სიმარტივე, რომელიც ქრისტეშია

თორმეტ მოციქულთა ქვორუმის ახალ წევრად მისი მოწოდების შემდეგ, ინტერვიუში, უხუცესმა პატრიკ კერონმა თქვა: „ახლა უფრო მეტ სიმარტივეს ვხედავ სახარებაში, ვიდრე ოდესმე. […]“. ცხადია, ის არ ვარაუდობდა, რომ მისი მოწოდება მარტივი იქნებოდა. პირიქით, მან ასევე ისაუბრა „მიღებულ შოკზე და ამ მოწოდების დიდ პასუხისმგებლობაზე“. სხვა სიტყვებით რომ ვთქვათ, ჩვენი უფლის იესო ქრისტეს მოციქულობის ამ წმინდა მოწოდებიდან სულ რამდენიმე დღეში, უხუცესმა კერონმა ყურადღება გაამახვილა სახარების სიმარტივეზე და არა თავისი მოწოდების სირთულეზე. ამ ფაქტმა დამაფიქრა გაკვეთილზე „ პატარა და უბრალო საქმეებით ხდება დიდი საქმეების კეთება“.

ჩვენ ვცხოვრობთ მომატებული სირთულეების სამყაროში. მხოლოდ ბოლო 25 წლის განმავლობაში მოხდა მრავალი ტექნოლოგიური და სოციოლოგიური ცვლილება, რომელიც ყოველდღიურად გავლენას ახდენს ჩვენს უმეტესობაზე. მიუხედავად იმისა, რომ სამყარო ყოველთვის რთული იყო, ინფორმაციის ამჟამინდელი ნაკადი, რომელიც შემოდის ჩვენს სახლებში, მათ შორის აზრთა სხვადასხვაობა, სოციალური და პოლიტიკური გაურკვევლობა და გარემოს ცვლილებები, ზოგჯერ შეიძლება უძლეველი მოგვეჩვენოს. ისეთი შეგრძნებაა, თითქოს „მთელი დედამიწა [იმყოფება] მღელვარებაში […]”. ამგვარად, რა არის ჩვენი პასუხი ამ მომატებულ სირთულეებზე?

„პასუხი უმარტივეს კითხვებზე და ყველაზე რთულ პრობლემებზე ყოველთვის ერთი და იგივეა. პასუხი არის იესო ქრისტე. ყოველი გამოსავალი მასშია“. პავლე მოციქული გვასწავლის, რომ ყურადღება გავამახვილოთ „სიწრფელესა და სიწმიდე[ზე] ქრისტეში“. სამყაროში, რომელიც სულ უფრო რთული ხდება, იესო ქრისტეს შეუძლია დაგვეხმაროს გავიგოთ, თუ რა არის ყველაზე მნიშვნელოვანი..

პრეზიდენტმა ნელსონმა შეგვახსენა: „მოწინააღმდეგე ჭკვიანია. ათასწლეულის მანძილზე ის კეთილს ბოროტის სახეს აძლევს, ბოროტს კი - კეთილის. მისი გზავნილები ხმამაღალი, გაბედული და თავმომწონეა […] თუმცა, ჩვენი მამაზეციერის შეტყობინებები საოცრად განსხვავებულია. ის უბრალოდ, ჩუმად და ისეთი განსაცვიფრებელი სიცხადით საუბრობს, რომ ჩვენ არ შეგვიძლია მისი არასწორად გაგება“.

ასე რომ, როდესაც ისმის სამყაროს ხმამაღალი არეული შეტყობინებები, რომლებიც დამაბნეველი, დამთრგუნავი და აშკარად რთულია, ქრისტეში არსებული უბრალოების მიღება, ნიშნავს ამ ხმამაღალი ხმების უარყოფას და, როგორც უხუცესი უხტდორფი გვირჩევს, „გადადგით ნაბიჯი უკან, შეხედეთ თქვენს ცხოვრებას უფრო მაღალი წერტილიდან, და გაამარტივეთ თქვენი მიდგომა მოწაფეობისადმი. ყურადღება გაამახვილეთ სახარების ძირითად მოძღვრებებზე, პრინციპებსა და გამოყენებაზე“.

აღნიშნული მოცემულობის რეალობა საკუთარ ცხოვრებაში გამოვცადე. როდესაც ჩემს ოჯახში, სამსახურში ან საეკლესიო მოწოდებებში გამოწვევების წინაშე ვდგებოდი, საკუთარ თავზე დაყრდნობა ხშირად არ იყო შედეგის მომცემი. მაგრამ საკუთარ თავს ვუსვამდი მარტივ კითხვას - „რას მოიმოქმედებდა იესო?“ ან სახარების მარტივი პრინციპების გათვალისწინება, რომლებიც შეიძლება გამოვიყენო ჩემს ამჟამინდელ მდგომარეობაში, დამეხმარა ზეციური ძალების მოზიდვაში და ამ პრობლემებთან ბევრად უკეთ გამკლავებაში. პრობლემები სულაც არ გაქრება, მაგრამ მე ვიპოვე ძალა, იმედი და მოვახდინე ფოკუსირება ჩემი პრობლემების გამკლავებაზე ან მათთან ერთად ცხოვრებაზე. დაბნეულობა შეიცვალა აზრისა და მიზნის სიცხადით.

უხუცესი ბალარდი ხშირად გვახსენებდა: „შეინარჩუნეთ უბრალოება. სწორედ ამ უბრალოებაში იპოვით […] მშვიდობას, სიხარულს და ბედნიერებას […]“. ამას, მეც ვმოწმობ.

შენიშვნები