Jisas Kraes: Hop mo Promes blong Ista

God, Papa blong yumi long Heven We I No Save Finis; Jisas Kraes. Pikinini Boe blong Hem; mo Tabu Spirit oli kolosap long yumi. Laet, fasin blong kaen, mo lav blong pemaot man blong Olgeta i nogat en mo i blong oltaem, oli fasem tugeta long stamba tingting blong kriesen mo impoten step blong wei we oli bin krietem laef blong yumi (luk long Alma 30:44; Moses 6:62–63).

Long Kaonsel blong Heven bifo laef long wol ia “ol sta blong moning oli mas singsing tugeta, mo evri pikinini boe [mo gel] blong God bae oli singaot from oli glad” (Job 38:7). Yumi jusum joes. Naoia yumi wokbaot wetem fet. Tru long eksperiens blong yumiwan, yumi fanemaot naesfala, klin, glad mo stamba promes blong God, long medel blong laef ia we i fulap long tu tingting, harem nogud, mo ol jalenj.

Hem i no wan mas blong yumi stap yumiwan nomo long wan wol ia we i fulap long ol tu tingting. Yumi save toktok wetem heven, bildim fet mo stap pat long wan famli mo long wan haos mo komuniti blong ol sent, mo kam ol tru, fri, mo glad long yumiwan tru long fasin blong wantem mo glad blong obei long ol komanmen blong God. Atonmen—long-wan-man—mo tru long Jisas Kraes i givim olgeta kavenan ia.

Hop blong Laef blong Jisas Kraes mo Misin blong Hem

Evri dei, hop mo promes blong Ista wetem ol blesing mo tijing blong Jisas Kraes oli serem long stret taem blong ministri blong hem long wol ia. Oli bin odenem long laef bifo laef long wol ia, Jisas Kraes i bin olsem Stret Pikinini blong God (luk long Jekob 4:5; Alma 12:33–34; Moses 5:7, 9). Hem i groap moa long bodi blong hem mo long waes blong hem tu. Mo oltaem God i glad tumas long hem, mo ol man tu oli glad tumas long hem (luk long Luk 2:52). Hem i lukaotem blong mekem nomo tingting blong Papa blong Hem, Jisas Kraes i fogivim sin, hilim ol sik, mekem man i laef bakegen long ded, mo givim kamfot long olgeta we oli sik mo stap sori olgetawan.

Wantaem, afta long 40 dei blong lego kaekae, Hem i testifae, Hae God i jusumaot mi, mo paoa blong Spirit blong hem i kam fulap long mi blong mi talemaot gud nius long ol puaman.Hem i sanem mi blong mi talemaot long ol man we oli stap long kalabus se,‘Yufala i save go fri,’ mo blong mi talemaot long ol man we oli blaen se, ‘Ae blong yufala i save kam gud. ’Hem i sanem mi blong mi mekem ol man we oli stap harem nogud andanit long han blong narafala man, oli go fri” (Luk 4:18; luk tu long Aesea61:1).

Hemia, wanwan long yumi.

Long las sapa, Jisas Kraes i bin wasem leg blong ol disaepol blong Hem (luk long Jon 13:4–8). Long tugeta wol we i Olfala mo Niu “wota blong laef” mo “bred blong laef” Hemwan i pasem sakramen. Long tabu sakramen odinens, yumi singaot i go long Papa mo yumi mekem kavenan blong tekem long yumi nem blong Jisas Kraes, oltaem tingbaot Hem, mo kipim ol komanmen blong Hem, blong mekem se oltaem yumi save gat Spirit blong Hem i stap wetem yumi (luk long Luk 22:19–20; 3 Nifae 18:7, 10–11).

Long Garen blong Getsemane, Jisas i bin safa bigwan bitim we man i save safa blong pemaot mo aton from yumi. Blad i kamaot long evri smol hol blong skin blong Hem. Hem i safa long ol soa blong bodi blong evriwan, blong mekem se yumi no safa sapos yumi sakem sin (luk long Doktrin mo Ol Kavenan 18:11; 19:16).

Oli giaman mo jajem Hem rong, jikim mo wipim Jisas Kraes, mo putum rop we gat nil olsem hat blong king antap long hed blong Hem (luk long Matiu 27:26, 29; Mak 15:15, 17, 20, 31; Luk 22:63; Jon 19:1–2). “Oli stap wipim hem from ol fasin nogud ya blong yumi … Nao ol sobodi ya we hem i karem,i mekem yumi i gud bakegen” (Aesea 53:5). Oli “leftemap [Hem] antap long kros” blong pulum yumi i go long Hem (luk long 3 Nifae 27:14–15). Be yet, nomata hem i hang antap long kros, Jisas Kraes i fogiv (luk long Luk 23:34). Hem i askem Jon blong lukaot gud long mama blong Hem (luk long Jon 19:26–27). Hem i filim olsem se Hem i stap Hemwan (luk long Matiu 27:46; Mak 15:34). Blong skripja i kam blong hapen, Hem i talem se Hem i tosta (luk long Jon 19:28). Taem evri samting i finis, Hemwan nomo “i putum laef blong Hem long han blong God nao Hem i ded” (Luk 23:46; luk tu long Jon 10:17–18).

Jisas Kraes i save olsem wanem blong helpem ol sik, trabol, harem nogud, fasin blong stap yuwan, mo ol hadtaem blong yumi. (luk long Alma 7:12). Ol kaen hadtaem ia plante taem oli kam folem ol ansa blong ol joes blong ol narafala. Hem i save tu olsem wanem blong stap glad wetem yumi long ol gudtaem mo taem blong tangkyu, olsem wanem blong krae wetem yumi taem glad blong yumi i fulap. Wetem kaen fasin, Hem i singaotem yumi long nem blong Hem, wetem voes blong Hem, i go long yad blong Hem. Hem i singaot long evri man long evri ples. Hem i invaetem yumi blong luk mo andastanem laef long wol ia tru long wan lukluk we i no save finis. Taem yumi wokbaot long stret laef mo kipim ol kavenan blong yumi, Hem i promes se evri samting i save wok tugeta blong gud blong yumi (luk long Doktrin mo Ol Kavenan 90:24; Rom 8:28).

Long taem mo wei blong Hem, restoresen i kam—i no nomo long wei ia we ol samting i bin stap be tu long wei we oli save kam. I tru, Jisas Kraes i save mekem yumi go fri aot long slef mo sin, ded mo hel, mo i save helpem yumi blong mekem i kam tru ol tabu aedentiti blong yumi taem yumi kam moa bitim tingting we yumi stap tingting long hem, tru long fet mo fasin blong sakem sin.

Tru long Jisas Kraes, ded hem i no en. Long Ista mifala i talemaot:.

Tru long komanmen mo paoa we i kam long Papa blong Hem, Jisas i save putum daon laef blong Hem mo tekembak bakegen (luk long Jon 10:17). Taem bodi blong Hem i stap slip yet long gref, Jisas Kraes i stap givhan mo oganaesem long wol blong spirit, blong talemaot se “hem i bin pemaot olgeta blong kam fri long ol rop blong ded.” (Doktrin mo Ol Kavenan 138:16).

Long moning blong namba tri dei, Hem i girap aot long gref. Hem i bin toktok long Meri. Hem i kamkamaot long tu disaepol long rod blong Emeas, ol Aposol blong Hem mo ol narawan. (Luk long Matiu 28; Mak 16; Luk 24; Jon 20.)

Long testemoni we i ripripit o we i no stap long oda, Hem i invaetem ol disaepol blong Hem blong sakem ol net blong olgeta long narasaed sip; long taem ia, nomata se i fulap bakegen long fis, net i no bin brok (luk long Jon 21:6–11; Luk 5:3–7). Hem i fidim ol disaepol mo askem strong long Pita tri taem blong i fidim ol sipsip blong Hem (luk long Jon 21:12–17). Hem i gobak long heven, mo talemaot se ol disaepol blong Hem long taem ia mo yumi evriwan naoia i mas serem nius blong glori blong Ista mo gospel blong Hem wetem evri nesen, lanwis, mo pipol (luk long Matiu 28:19–20; Mak 16:15).

Jisas Kraes i Gudfala Man blong Lukaot long Sipsip blong yumi mo Pikinini blong God. Hem i givim Laef blong Hem from, mo i givim laef blong Hem blong, ol sipsip blong Hem. Long garen mo long kros, Hem i tekem ol soa blong bodi we i tumas mo i aton from yumi. Long taem ia mo taem we i no save finis, Hem i soem long yumi tru long eksampol olsem wanem “ded i openem rod i go long laef we i no save finis.”

Tru long paoa blong Atonmen mo laef bakegen long ded blong Kraes, bodi mo spirit blong yumi bae i joen bakegen long bodi blong yumi we bae i laef bakegen. Bae yumi kasem glori, kasem bak ol naesfala bodi blong yumi mo evri pat blong bodi. Iven ol hea blong hed blong yumi bae i no gat wan i lus. Bae yumi fri aot long ol sik blong naoia, sik blong skin, aksiden long saed blong bodi, mo gat klia tingting. Atonmen blong Kraes i save blesem yumi blong winim evri kaen seperesen long saed blong spirit mo ded. Long kondisen blong fasin blong sakem sin, bae yumi fri aot long sin mo harem nogud mo open long fulnes blong lav mo glad we i no save finis. Taem yumi tabu, klin, fri, yumi save gobak long ol rilesensip blong famli blong yumi we yumi laekem tumas i go long glori, selestial ples blong God Papa blong yumi mo Jisas Kraes.

Bae yumi luk olgeta we yumi lavem bakegen. Taem yumi joen tugeta bakegen wetem olgeta we yumi lavem, bae yumi luk wanwan long yumi wetem wan lukluk we i no save finis—wetem bigfala lav, andastaning, mo kaen fasin. Atonmen blong Jisas Kraes i save helpem yumi tingbaot wanem i impoten mo fogetem wanem we i no impoten. Blong luk Sevya blong yumi mo ol rilesensip wetem wan bigfala fet mo tangkyu i givim pis, tekemaot ol hevi samting, stretem ol hat, mo joen wetem ol famli bakegen long taem naoia mo taem we i no save finis.

Hop blong Gat Moa long Wanem We Yu Nidim mo Glad

Ista long Jisas Kraes i blong ol windo blong heven i open, frut blong rop blong grep i tekem fulap kaekae, mo ol graon oli kam rij. Ista long Jisas Kraes i blong kamfotem mo stap kea long ol wido mo ol pikinini we oli nogat papa mo mama mo olgeta we i nidim help, olgeta we oli fraet, oli no tritim gud olgeta, o oli no gat save blong oli protektem olgeta. Blong tingting long wanwan long olgeta, Jisas Kraes i invaetem yumi blong luk mo givhan wetem lav mo kaen fasin, olsem we Hem i bin mekem.

Long evri gudfala samting, Jisas Kraes i putumbak plante (luk long Jon 10:10; Alma 40:20–24). Hem i promes se “wol i gat fulap samting, mo i gat inaf i stap mo inaf blong serem” (Doktrin mo Ol Kavenan 104:17). Restoresen blong Hem blong evri samting we i gat gospel blong Hem we i fulwan, prishud atoriti mo paoa blong Hem, mo ol tabu odinens mo kavenan we i stap long Jos blong Hem, we oli singaotem long nem blong Hem, iven Jos Ia blong Jisas Kraes blong Lata-dei Sent.

Ista long Jisas Kraes i moa abaot ol tabu haos blong Lod blong kam moa kolosap long ol pikinini blong God long plante ples, blong givim i kam long hat blong yumi doktrin blong “Sevya long Hil Saeon” (luk long Obadaea 1:21). Lod i givim tabu, wei we i fri blong yumi folem long wol ia wanem we olgeta we yumi lavem oli ded i go oli nidim mo wantem long laef we i no save finis be olgeta i no save kasem blong olgetawan.

Hemia i hop, promes, mo testemoni blong mi. Mi witnes long God Papa blong yumi; Sevya mo Ridima blong yumi, Jisas Kraes, mo Tabu Spirit. Long Ista mo evri dei, bae yumi faenem hop mo promes ia we i no save finis long tabu plan blong hapines blong God, wetem ol kavenan rod blong tabu jenis blong laef ia i go long nekis laef mo laef we i no save finis. Evri dei bae tru Atonmen blong Jisas Kraes i tekemaot ol hevi samting blong yumi, helpem yumi blong givim kamfot long olgeta we oli harem nogud blong olgeta, mo mekem sol blong yumi i fri blong kasem glad blong Hem we i fulwan.

Tru long hop mo promes blong Ista, Jisas Kraes i mekem wanem we hat blong yumi i nidim mo ansarem ol kwestin blong ol sol blong yumi.