Eti Mbuk eke Ima ye Idara

Obufa usen edisiere ɔnɔ ubonowo ke ikɔt eto, ebiet emi Abasi Ete ye Eyen Esie, Jesus Christ, ebiɔŋɔre enyuŋ etiŋde ikɔ enɔ Joseph Smith ndibɔrɔ akam eke ekpri Joseph kabaŋa ewe ufɔk Abasi emi enye okpodukde (se Joseph Smith—History 1:14–20). Jesus Christ ɔdɔhɔ Joseph ete okuduk ufɔk Abasi ndomokiet. Enye ediŋwɔŋɔ ke eyeyarare uyɔhɔ ikɔ-Abasi Esie enɔ Joseph ke ini-iso.

Eke ediwak owo, Joseph ikibietke owo emi ekpekotde enɔ oruk akpan utom oro, ndien mmɔ ema enen. Enye ikidiɔŋɔke ŋwed ndien edi anana-ufɔn ekpri eyeneren otode ekpri iŋwaŋ emi odude ke obio emi owo mifiɔkke. Ukem nte usuk owo eketiŋde ebaŋa Andinyaŋa ke eyo Esie ete, “Nte eti ŋkpɔ ekem edito ke Nazareth ŋwɔrɔ?” (John 1:6), ama akpa ediwak owo idem ewe eti ŋkpɔ ekeme ediwɔrɔ nto anana-ukpep owo isua Duopenaŋ ke Palmyra, New York ndi. Edi otode ke Joseph—ke mibietke nte enye ekemede ndibiet—Ete ke Enyɔŋ ye Ɔbɔŋ Jesus Christ eyeda utibede akpanikɔ esɔk ubonowo. Emi eyeda idorenyin ɔsɔk nnyin koro ke ekpri ye ndimem usuŋ nnyin, nnyin ŋko imikeme editip-nsin ke uotm Abasi ke nti usuŋ.

Ke ini akade-iso, Jehovah ama okot Joseph “ndien etiŋ ikɔ oto ke heaven, onyuŋ ɔnɔ enye ibet” (Doctrine and Covenants 1:17). Joseph ama ɔbɔ nsɔŋurua eriyarare ye akpan ukpepŋkpɔ emi adade obufa uŋwana esin ke nnyin ndifiɔk edima uduak eke Ete Heaven nnyin ye ye ima erifak eke Jesus Christ ye odudu eke uwa ufak Esie. Ke akpanikɔ, mme eti mbuk emiekedi ke edikem ini kini ŋwɔrɔ-nda utom eke ediwat ŋka-isaŋ, edineme-nneme, ye mme ndaha efen ediyakde uŋwana Abasi ediyama man ɔdiɔŋ ata ediwak nditɔ Esie.

Angel Moroni Ayakde mme Usan-Itiat ɔnɔ Joseph Smith, otode C. C. A. Christensen.

Ɔkpɔsɔŋ Ntiens kabaŋa Ima Abasi

Moroni edibiɔŋɔre nnɔ Joseph Smith ekedi akpan-ŋkpɔ ɔn Mfiak-men-ndi ye idiɔŋɔ odudu kabaŋa ima Abasi. Moroni etiŋ ɔnɔ Joseph abaŋa ŋwed kiet, emi ekewetde ke usan-itiat gold, emi ekebukde ke mkpere esie (se Joseph Smith—History 1:33–34). Ke akpatre, eyenɔ Joseph “odudu emi otode ke enyɔŋ” (Doctrine and Covenants 20:8) ndikabare ŋwed oro nsin ke idikabare idi Ŋwed Mormon, emi adade kiet ye Bible onyuŋ edi testament Jesus Christ efen.

Ke ofuri Ŋwed Mormon, nnyin ikoot ibaŋa mme owo emi, ke mme isua ikie emi ekebede, ema ediɔŋɔ enyuŋ ebak-etiŋ ebaŋa edidi Esie enyuŋ eyom edidi oro. Nnyin ŋko imikut asaŋa-asaŋa mbuk eke Andinyaŋa emi ekesetde ɔbiɔŋɔre ke idemesie ye utom Esie kotu mbon Nephite, kini emi Enye okotde kpukpru owo ete edi etiene Enye enyuŋ edituk nde ke ŋkaŋ Esie ye nde ŋkukim ke ubɔk ye ikpat Esie (se 3 Nephi 11:14–15) Enye ama ɔkɔk mbon udɔŋɔ, mbuŋɔ, ye nnan—“ kpukpru mmɔ emi ekebɔde ukut ke ndaha ekededi”— ndien ekem ɔdiɔŋ mkpri nditɔ onyuŋ ɔbɔŋ-akam ɔnɔ mmɔ (se 3 Nephi 17:7–9, 21). Nnyin imikpep awak kabaŋa ima ye esit-mbɔm eke Andinyaŋa otode ke nsasana mbuk emi.

Ŋwed Mormon edi ntiense ete ke “Jesus edi Christ.” Mme ɔsɔŋɔ emi edude ke Ŋwed Mormon awak nditi nnyin ete ke Ete nnyin ke Enyɔŋ ye Andinyaŋa nnyin ema nnyin ebe ŋkp ekededi emi nnyin ikpikerede.

Mfiak-men-ndi ke aka-iso ye edibiɔŋɔre eke mme isuŋurom heaven efen nnɔ Joseph Smith. “John the Baptist emi ekesetde afiak ayak odudu uduɔk-mmɔŋ ke edinyi-yin man ekwohode idiɔkŋkpɔ efeb ɔnɔ. Mme akpa Apostle Duopeba ita—Peter, James, ye John—efiak eyak idaha-mbet ye mme ukpohode unen itie-oku eno. Mbon efen ŋko ema edi, esinede Elijah, emi akayakde unen ɔnɔ ndidian ufɔkemana ɔtɔkiet ke nsinsi ebuana emi akande mkpa.”

Ke April 6, 1830, Jesus Christ ama asiak ufɔk Abasi kiet emi enamde etiene ufɔk Abasi emi Enye ekenimde ke eyo Obufa Testament oto ke Joseph Smith (se Articles of Faith 1:6), emi ɔyɔhɔde ye itiat-idak-isɔŋ eke mme apostle ye prophet, Jesus Christ ke Idemesie onyuŋ edi akan itiat inuk” (Ephesians 2:20). Ufɔk Abai Jesus Christ Mme Ndisana Owo ke Ukperedem Usen enam mme edidiɔŋ eke mfiak-men odudu itie-oku ndi odu ɔnɔ kpukpru nditɔ Abasi emi ebeŋede idem mmɔ ndibɔ odud oro.

Nte President Russell M. Nelson ekekpepde nnyin ete ke, nnyin imikeme edinyene idara ke edikabare-esit kpukpru usen nte nnyin iwɔŋɔre itiene Ete ke Enyɔŋ ye Andinyaŋa nnyin. Eke owo emi okopde mmemidem mme ke mmɔ inamke ɔfɔn mme ke iduhe do: ekot kpukpru owo ete edi etiene Christ ye Ufɔk Abasi Esie. Ufɔk Abasi idihe itie-uŋwɔŋɔ inɔ mbon emi efɔnde-ema edi edi ebiet-ubɔhɔ ɔnɔ mbon emi mifɔnkke. Elder Dieter F. Uchtdorf eke Eboho mme Apostle Duopeba eti nnyin ke “nnyin idige ufɔk Abasi man ididip mme mfina nnyin edi ke idi man edikɔk mmɔ.”

Ke ufɔk Abasi nnyin imikut idara ke nti-ifet ke ndikabare idem nnyin ndi nti owo, inam-ŋkpɔ inɔ mbon efen ke ima, inyuŋ ibuana ifiɔk-ukpep nnyin ye ediwak nti-ŋkpɔ eke Christ. Ekeme “edibat nnyin esin kotu mbio ufɔk Abasi Christ” ndien “eti enyuŋ enam nnyin ifɔn oto ke eti ikɔ Abasi” (Moroni 6:4) Se akwa edidiɔŋ mi!

Inikiet Prophet Joseph Smith etiŋ ete, “Idahemi nso ke nnyin ikop ke ikɔ Abasi emi nnyin ikɔbɔde? Uyo idaresit! Uyo mbɔm otode heaven; ye uyo akpanikɔ ɔwɔrɔde oto ke isɔŋ; eti mbuk ɔnɔ mme akpa-mkpa; uyo idaresit ɔnɔ mme odu-uwem ye mme akpa-mkpa, eti mbuk eke akwa idara.” (Doctrine ye Covenants 128:19).

Nti mbuk emi ama edi koro Ete ke Enyɔŋ ye edima Eyen Esie, Jesus Christ, ema nnyin enyuŋ eneyene-udɔŋ—akan ŋkpɔ ekededi—ndidara mfiak-nda nnyin nka iso Mmɔ, man nnyin ke nsinsi ikeme edidu oruk uwem emi Mmɔ edude. Mfiak-men-ndi ayarare ete ke Mmɔ enam ofuri ŋkpɔ emi odotde ndinam emi ediwɔrɔ-osu ɔnɔ kpukpru nnyin. Ke nsinsi usuŋ-isaŋ nnyin, nnyin iyikut idomo ye afanikɔŋ, edi “[nnyin] idu, man [nnyin] inyene idara ” (2 Nephi 2:25) ke uwem emi ye ke uwem efen. Prophe t Joseph ama ɔdiɔŋɔ emi ɔfɔn akan ata ediwak owo.

Joseph ama okut eneni ye ukɔbɔ ndien-ndien, edi enye okosuk enyenyene “ata inem ido emem esie” (Joseph Smith—History 1:28). Enye okosuk adadara, ɔsɔŋidem, onyuŋ okopidem, ndien enye anam ata-iso utom emi ekenɔde ete anam okure. Ami mmekɔm kpukpru mme ebeiso Ndisana Owo emi ekenimde, ewamde, enyuŋ etienede Prophet Joseph Smith ndien ewa idem mmɔ enɔ ke ndibɔp Ufɔk Abasi. Nnyin imikama mmɔ akamba isɔn eke esit-ekɔm ye ukpono.

Oro ekedi mfina ke mme akpa ini eke Ufɔk Abasi, ndien oro ekeme ndidi mfina mfin emi. Edi Mfiak-men-ndi oro ke akaka-iso. Ye Jesus Christ ke ibuot Ufɔk Abasi emi, mme odu-uwem prophet eyeka iso ke edida nnyin usuŋ. Eyeka iso edibɔp mme Ufɔk Jehovah, man edidiɔŋ eke nsinsi ediomi ye Abasi ekeme edibɔp nnyin ndian nnɔ Enye ye mbon ima nnyin ke ikpehe ŋkaŋ mbiba (se Matthew 16:19). Ima eke Abasi ye Jesus Christ eyetara ɔnɔ ofuri ererimbot nte nnyin itienede item Andinyaŋa ndibɔk erɔŋ Esie nyuŋ mbuana ikɔ-Abasi Esie. Nnyin iyikut mme akpanikɔ eke Mfiak-men-ndi akadae iso ke mme usuŋ onyuŋ ekesim mme ebiet emi owo mikpikikereke ibaŋa ke eyo Joseph.

Nnyin imikeme edikut ɔsɔŋɔ ye akwa idara—nte Prophet Joseph okokutde—nte nnyin inyimede inyuŋ inamde mme ɔsɔŋurua akpanikɔ emi. Ikoot emi Joseph akanamde ɔnɔ Ndisana Owo kini esie osuk akak-iso ye nnyin mfin emi ete: Nte nnyin idikaha iso ke ndinam akwa utom emi? eka iso ndien kufiak edem. Uko, … ye nkaiso, nka-iso ekesim ndikan! Eyak esit mbufo adara, ndien enehede enem” (Doctrine ye Covenants 128:22).

Yak nti mbuk eke ima ye idara emi Mfiak-men-ndi adad edi ɔdiɔŋ onyuŋ ekpeme uwem nnyin—idahaemi ye ke ofuri ini.