Ennaan eo an N̄an Kōkajoorļo̧k Jodikdik ro Kajjojo Allōn̄, Pāpode 2025
Jipan̄ jān juon Kein Jipan̄ Em̧m̧an
Jekdo̧o̧n ta apan̄ ko kwoj jelm̧ai, Jisōs Kraist enaaj jipan̄ eok ilo am̧ oktakļo̧k n̄an E.
Jon̄ok Eo, jān Jeanette Bourup
Ilo bar juon iien ak jān bar juon jej aolep aikuji jidik jipan̄. Jet iien eļap jipan̄. M̧ool eo ej, mour ekkā an lukkuun in em̧m̧anļo̧k n̄e kwoj jab kajjieon̄ in makeļo̧k.
Jisōs Kraist ej kein jipan̄ eo em̧m̧an n̄an jipan̄, kōjatdikdik, im kajoor. E emaron̄ barāinwōt jipan̄ ukōt eok n̄an em̧m̧anļo̧k—bōlen em̧ool ilo wāween ko kwojjab maron̄ ļōmņaki.
Juon Oktak in Bōro
Kwonan̄in ke kar jar bwe Anij emaron̄ kōmeraik būruwōn rikōjdāt ro am̧? Eļan̄n̄e āindein, kwoj pād ilo juon kumi em̧m̧an (lale 3 Nipai 12:44; Moronai 7:48). Jekdo̧o̧n n̄e ejjeļo̧k am̧ rikōjdāt ilo wāween eo ilo Bok in Mormon (kwojeļā, rikōjdāt ro reobrak kōn kein tariņae ko im repojak in kakkure), bōlen kwar jar bwe Anij en kōmeraik būruōn juon eo me ekar jab kōm̧m̧an em̧m̧an n̄an kwe.
Bōtaab kwonan̄in ke kar ļōmņak in jar im kajjitōk ippān Anij n̄an kōmeraik ļo̧k būruwōm̧? Bōlen epen am̧ joļo̧k an ro jet bōd. Ak kwoj jab maron̄ dāpij am illu, jekdo̧o̧n n̄e kwojjab kōņaan. Ak kwoj kōņaan en̄jake eļapļo̧k jouj n̄an ro jeiūm̧ im jatūm̧ jekdo̧o̧ņ n̄e rej kakūtōtōik eok jet iien.
“[Jisōs Kraist] enaaj ukōt būruōm̧ im mour eo am̧. Jidik kōn jidik, kwonaaj eddōkļo̧k im erom̧ āinwōt E. Bujen ekkejel eo am̧ Ippān enaaj bōkwaj n̄an eok eļapļo̧k maron̄ in bōk kajoor eo An” (N̄an Kōkajoorļo̧k Jodikdik ro: Juon Unin Tōl n̄an Kōm̧m̧ani Kāālet ko [2022], 8, naan ko kar kobaiktok).
Ej ke juon kallim̧ur eļap? Jekdo̧o̧n ta eo kwoj apan̄ kaki, jekdo̧o̧n būruōm̧ make, Jisōs Kraist emaron̄ jipan̄. Elmen am̧ maron̄ oktakļo̧k n̄an E rainin?
© 2025 jān Intellectual Reserve, Inc. All righrs reserved. Buriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly For the Strength of Youth Message, February 2025. Marshallese. 19621 874