Ese Christ

Kailey edide isua Efuteba okodu ke ibuot ŋka-mbre mbemiso unɔmɔ editibe ekesim enye edinyene idiɔk unan ke mfre. Erikɔk esie anam enye etre edika ufɔkŋwed, ndien enye ɔtɔŋɔ ndidu nsan-nsan ye ndikop ndobo-ikpɔŋ. Enye ediŋwana ke ekikere inyuŋ ifiɔkke ebiet emi okpoyomde uŋwam. Ufan esie kiet editeme ete yak enye akpaŋ-utɔŋ ɔnɔ mme missionary. Mmɔ edikpep enye ebaŋa Erisio-isop eke Jesus Christ. Ndikpep awak mbaŋa Christ edinɔ enye idorenyin, ndien enye edikop nte ke Abasi ke Idemesie ama edise enye.

Kailey editiŋ ɔnɔ eka esie ete, “Akananam ami ŋkikereke ke Abasi ama mi. Edi idahaemi ami mmediɔŋɔ ke Enye ama mi.”

Eka esie, Michelle, okodu ke esisit mkpaidem. Enye ye ebe esie, Brock, ema ewɔrɔ ke Ufɔk Abasi Jesus Christ Mme Ndisana Owo ke Ukperedem Usen kini Kailey ekedide isua itiaba oto ke ntak nsio-nsio mbume, eyighe, ye ekikere. Mmɔ ekekere ke eyen-aŋwan mmɔ eyekop ata inemesit ke kpukpru esop ye ibet miduhe. Mmɔ ikikereke ke mbumek mmɔ eyekpan Kailey osio ke edinyene ata ebuana ye Abasi. Nte Michelle ye Brock esede nte Kailey ɔkpuhɔde, mmɔ edikut ete ke edi anyan ini tɔŋɔ nte mmɔ ekedu ekpere Abasi, ndien mmɔ ekeyom ndifiak nnyene ekikere oro.

Mmɔ edisobo ye bishop mmɔ, ndien ibighike ufɔkemana oro, esinede Braeden eyeneka-eren Kailey, edifiak aka ufɔk Abasi. Odude ekpere Abasi ye ndifiak nnyene ebuana ye Enye—akpan-akpan ke akam—edifiak ɔsɔŋɔ mbuɔtidem mmɔ. Edifiak nka ufɔk Abasi ikibɔrke ofuri mbume mme ekikere mm, edi mmɔ ema edikut ke edinyene ɔsɔŋɔ ebuana ye Abasi ekedi ata akpan-ŋkpɔ akan unana edinim-ke-akpanikɔ mmɔ.

Kpukpru emi ɔkɔtɔŋɔ kini ufan kiet—eyenɔwɔŋ nte afo—okokotde Kailey ete ese Christ. Ndien enye ama ese!

Jesus Christ eketiŋ ete, “Ese mi ke kpukpru ekikere; ekuyihe, ekufehe ndik” (Doctrine ye Covenants 6:36). Emi edi ntak enyenede Ibuot-ikɔ eke Iwaad ke 2025. Eyak nnyin ibuana nte afo ekemede edimek iberedem ke nde eyighe ye mbuɔtidem ke nde ndik ke nte afo esede Christ.

Tamara W. Runia

Kini ami nnyenede mfina, oro kpukpru ini esiŋwam mi ndikut Jesus Christ nte atatde mme ubɔk esie. Kini ami nsede Enye, ami nditi ikɔ ikwɔ oro ete, “Ami Nyesaŋa ye Jesus”: Enye idikpɔŋke mi, kpa kini ami nduɔde.”

Emily Belle Freeman

Ini eke ami nkotde itie ŋwed Abasi eke ibut-ikɔ emi, oro editi mi abaŋa Peter asaŋade ke enyɔŋ-mmɔŋ Akpa-inyaŋ Galilee. Edise oyobio ama anam ndik ye eyighe esie okpon, anamde enye nditeŋ nduk ke mbufit oyobio. Edi ke esede Andinyaŋa akaŋwam Enye ndinam ŋkpɔ emi enye mikinamke akpa: enye edisaŋa ke enyɔŋ mmɔŋ! Oro ekedi utibe-ŋkpɔ, ke akpanikɔ. Nso ke afo ekeme edi-nam ŋkure ke nte afo esede Enye?

Andrea Muñoz Spannaus

Ini eke ami ntɔŋɔde edikop ndik, ibeheke ebiet eke ami ndude mme ke ndaha eke ami ndude, ami nyenehede ŋkere mbaŋa ebuana mi ye Ete Heaven ye Jesus Christ. Ami nyetiŋ emi ke ekikere mi ke ediwak ini nte: AMI NDI EYEN-AŊWAN EKE ABASI. Ami nyeka iso nam emi tutu ami ntɔŋɔ edikop inem idem. Oro esifɔn ke ofuri ini!

Bradley R. Wilcox

Bup idem fo owo emi ekpemede fi onyuŋ enehede ama fi. Edi ete ye eka fo mme adausuŋ ke Ufɔk Abasi? Edi mbonowo ke social media emi afo onyuŋde esisine ke ibat? Ese Ete Heaven ye Christ. Mmɔ enehede enɔ-ukpeme!

Steven J. Lund

Ti se eketi fi ebaŋa kiniafo ekotde mme ibuot-ikɔ eke Eboho Itie-oku Aaron ye Nkaiferi Iban ke ibuot ete: Afo edi edima eyeneren mme eyen-aŋwam eke Abasi. Enyene mbuɔtidem ke Ete nnyin enyene uduak ɔn mbufo. Edise Christ ɔwɔrɔ ndikut ke Erisio-isop Esie odu ke esit uduak oro.

Michael T. Nelson

Ndikot ŋwed Abasi edi edise Christ! Mme eyighe ye ndik eyenehede okure nte etide nnyin kabaŋa utibe-ŋkpɔ ye ukpepŋkpɔ eke Jesus. Nnyin iminehede ifɔn-iso ke edinyene mme ikɔ Esie. Mmɔ esine ke ofuri ndaha emi nnyin ikutde ke uwem nnyin.