ຂ່າວສານປະຈຳເດືອນ For the Strength of Youth, ເດືອນກຸມພາ 2025
ການຊ່ວຍເຫລືອຈາກ ແຫລ່ງຊ່ວຍເຫລືອທີ່ສົມບູນແບບ
ບໍ່ວ່າເຈົ້າຈະປະເຊີນໜ້າກັບຄວາມຍາກລຳບາກໃດໆກໍຕາມ, ພຣະເຢຊູຄຣິດຈະຊ່ວຍເຈົ້າຂະນະທີ່ເຈົ້າຫັນມາຫາພຣະອົງ.
The Pattern [ແບບແຜນ], ໂດຍ ຈີເນັດ ບູຣັບ
ຈັກຄັ້ງໜຶ່ງທີ່ເຮົາທຸກຄົນກໍຕ້ອງການຄວາມຊ່ວຍເຫລືອເລັກໆນ້ອຍໆ. ບາງຄັ້ງກໍຕ້ອງການຄວາມຊ່ວຍເຫລືອ ຫລາຍ. ຄວາມຈິງກໍຄື, ຊີວິດມັກຈະດີຂຶ້ນຫລາຍກວ່າເກົ່າ ເມື່ອເຮົາພະຍາຍາມທີ່ຈະບໍ່ດຳເນີນຊີວິດຢ່າງໂດດດ່ຽວ.
ພຣະເຢຊູຄຣິດເປັນແຫລ່ງຊ່ວຍທີ່ສົມບູນແບບໃນການຊ່ວຍເຫລືອ, ໃຫ້ຄວາມຫວັງ, ແລະ ໃຫ້ກຳລັງໃຈ. ພຣະອົງສາມາດຊ່ວຍປ່ຽນແປງເຈົ້າໃຫ້ດີຂຶ້ນ—ແມ່ນແຕ່ວິທີທີ່ເຈົ້າຄິດວ່າບໍ່ສາມາດເປັນໄປໄດ້.
ການປ່ຽນແປງຈິດໃຈ
ເຈົ້າເຄີຍອະທິຖານຂໍໃຫ້ພຣະເຈົ້າເຮັດໃຫ້ໃຈຂອງສັດຕູເຈົ້າອ່ອນລົງຫລືບໍ່? ຖ້າເປັນແນວນັ້ນ, ເຈົ້າຢູ່ໃນກຸ່ມຄົນທີ່ດີ (ເບິ່ງ 3 ນີໄຟ 12:44; ໂມໂຣໄນ 7:48). ເຖິງແມ່ນວ່າເຈົ້າຈະບໍ່ມີສັດຕູຕາມຄວາມໝາຍໃນພຣະຄຳພີມໍມອນ (ທີ່ເຈົ້າຮູ້ຈັກ, ສັດຕູທີ່ຖືອາວຸດ ແລະ ກຽມພ້ອມທີ່ຈະໂຈມຕີ), ເຈົ້າອາດຈະໄດ້ອະທິຖານຂໍໃຫ້ພຣະເຈົ້າເຮັດໃຫ້ໃຈຂອງຜູ້ທີ່ປະຕິບັດບໍ່ດີກັບເຈົ້ານັ້ນອ່ອນລົງ.
ແຕ່ເຈົ້າເຄີຍຄິດທີ່ຈະອະທິຖານຂໍໃຫ້ພຣະເຈົ້າເຮັດໃຫ້ໃຈ ຂອງເຈົ້າ ອ່ອນລົງແດ່ບໍ? ບາງທີເຈົ້າອາດຈະກຳລັງມີບັນຫາໃນການໃຫ້ອະໄພແກ່ຄົນໃດຄົນໜຶ່ງ. ຫລື ເຈົ້າມັກຈະອາລົມເສຍ, ເຖິງແມ່ນວ່າເຈົ້າບໍ່ຢາກເປັນແບບນັ້ນກໍຕາມ. ຫລື ເຈົ້າຕ້ອງການມີຄວາມເມດຕາຕໍ່ອ້າຍເອື້ອຍນ້ອງຂອງເຈົ້າຫລາຍຂຶ້ນ ເຖິງແມ່ນວ່າບາງຄັ້ງພວກເຂົາອາດຈະເຮັດໃຫ້ເຈົ້າລຳຄານກໍຕາມ.
“[ພຣະເຢຊູຄຣິດ] ຈະ ປ່ຽນແປງຈິດໃຈຂອງເຈົ້າ ແລະ ຊີວິດຂອງເຈົ້າ. ທີລະເລັກທີລະນ້ອຍ, ເຈົ້າຈະເຕີບໃຫຍ່ ແລະ ກາຍເປັນເໝືອນດັ່ງພຣະອົງຫລາຍຂຶ້ນ. ການເຊື່ອມຕໍ່ພັນທະສັນຍາຂອງເຈົ້າກັບພຣະອົງຈະເຮັດໃຫ້ເຈົ້າເຂົ້າເຖິງພະລັງຂອງພຣະອົງໄດ້ຫລາຍຂຶ້ນ” (ສຳລັບຄວາມເຂັ້ມແຂງຂອງຊາວໜຸ່ມ: ຄູ່ມືສຳລັບການເລືອກ [2022], 8, ເນັ້ນຄຳເນີ້ງ).
ຊ່າງເປັນຄຳສັນຍາທີ່ປະເສີດແທ້ໆນໍ? ບໍ່ວ່າເຈົ້າກຳລັງດີ້ນລົນຢູ່ກັບສິ່ງໃດ, ແມ່ນແຕ່ກັບຈິດໃຈຂອງເຈົ້າເອງ, ພຣະເຢຊູຄຣິດສາມາດຊ່ວຍໄດ້. ເຈົ້າຈະສາມາດຫັນມາຫາພຣະອົງໄດ້ແນວໃດໃນວັນນີ້?
© 2025 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, February 2025. Laotian. 19621 331