Porous ren Ren Ewe Pochokunen Serafo Iteiten Maram, February 2025
Aninis seni eu Unusochun Popunap
Ese nifinifin met otures oua tori, Jises Kraist epwe anisi kemi fansoun meinisin nupwen oua kun ngeni I.
The Pattern, seni Jeanette Bourup
Non eu fansoun ika pwan eu kich meinisin a namot ngeni kich aninis. Fan ekkoch chommongun aninis. Ewe ennet pwe, napengeni manau a unusoch nupwen ouse sotuni ne fori ren ami anamon.
Jises Kraist I ewe Popunapen aninis, epinukunuk, me pochokun. I a pwan tongeni anisi ne siwiniochu kemi—menin non ekkoch napanap ouse ekieki pwe epwe tufich.
Ai Siwinin Netip
Oua fen iotek pwe Kot epwe epwetetei netipen ekkewe chon koum ngeni kemi? Ika pwe, iwe oua fen fiti chommong (nengeni 3 Nifai 12:44; Moronai 7:48). Ika mwo ese wor chon koum ngeni kemi usun non ewe Puken Mormon (ami mi sinei, chon koum fiti nour pisekin fiu me mwonneta ne efeiengaw), meni oua fen iotek pwe Kot epwe epwetetei netipen emon ese kirekiroch ngeni kemi.
Nge ami mi ekieki ne iotek me tingorei Kot epwe epwetetei ami netip? Menin a weires ami oupwe omusano emon. Ika oua chok sosong, inamo ika ouse mochen oupwe song. Ika oua mochen oupwe mefi kirekiroch ngeni pwimi me fefinemi/mwongeemi inamo ika ra amengawa kemi fan ekkoch.
“[Jises Kraist] epwe siwini netipemi me manauemi. Ekis me ekis, oupwe marita me winiti usun chok I. Ami pwonen fofo fengen ngeni I epwe wato ngeni kemi watten tufich ngeni An manaman” (Ren ewe Pochokunen Sarafo: Ew Emwen ren Pekin Finata [2022], 8, auchean mi kapacheta).
Esap ew pwon mi och? Ese nifinifin met oua otures ren, pwan mwo netipemi, Jises Kraist a tongeni anisi. Ifa usun oua tongeni kun ngeni I ikenai?
© 2025 by Intellectual Reserve, Inc. Meinisin pung mi kawor. A för non USA. Kapungunon non fosun Merika: 6/19. Kapungunon chiakun: 6/19. Chiakun Porous ren ewe Pochokunen Sarafo Iteiten Maram, February 2024. Chuukese. 19621 901