Ɔfiɔŋ-ke-ɔfiɔŋ Etop emi Enɔde ke Nsɔŋɔnda eke Iwaad , Ɔyɔhɔ Ɔfiɔŋ Iba 2025
Uŋwam emi otode Mfɔn-mma Usuŋ
Ibeheke se eŋwan emi ekepdahade-ada ye afo, Jesus Christ eyeŋwam fi ke nte afo ɔwɔŋɔre etiene Enye.
Usuŋ Oro, otode Jeanette Bourup
Ke ini kiet mme efen nnyin kpukpru imiyom ekpri uŋwam. Ubak-ini imiyom akamba uŋwam. Akpanikɔ edi, ke uwem esiwak edinehede mfɔn kini afo mudomoke ndidu enye ikpɔŋ.
Jesus Christ edi mfɔn-mma usuŋ uŋwam, idorenyin ye ɔsɔŋɔ. Enye ekeme ŋko ediŋwam mkpuhɔ fi nnɔ sifɔn—ekeme edidi kpa ke mme usuŋ emi afo mukukereke ete eyedi ntre.
Edikpuhɔre Esit
Akananam afo ɔmɔbɔŋ akam ete yak Abasi anam mme esit eke mbon usua fo emem? Ediek anamde ntre, afo odu ke eti nsaŋa, (se 3 Nephi 12:44; Moroni 7:48). Kpa ke afo munyeneke mbon usua ke ukem ndaha eke Ŋwed Mormon oro (afo ɔmɔfiɔk, mbon usua ye ŋkpɔ-ekɔŋ ndien ebeŋede-idem ndiŋwana ekɔŋ), ekeme ndidi afo ama ɔbɔŋ-akam ete yak Abasi anam esit owo emi ɔkɔdiɔkde ido ye afo emem.
Edi nte afo emekere ndibɔŋ akam nyuŋ mbeŋe Abasi ete anam esit fo emem? Ekeme ndidi afo edi ɔkpɔsɔŋ ŋkpɔ ɔnɔ fi ke erifen-nnɔ owo. Mme ke afo emesisɔp ŋkpo iyatesit, kpa ke afo ukuyomke ndinam ntre. Mme ke afo oyom edinyene ediwak mfɔnido nnɔ nditɔ-eka fo kesiode ke mmɔ esinam siyatde fi ke ke ubak-ini.
“[Jesus Christ] eye kpuhɔ esit fo ye uwem fo. Suŋ-suŋ, afo eyekɔri onyuŋ akabare ɔfɔn etie nte Enye. Ebuana ediomi fo ye Enye eyeda akwa usuŋ edikikut odudu Esie ɔsɔk fi” (For the Strength of Youth: A Guide for Making Choices [2022], 8, emphasis added).
Nte oro idihe akamba eŋwɔŋɔ? Ibeheke afanikɔŋ ekededi emi afo enyenede, kpa eke esit fo, Jesus Christ ekeme ediŋwam. Didie ke afo ediwɔŋɔde etiene Enye mfin emi?
© 2025 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Enɔde ke Nsɔŋɔnda eke Iwaad, Ɔyɔhɔ Ɔfiɔŋ Iba 2025. Efik. 19621 553