Ungil Chais er a Beltikelreng me a Deureng

Metekekla beches el sils el mora telungalek er a rechad er a chelsel a oreomel, el Dios el Chedam me a Ngelekel, Jesus Kristo, a mlo duum e mengedecheduch er a Joseph Smith el nger el mora nglunguchel a ngeasek el Joseph el kirel a kmo ngera el ikelesia a kirel mo teloi er ngii (mesa Joseph Smith—History 1:14–20). A Jesus Kristo a dilu er a Joseph meng diak bol teloi er a ngii di el ikelesia. Ng mle yaksok el kmo a mui el ebangkelio er Ngii a mo mocholt el mora Joseph er a ngar medad.

A denguu er a rebetok, ea Joseph a uai a lak el kirel el mokedong el mora ua tial klou a ultutelel ureor, ng mle merang a tekingir. Ngii a dimlak a skulel e diak a belkul buik el kiliei er a kekerel sers er a diak desa el kekerel beluu. El kmal diua rebebil el millekoi el kirel Osobel er sel Sils er Ngii, “Ng sebechel ngarngii a ungil me tuobed er a Nazareth?” (Johanes 1:46), betok a ulemdasu el uase ngera ungil sebechel meskid ngkal diak a lemeduch er ngii el 14 a rekil el ngara Palmyra, New York. Eng di ngulekiu a Joseph—el diak domdasu el kmo ngsebechel—a Chedam er a Babeluades me a Rubak el Jesus Kristo a ngilai el mei a meral ongasireng. Tiang a kirel meskid a urunguled el kmo ngoeak a kekerei e hutsui el teletael, e kid a dirrek el sebeched lotobed a ngarkid loeak a ungil rolel mora urerel a Rubak.

Sera bol temel, ea Rubak a mlokedongii a Joseph e milngedecheduch er ngii el mlara babeluades, e milsang a llechul (mesaDoctrine and Covenants 1:17). A Joseph a ngilai a mekreos el ocholt me a meklou a ultutelel suobel el ngii a melskid a ungil klemedengei er a ungil uldesuel a Chedam er a Babeluades me a olsobel el beltikelreng er a Jesus Kristo me a klisichel a uldersel er a tngakireng er Ngii. Mechas a rengud, le aikal ungil chais a mlei er sel taem el klou a mla mechedechuul er a rolel a olidiull, olekeiungel, me a lmuut el bebil er a teletael el ngii a rulii meng sebechel a llemesel a Dios el omerk e omekellomes el mo omekngeltengat er a betok me a lmuut el betok el rengelekel.

Anghel Moroni el Omsang a Hong a Joseph Smith, mlara C. C. A. Christensen

Mesisiich el Sioning er a Beltkil a Rengul a Dios

A dmiel a anghel Moroni el mora Joseph Smith a mle klou a ultutelel el kirel Oluut e mesisiich el olechotel a beltkil a rengul a Dios. Moroni a uluchais er a Joseph er a rekord, el llechukl el ngara kolt el sintsyu, el delakl er a kmeed el basio (mesa Joseph Smith—History 1:33–34). Meng uaisei, ea Joseph a mo nguu a ngarbab el klisiich (Doctrine and Covenants 20:8) el mo oleiuiid er tial rekord el ngii a chelechang a Babier er a Mormon, el ngii a kldemel a Bibilia el tara sioning er a Jesus Kristo.

Tial rokir el Babier er a Mormon, e kede menguiu el kirel a rechad el tir, a betok er a dart el rak ruchei er a Kristo, a mle medengei e ulemlaoch er a Mei er Ngii e ulureng el kirel. Aki dirrek el miltik er a meringel chad el dilubech er sera lebekiis er a kodall a Osobel el bol dum e lolisechakl er a rechad er a Nephi, seikid e Ngii ullengit er a rokui me bo er Ngii el rrutech a ultil a deel er a Chimal me a Ochil (mesa 3 Nephi 11:14–15). Ng ulumekungil er a resmecher, rsechudel, meuikou—“rokui el tir a telemall er a ngii di el bedengel a secher”—e okor e ulmekngeltengat er a rengalek e meluluuch el kirir (mesa 3 Nephi 17:7–9, 21). Ke de suub a betok el kirel a beltkil a rengul me a klechubechub er a Osobel er tial chedaol el cheldecheduch.

A Babier er a Mormon a sioning el kmo a “Jesus a Kristo.” Sel menglou a rengud er a Babier er a Mormon a mekudem el omeklatk er kid el kmo a Demad el ngara Babeluades me a Osobeled a betik a rengrir er kid el ngaruchei er a ikel kid a sebeched el mdasou.

A Oluut a milemolem lobengkel a rebebil er a oderuchel er a babeluades el mlo duum er a Joseph Smith. “A mla mekiis er a kodall el Johanes el Techolb a ulutii a klisiich er a techolbechelid el mo modulb el kirel a ngbetel a klengit. A re tedei er tirkel mle kot el teruich me a terung el Apostol—el Petrus, Jakobus, me a Johanes—a ulutii a ngerachel er a re apostol me a kisel a klisichel a deruchellel a priesthood. A rebebil a mlei ruriul, el uldimukl er a Elijah, el mle olutii a klisiich el merenged a telungalek el dmak el mo cherechar el ngara diak a ulebengelel deleuill el mo el muut er a uriul er a kodall.”

Sera April 6, 1830, ea Jesus Kristo a mlo mengederoder lokiu a Prophet Joseph a teletelel a ikelesia loltirakl er a ikelesia el ngii a milkdebechii er a Beches el Renged (mesa Tebechelel a Klaumerang 1:6), uldak lobengkel “el loleketek er ngii a re apostol, profet, el Jesus Kristo mesisiich el bedul.” (Efesus 2:20). A Ikelesia er a Jesus Kristo er a Uriul-klebesei el Santo a rulii me a klengeltengat er a mla moluut el klisichel a priesthood a ngarngii el mora rokui el ngelekel a Dios el tir a kudmekleterir el mo melai er ngii.

A President Russell M. Nelson a mla olisechakl, ng sebeched el metik er a deureng er a ouchel reng er a bek el sils sel dobult el mora Chedam er a Babeluades me a Osobel. Mor tirkel tir a mekngit a rengrir leng diak el ngara telkael malechub el uldimukl: tir rokui a loleker er tir el mei er a Kristo me a Ikelesia er Ngii. A Ikelesia a diak el blirir a re cherrungel ng bai ospitar el blirir a rsmecher. Elder Dieter F. Uchtdorf er a Chelechad er a re Teruich me a Terung el Apostol a omeklatk er kid el kmo “kid a mei er a ikelesia el diak domart a meringel er kid ke de bai mei el mo omekungil.”

Ngara ikelesia e kede metik a deureng er a techall el mo chemau a rebebil, mesiou loba beltikelreng, e ouchais a bla de ngarngii lomeruul lobengkel a omingodel el klungiaol el ngara Kristo. Kid a sebeched el mo “ulecherangel luldak er a ikelesia er a Kristo” me “lak lobes er tir e lolisiich er tir er a ungil tekingel a Dios” (Moroni 6:4). Ng meral klebokel klengeltengat!

A Prophet Joseph Smith a mle tal lolekoi, “Chelechang, e ngera kede mla remenges er a chelsel tial ebangkelio el kid a mla nguu? Ng ngerel a deureng! Ngor er a chubechub el mlara babeluades; me a ngerel a klemerang el tuobed er a beluulechad; ungil klumech el mora re mla mad; ungil klumech el mora re dingar me a re mla mad; ungil chais er a klou el deureng (mesaDoctrine and Covenants 128:19).

A ikal ungil chais a mla mei eleng Chedam er a Babeluades me a betik ra rengul el Ngelekel, Jesus Kristo, a betik a rengrir er kid e sorir—tia ngarbab ra rokui—el mo outkeu er kid el lmuut el mo er Tir, me bol sebeched el mo cherechar el kiei el di uai Tir. A Oluut a olecholt el kmo Tir a mla remuul a rokui el usbechall me bol sebechel tial klebokel el techall el mei er kid el rokui. Ngar tial mo cherechar el omeroled, e kid a mo soiseb er a ringel me a chetituokel, endi “[kid] a, ngar me [kid] bol sebeched el nguu a deureng” (2 Nephi 2:25) er tiang me a merael mei el klengar. A Prophet Joseph Smith a mle ungil medengelii tiang er a rebetok el chad.

A Joseph a mlo chemau a betok el ultok me a odechelakl, endi ngii a di mle oba a ungil blekeradel er a bek el sils (Joseph Smith—History 1:28). Ngii a di mle ngara deureng, mesisiich, e meduch a rengul, meng kildmokl a meang el urreor el mlodars el morngii. Ak chemat er tirkel uchelir a re Santo el mle oumerang, ulngeseu, e ultirakl er a Prophet Joseph Smith e chiloit a klengar er tir el kirel okedecherul a Ikelesia. Kid a belsir er a klou el omereng el saul me a omengull.

Tia mle chetituokel er sera uchelel a Ikelesia, e sebechel mo uaisei er chelechang. Eng di a Oluut a di melemolem. Lobengkel a Jesus Kristo el btelul tial Ikelesia, a re ngar el profet a melemolem el omekrael er kid. A blil a Rubak a mo melemolem el lomekedechor, me a klengeltengat er a diak a ulebengelel el telbiil lobengkel a Dios bol sebechel lomak er kid el mo er Ngii e mora rebetik er a rengud er a bita ma bitang el beluu (mesa Matues 16:19). A beltkil a rengul a Dios me a Jesus Kristo a mo modars el mora rokir el beluulechad sel doltirakl er a oderchelel a Osobel el mo omekang a sib er Ngii e omerk er a ebangkelio er Ngii. Kid a mo sioning a klemerang er a Oluut el merael mo ruchei er a teletael me a basio el ngii a mle meringel lesang er sera le temel a Joseph.

Ng sebechel el metik a klisiich me a klou el deureng—el diua Prophet Joseph—sel de nguu e de kiei loltirakl a ikal mekreos el klemerang. Sel okedong el mlara Joseph Smith el mora re Santo er sera le temel a melemolem el mei er kid er chelechang: A Prophet Joseph Smith a melekoi er kid el melemolem er tial klou a ultutelel tekoi. Morael bedul uchei e lak moubeteteluut. Bo mesisiich, … e molemolem, melemolem el mo kats! Becherei a rengum me loutkeu, me bol meral lungil a rengum (mesaDoctrine and Covenants 128:22).

Mei me tial ungil chais er a beltik el reng me a deureng el tial Oluut a meskid bo lomekrael er a klengar er kid—chelechang el di blechoel.