යේසුස්වහන්සේගේ උපත

බෙත්ලෙහෙම යනු හෙබ්‍රෙව් භාෂාවෙන් “පාන් නිවස” යන්නයි. එය සමහර අවස්ථා වලදී දාවිත්ගේ නගරය ලෙස හඳුන්වනු ලබන අතර, ගැලවුම්කරුවාණන් ඔහුගේ පෙළපතින් පැමිණෙන බවට අනාවැකි පළ කර ඇත (බලන්න යෙරෙමියා 23:5; යොහන් 7:42). සාමුවෙල් බෙත්ලෙහෙමේදී දාවිත්ව රජු ලෙස ආලේප කළේය (බලන්න1 සාමුවෙල් 16:1–13). මෙසියස්වහන්සේ එහි උපත ලබන බව අනාවැකි පළ විය (බලන්න මීකා 5:2).

නවාතැනසඳහා ග්‍රීක වචනයෙන් අදහස් කරන්නේ අමුත්තන්ගේ කාමරයක් ඇතුළුව ඕනෑම තාවකාලික නවාතැනක් යන්නයි. මරියතුමිය “නවාතැන් ගෙයි ඔවුන්ට ඉඩ නොතිබුණු බැවින් [ළදරු ක්‍රිස්තුස්වහන්සේව] ගව ඔරුවක බෑවුවාය” (ලූක් 2:7). (ජෝසෆ් ස්මිත් පරිවර්තනය “තානායම්” ලෙස පවසයි.) “කාමරයක් නැත” යන්නෙන් අදහස් කරන්නේ ඔවුන් ආපසු හරවා යැවීම හෝ ඔවුන් නැවතී සිටි කිසිම ස්ථානයක දරුවෙකු බිහි කිරීමට ඉඩක් නොතිබීමයි. කොහොම නමුත් ගව ඔරුවක් ඇති ස්ථානයකට ඔවුන් ගියා.

ගව ඔරුවක් යනු සතුන් සඳහා ආහාර තබා ඇති උස් පෙට්ටියක් හෝ අගලකි. පුරාණ යුදයේ, මේවා බොහෝ විට ගල් වලින් සාදා තිබුණි. තානායම්වල ගව ඔරුව සමඟ මැද මිදුල තිබූ අතර බොහෝ නිවෙස්වල විශාල ප්‍රධාන කාමරයේ ගව ඔරුව තිබුණි එමඟින් සතුන් එක රැයක් එහි තබා ගත හැකි විය.

මව්වරුන් වසර දහස් ගණනක් තිස්සේ අලුත උපන් බිළිඳුන්ව (බ්ලැන්කට්ටුවකින් හෝ රෙද්දකින් ඔතා) ඇත. මෙය ගර්භාෂයෙන් පිටවීමේ කම්පනයෙන් පසු ඔවුන් සන්සුන් කර සැනසීමක් ලබා දෙයි. මරියතුමිය භාවිත කළ රෙදිපිළි පවුලට අනන්‍ය වූ විශේෂ සලකුණක් තිබෙන්නට ඇත.

ඔවුන් යහපත් සහ ධර්මිෂ්ඨ මිනිසුන් වූ අතර, ඔවුන් දෙදෙනාම දාවිත්ගෙන් පැවතෙන්නන් විය. ගැලවුම්කරුවාණන්ගේ උපත සඳහා සූදානම් වීම සඳහා ඒ දෙදෙනාවම දේවදූතයෙකු විසින් බැහැදැක තිබුණි (බලන්න මතෙව් 1:18-25; ලූක් 1:26-38). ඔවුන් බෙත්ලෙහෙමට කිලෝමීටර් 100-140 (සැතපුම් 60-90) ගමන් කළහ. ගමන අතරතුර මරියතුමිය ගැබ්ගෙන සිටියාය.

බෙත්ලෙහෙම අසල එඬේරුන් තම බැටළු රැළ රැකබලා ගනිමින් සිටියහ. සමහර විද්වතුන් පවසන පරිදි, නගරයක් අසල ඇති දැඩි කිරීමට අවසර දී ඇත්තේ දේවමාළිගාවේ බිලි පූජා සඳහා ඇතිකරන කරන බැටළුවන් පමණි. එබැවින් මෙම එඬේරුන් අප වෙනුවෙන් යේසුස් ක්‍රිස්තුස්වහන්සේගේ පූජාව නියෝජනය කරන බැටළුවන් බලාගන්නට ඇත (බලන්න මෝසෙස් 5:6-7). මෙසියස්වහන්සේ දැකීමට ඔවුන් තම රැළෙන් පිටත්ව ගිය අතර, උන්වහන්සේගේ වන්දිගෙවීම නිසා සතුන් පූජා කිරිම නතර විය.

යේසුස්වහන්සේගේ උපතේ කතාවේ සහ අපගේ ජීවිත තුල යේසුස් ක්‍රිස්තුස්වහන්සේ ප්‍රධාන චරිතයයි.