Rongorongon Bungiakin Iesu

Bethlehem nanona “auti ni kariki” n te taetae n Ebera. E aranaki n tabetai bwa ana kaawa Tawita, man rikin te Mesia are e taekinaki n taetae ni burabeti bwa e na roko (taraa Ieremia 23:5; Ioane 7:42). Tamuera e kabira atuun Tawita bwa e na uea i Betereem (taraa 1 Tamuera 16:1–13). E taekinaki n te taetae ni burabeti bwa e na bungiaki te Mesia ikekei (tara Mika 5:2).

Te taeka n Erene ibukin inn e kona n nanonaki auti ae tatangoaki, n raonaki ma te ruu n iruwa. Maria “e kawenea [Kristo te merimeri] ni nen te man n amwarake; bwa akea nneia n te auti ni iruwa” (Ruka 2:7). (Ana Rairairi Iotebwa Timiti n taekan “inns.”) “Akea te ruu” e kona n nanonaki bwa e kakeaaki nakoia ke akea te tabo are ana tiku iai ni bungiakin te teei. N te bwai ae riki, a nakon tabo are iai nen kanaia iai man.

Nnen kanaia maan bon te bwaoki ae karietaaki ke te aubunga are e nen kanaia maan. Ngkoa i Iutaia, angiina a kakaraoaki man te atibu. Auti n iruwa iai i nuukana te ruu ao nnen kanaia maan, ao ni mweenga aika a mwaiti iai naba nnen kanaia maan n te ruu ae bubura bwa aonga man ni kawakinaki ikekei inanon te tairiki.

Tina iai aia ninira ae mwarairai ibukiia natiia ae tibwa bungiaki (n niiriia iai inanon te buranketi ke kunnikai) inanon ngaa ma ngaa n ririki. Aio are a rau ao a mweengaraoi iai imwiin te kubanako ni kiitanakin biroton tinaia. Te kunnikai are e kabongana Maria e kona n iai karaoana ae onoti nakon te utu.

Bon aomata aika a raoiroi ao a kakaraoa ae eti, ao bon kanoan Tawita. A tia ni kawaraki iroun te anera ni katauraoaia imwain bungiakin te Tia Kamaiu (taraa Mataio 1:18–25; Ruka 1:26–38). A mwananga 100–140 km (60–90 te maire) nako Betereem. Maria e bikoukou n tain te mwananga.

Taan kawakin tiibu a tararuaia aia nanai n uakaan ma Betereem. Ni kaineti ma taan rabakau tabeman, ti tiibu aika katauaki ibukin te angakarea n te tembora a ti kariaiakakai bwa a na kaikawaaki n uakaan ma te kaawa. Ngaia ngkanne taan kawakin tiibu aikai a tararuaia aia tiibu ake a tei ibukin ana karea Iesu Kristo ibukira (taraa Mote 5:6–7). A kitanii aia nanai n noora te Mesia, are ana karea ni kamaiu e na kamauna tiringaia maan bwa te karea.

Iesu Kristo bon ngaia te rabwata ae boboto iaona te Bungiaki—ao inanon maiura.