Momes el Bedul a Kristo

A teruich me a euid a rekil el Kailey a mla er a cheerleading tim e mle accident el miltemall a noh er a bdelul. A ukeruul er ngii a chilridii er a mora skuul, meng ulemuchel el cheloit e di ngii el tang. Ng mla er a ringel a uldesuel e dimlak lodengei el kmo ngomes el morker el kirel a ngesou. A sechelil a millekoi er ngii me bo lorrenges er a re misionari. Te ulsisechakl er ngii el kirel a Tngakireng er a Jesus Kristo. A omesubel er a Kristo a milsa a urungulel, e ulemelchesiu el Ngii el Dios a uleldars el mo er ngii.

A Kailey a dilu er a delal, “Ng dirkak a ta me kumelchesiu el Dios a betik a rengul er ngak. Eng di ak medenge er chelecha el kmo Ngii a betik a rengul er ngak.”

A dedal, er a Michelle, a mlo telkib el mechas a rengul. Ngii me a bechil, er a Brock, a chilitii a Ikelesia er a Jesus Kristo er a Uriul-klebesei el Santo sera leuid a rekil a Kailey el mle kakerous el ker a uchul, me a rraur el reng, me a sebekereng. Te ulumdasu el kmo a ngelekir a mo ungil a rengul a lak el ngara betok el miting me a otireklel a llach. Dimlak a ta me lodesuii el kmo a blel ngiltii a bai mo oridii a Kailey er a kmeed el deleuill lobengkel a Dios. Me tia er a Michelle me a Brock lomes er a Kailey el mengodech, e te mocha mtebengar el kmo ng meral meketeketa el diak lolchesuterir el kmeed er a Dios, e mle sorir el lemuut el mo melchesiu er ngii.

Te mlo mesa bishop, e di mle mereched tial telungalek, el uldimukl er a ochedal a Kailey el Baeden, e liluut el mora Ikelesia. Omelechesiu el kmeed er a Dios e lmuut el mo omak el mo er Ngii—tokuni a okiu a nglunguuch—a ulutii a klaumera er tir. A olutir el mora ikelesia a dimlak el semechokl a rokui el kerrir malechub a blel simbai, eng di te mlo medengei el kmo sel lobang a mesisiich el uak lobengkel a Dios a lmuut el klou a belkul er a diak loumerang.

Aika el rokui a ulemuchel lokiu a sechelei —el ngeasek el uai kau—el ulengit er a Kailey el momes el bedul a Kristo. Me ng rirelii!

A Jesus Kristo a mla melekoi el kmo: Bo momes el bedul ngak lokiu a bek el uldesuiu; e lak mou mededenger, e lako medakt (mesaDoctrine and Covenants 6:36 Tiaikid a llomes el mengai er sel Kerbai er a re Ngeasek er a 2025. Msall e ki mouchais el kmo ke mekera omolilt el mo oumerang el kuk ngarbab er a oumededenger me a klaumerang el kuk ngarbab er a dakt sel momes el mora Kristo.

Tamara W. Runia

Sel kngara ringel, eng blechoel ngosukak sel kumes er a Jesus Kristo loldars a chimal el bedul ngak. Sel kumes el mo er Ngii, e ak dobedebek a tekoi er tial chelitakl, “I will Walk with Jesus [Ak merael lobengkel a Jesus]”: “He will never leave me, even when I fall [Ng diak el chitak, ngii mesel krebet].”

Emily Belle Freeman

Sel kunguiu er tia el bades, e ak lotkii a Petrus el ngara Daob er a Galilee. Sera lomes er a ses el eolt eng dilechelii a dektel me a oumededenger er ngii, e rirelii meng rusors el mora chelsel a ringel daob. Eng di a moktek er ngii er a Osobel e rirelii meng kudmeklii a tekoi el ngii a dirkak a tang mel mekedmokl: ng milrael er a bebul a daob! Ng ongasireng, e merang. Ngera sebechem el kudmokl sel momes el mo er Ngii?

Andrea Muñoz Spannaus

Sel kumuchel el mocha medakt, el diak el iior er a basio el kngarngii malechub a blekeradel, e ak blak a renguk lomdasu er a delongelek lobengkel a Chedam er a Babeluades me a Jesus Kristo. A kumelekl er ngii er a chelsel a bteluk el telkib el taem: NGAK A NGELEKEL A DIOS. Ak melemolem el meruul er tiang el di merekmo bo lungil a renguk. Tia blechoel el oureor!

Bradley R. Wilcox

Moker er kau el kmo ngtecha ngkel kot el omekerreu e betik a rengul er kau. Te rechad er a blim me a roungerachel er a Ikelesia? Te rechad el ngara social media el kau a locha kuk di tara lambang? Momes el mora Chedam er a Babeluades me a Kristo. Tir a meral omekerreu!

Steven J. Lund

Lak mobes a ikel muklatk er ngii sel molekoi er sel moktek er a Aaronic Priesthood Quorum me a Young Women: Kau a betik er a rengul a Dios el ngelekel sechal me a lechub a redil. Moumerang el kmo a Demad a ngarngii a uldesuel el kirem. Omes el mora Kristo a belkul omes el kmo a Tngakireng er Ngii a kmal moktek er seikid el uldasu.

Michael T. Nelson

Omengiuel a chedaol llechukl a omes el mora Kristo. A oumededenger me a dakt a di ngii el mo nguemed sel de muklatk er a ongasireng me a osisecheklel a Jesus. Ke de ngeltengat el sebeched el ngmai a Tekingel. Aikang a mora bek el tekoi me a teletael el de ngara chelsel er a klengar er kid.