo, kwomaron̄ in meļeļe bwe Kraist ej bar jipan̄ eok.

Kōjparok Bujen ko. Elder Dale G. Renlund jān Doulul eo an Jon̄oulruo Rijilōk ro eaar katakin: “naan eo iaļan bujen ej iookļo̧k bujen ko rellōn̄ ijo im jej epaakeļo̧k Kraist im ekkeijeļo̧k Ippān. Kōn jemjerā in bujen in, jemaron̄ bōk kajoor eo An indeeo.” (Epr. 2023 kweilo̧k eo eļap [Liaona, Māe 2023, 36]).

Jouj. Ilo ad kōjerbal tōmak ilo Jisōs Kraist, jemaron̄ bōk eļapļo̧k jipan̄ im kajoor (eo bar ņa etan jouj) n̄an kōtoprak men ko im jejjab maron̄ kar make iaad (lale Unin Tōl eo n̄an Jeje ko Rekwōjarjar, “Jouj”). Kajoor in, ak jouj, emaron̄ itok ilo elōn̄ wāween ko: jān Jetōb Kwojarjar eo, juon eo jeram̧, juon ruwaimejet, juon en̄jake. N̄an kalikkare, jabdewōt men em̧m̧an ej itok jān Kraist (lale Moronai 7:22). N̄e kwonaaj kijenmej bar jidik, jidik bar kajoor, bar jidik kajoor n̄an niknik, kile bwe Kraist ej jipan̄ eok.

Kōn menin tok ālik kwoj aikuji juon uwaak n̄an juon kajjitōk ak jorrāān, reilo̧k n̄an Kraist. Kememej bwe kōnke kōn anjo̧ eo An ioon jerawiwi eo, mej, im aolep kapan̄pan̄ ko jet an mour in, ejjeļo̧k men epen. Kappukōt elmen An maron̄ kōjeraam̧m̧an eok, im kwonaaj loe An kareel ilo mour eo am̧. Ej iakwe eok eļap!